Amɔs 4:7 - Kazambale lé Sebe Sauunu 1979

⁷ Yé maa lɛɛ nyané kɛlɛ ka lɛ, ’té kalé fɛgyɛmoné vo yaa; maa lɛɛ da fla do la, yé maa ’ka lɛɛ da lɛ fla do ta lo. Maa lɛɛ da féi do ta, yé féi lé maa ’ka lɛɛ da lɛ ’bɛ ta lo, ’bɛ ga.

Amɔs 4:7 ပူးပေါင်းရင်းမြစ်များ

Fwile 10:22

Moizi é bɛ soi lai zia; yé gunu tiritiri dɔra Éjipiti tɛrɛ faa la fɔɔ yi yaa.

Fwile 10:23

Munu ’ka wo ke yé lo, yé mi do kpen ’ka nwa lɛ é nyanana lo fɔɔ yi yaa. Naa, fɛana lé Izraɛl lé nénu faa ke é nyanale, yee ɛ na ɛ ke fu.

Fwile 8:22

Moizi léé: ’Bɛ zo we ’ka ana nyɛɛ lɛ lo; sarakanu lé ko dan wo bo lɛ Gakelebale, kolé Bale lɛ, é ’ka dan sɔ lɛ Éjipiti munu bli lɛ lo, azama. Dé ko Éjipiti munu lé balenu bo saraka nya wo yuɛ va, ’naan, wo ’ka dan gɔlɛ vuli lɛ ko va loo?

Fwile 9:26

Gozɛn tɛrɛ lé Izraɛl lé nénu ke é nyanale a ta ’bɛna do kpen lé goowɔlɛlɛɛ ’ka dia lɛ lo.

Fwile 9:4

Gakelebale é dan glɛ dɔ lɛ Izraɛl lé trubɛnu valé Éjipiti munu lé trubɛnu gi, yé fɛnu faa lé ke Izraɛl lé nénu zé nya, wo va wi do kpen ’ka dan ga lɛ lo.

Ézai 5:6

Maa dan a vo lɛ é gɔ nya; maa ’ka dan a ma bɔi lɛ yé maa a féi pa é dɛrɛ lo; plésɔné léliyili valé lélinu é dan tuu lɛ ana; yé maa dan latinu béli dɔ lɛ léé, té wo lɛɛ da a ta é dɛrɛ lo.

Jérémi 14:22

Bɛnnu faa lé miyilinu vazan do éé lɛɛ daan? taa, La ɛ lɛɛ daan? Lɛɛdazan ’ka bii Gakelebale kolé Bale nya loo? Ko bli a bii ɛ lɛ, Naa, bii ɛ ke fɛnu ’ko faa kɛlɛzan nya.

Jérémi 14:3

Mi segelenu éé né kiénénu nwunvɔa ’yi tɔna, Yé nénu éé goo ’yibagi, yé wo ’ka ’yi yé a gi lo; Woo nɔlaan bɔ koro nya wo lee. Yara wo gyɛ; wo kua yara nya yé wo sɔ zén ’wo ’wuo ma.

Jérémi 14:4

Tɛrɛ kyɛ dɔ, Lɛɛ ’ka dan tɛrɛ la lo, azama. Yé yara féipazannu gyɛ yé wo bɛ bua ’wo yara.

Jérémi 3:3

Amalé lɛɛné ’ka da lɛ lo yé lɛɛné vininnu vuru ka ma. Yé ka kɛlɛ yuɛmaplɛplɛ?-?zannu nya bélé gɔnégini le zo, yé yara ’ka ka gyɛ lɛ lo.

Joɛl 2:23

Yé ’kaa Siɔn munu, yéri ’é pa ka lɔ ma, yé ka gi ’é nana Gakelebale, kalé Bale lé we ma ma, Naa, é dan lɛɛ da lɛ ka lɛ lɛɛ dabléyi va, Yé é dan lɛɛ vininzan valé lɛɛ voélazan da lɛ lɛɛ dabléyi va, Éé a kɛla é vinin fɛan zo, a zo.

Zakari 14:17

Dé kɔn‐an gi munu a fe léé, ’wo ’ka go Jérusalɛm minwiinzan blɛn, lai sunyanu lé Gakelebale bɔ lɛ lo, lɛɛ ’ka dan da lɛ wolé fɛna lo.

WENÉNÉ LE JAN A GYE (Évangile selon Jean) 4:35

Ka ’ka a fena léé, é vo moné ziɛn yé wo ’sa gyɛ bɛ loo? Ka yua bɛ, ’ka yara nwa yé ka féinu nagini. Wa é tanale wo gyɛle yɛrama.

1 Korent munu 4:7

De ɛ i kɛlɛ é yɛrama mi pɔnénu vaa? Mɛ fɛ lé bé ye iboaan? Yé dé mi bɛ a nɔ i lɛ, mɛmalé ibo ze vɔa, bélé fɛan zo lé bé ye iboan, a zoo?

Bélidɔwesɛbɛ Fiézan 11:17

Gakelebale bli é dan fli lɛ ka ma; é dan la lɛ tan lɛ yé lɛɛ ’ka dan da lɛ lo; tɛrɛ ’ka dan fɛ dɔ lɛ ka lɛ lo; yé ka dan zamaga wo lɛ, tɛrɛ zin lé Gakelebale a nɔna ka lɛ bɛ, a ta.

SEBE LÉ JAK A GYE (Épitre de Jacques) 5:17

Éli a blami nya bélé kaa zo. É bazoro é bli faa nya léé, té lɛɛ é da é dɛrɛ lo, yé lɛɛ yaa moné suiɛdo gi lɛɛ ’ka da lɛ tɛrɛ la lo.

Wegɔɔnle 11:6

A se a wo lɛ léé, wo la lɛ tan, té lɛɛ é da wolé balelawefe yinu ta lo we gi; yé dé é sɔ wo lɛ léé, ’wo ’yinu nɔla nyɛ nya bléyioo bléyian va, a se a wo lɛ; dé é sɔ wo lɛ léé, ’wo tɛrɛ gyɛ migyɛgyɛ gɔnɔ faa nya bléyioo bléyian va, a se a wo lɛ.