Amɔs 5:1 - Kazambale lé Sebe Sauunu 1979

¹ Izraɛlnu, ’ka tɔné dɔ dére ’ko lɛ; ka mawe lé maa a gona a fena, ’ka tɔné dɔ a lɛ.

Amɔs 5:1 ပူးပေါင်းရင်းမြစ်များ

Jérémi 18:13

Amalé Gakelebale léma: ’Ka we laa bɛnnu lee. Mi kyɛn ɛ ’bɛ zoɛ we ’ma é kyɛɛn? Izraɛl munu lé ke bélé blɛnzan zo, tadanmawe lé é gié é glɛ la, wa kɛlɛ.

Jérémi 7:29

Jérusalɛm munu, ’ka ka nwin bɔi yé ’ka a vuli baa; ’Ka vɔ fɛna nwalenu na, yé ’ka wu lɛrɛ vɔ. Munu lé wo Gakelebale bli nwa, É sɔn vɔ wo ma yé é wo sié ma baa.

Jérémi 9:10

É sɔ an lɛ léé, an wuvɔ yé an dunnu gɔ nwiin; Maa dan gyɛ wuvɔ lɛ nyéné saa lé fɛna pɛblɛɛna; Naa, wo ana kyɛ ble, mi do kpen ’ka giéna ana lo, Wo ’ka trubɛnu dére maan ana é dɛrɛ lo; Lagi mianénu valé winu fwila yé wo san.

Jérémi 9:17

Lai sunyanu lé Gakelebale léma: ’Ka wuvɔlomu gini, ’ka wo laa yé ’wo da. Lomu lé woo baan wuvɔle gi, ’ka mi nwunvɔ wo laana yé ’wo da.

Jérémi 9:20

’Kaa lomu, ’ka tɔné dɔ Gakelebale dére lɛ, Yé we lé é ke a fena, ’ka a ’ma ma. ’Ka gyɛbolɛrɛ paa ka lunu gi; ’Ka wuvɔlɛrɛ paa ka ke gi.

Jérémi 9:9

Maa ’ka dan we lɛdɔ lɛ wo gi we ’konu ma loo? Maa ’ka dan anzé we lɛgi pa lɛ ’bɛ zo bɛn ma loo? Maa Gakelebale ɛ ke a fena.

Ézékiɛl 19:1

Yé bii, ’i gyɛbodére fe Izraɛl minwiinzannu ma.

Ézékiɛl 19:14

Kyɛ si a kwɛɛ va, Yé é a poronu ble. A bɛ plɛplɛ ’ka é dɛrɛ Yé wo minwiinzan blɛn lé plaminwiin yili kɛlɛ a nya lo. Gyɛbodére lé ke bɛ, yé dére ’ko nya lé wo dan gyɛ bo lɛ.

Ézékiɛl 26:17

Woo wuvɔ dére fé i ma, yé wo léé: Yiba, wo i sɛrɛ tata; fla tɔbɔle lé é ke plɛplɛ wɛyi sɔnɔ, bii lé, munu lé woo giéan wɛyi yuɛ la, woo nyanaan i ta, bii lé, i kana blɛn vɔ i zi munu gi, wo bii valé i tamunu sɛrɛ tata.

Ézékiɛl 27:2

Blami be, ’i wuvɔ dére ’ko fe Tii munu ma:

Ézékiɛl 28:12

Blami be, ’i wuvɔdére do fe Tii nwiinzan blɛn ma. Bé fe a lɛ léma: Mizan Gakelebale léma: Ilé we lɛ a é sɔɔle; i a é fanle wedɔɔle nya, i nɔnɔmi lɛ a é sɔɔle.

Ézékiɛl 32:16

Gyɛzorolɛrɛ lé ke bɛ; wo dan a vɔ lɛ; bɛngɔnɔ gi blɛnnu é dan gyɛzorolɛrɛ ’ko vɔ lɛ; wo dan lɛrɛ ’ko vɔ lɛ Éjipiti valé élé mi gu faa ta. A zo lé Mizan Gakelebale a fe.

Ézékiɛl 32:2

Blami be, ’i gyɛbodére fe Éjipiti nwiinzan blɛn Faraɔn ma. Bé fe a lɛ léma: I a yi la bélé golizra boroné zo bɛnnu méléna. I a yi la bélé yuéi zo wɛyinu va. I duun‐an ilé yuunu va, i ’yinu nanoan i ganenu nya, ’té i ’yi nwalenu nanoan.

Amɔs 3:1

’Kaa Izraɛlnu, ’ka tɔné dɔ dére ’ko lé maa Gakelebale a fe ka ma, a lɛ; migɔnɔ faa lé maa wo si Éjipiti tɛrɛ la, wo ma we lé maa ke a fena.

Amɔs 4:1

’Kaa Bazan diridanu lé ka ke Samari gɔ nwiin, ’kaa lé ka yaan nyanaizénlazannu ta, ’té ka tɔnanénu wiian, ’té ka fé ka zananu lɛ léé, ’ka da a nya, kaa mini, ’ka tɔné dɔ dére ’ko lɛ:

Amɔs 5:16

Bɛwemalé Gakelebale, lai sunyanu lé Bale, Mizan léma: Wo dan wuvɔ lɛ fla vuun la fɛfaana; wo dan siaa lɛ flaworo dii léé, an bu loo! an ti loo! Wo dan féipazan laa lɛ gyɛ bole we ma, yé wo dan gyɛ wuvɔzannu laa lɛ, wuvɔle we ma.

Amɔs 8:14

Samarinu lé wenyané lé ke ’wolé yonu nya, woo ’bɛnu ’nyɔɔn‐an yé wo léé: Dan, ilé bale tɔ gi, Bɛɛ‐Sééba zi, i tɔ gi; naa, munu faa lé wa kɛla a zo, wo dan dia lɛ yé wo ’ka dan nwa lɛ é dɛrɛ lo.

Misé 2:4

’Bɛ yi la, wo dan kalé we fe lɛ gi la; wo dan ka tɔ vɔ lɛ wu lɛrɛ nya, yé wo dan a fe lɛ léé, ko sɛrɛ tata. Wo kolé munu zé nɔ mi bɛnu lɛ. Yiba, wa si an lee. É kolé féinu guli ko nyanézannu ma.