Amɔs 4:6 - Kazambale lé Sebe Sauunu 1979

⁶ Yé maa ɛ da lɔrɔ nya kalé fla blɛn faa ta, yé maa fɛblele vuru ka ma ka nyananu na. Dé an ’bɛ kɛlɛoo, ka ’ka da lɛ an va ka pa gi lo. A zo lé Gakelebale a fe.

Amɔs 4:6 ပူးပေါင်းရင်းမြစ်များ

1 Minwiinzannu 17:1

Galaad tɛrɛ la mi do, Tisibi mi Éli lé Akab lɛ léé: Gakelebale, Izraɛl lé Bale lé maa ke a wuozan nya, é a é yuɛma. Lɛɛ ’konu wuo, lɛɛ ’ka dan da lɛ lo yé fli ’ka dan vɔ lɛ lo, ’té dé maa ’ka a fe lɛ lo.

1 Minwiinzannu 18:2

Yé Éli go ébo nagɔɔnle Akab lɛ we gi. Lɔrɔ dɔ é baba Samari tɛrɛ la.

2 Minwiinzannu 4:38

Élizé da Gilgal é ziin, yé lɔrɔ dɔ ana tɛrɛ la. Balelayemunu a é nyanale a ’lɛ, yé é lé é wuozan lɛ léé: ’I bɔ blɛn dɔ kyɛ ta, yé ’i zian dɔne Balelayemunu lɛ.

2 Minwiinzannu 8:1

Élizé lé lezan lé é a be nwa gale va, a lɛ léé: ’I nwa yé ’i go, bii valé ilé kɔngimunu koo, yé ’i nyana fɛana lé i bɔalɛ, ana; naa, Gakelebale lɔrɔ dɔ yé é dan vo lɛ tɛrɛ la fɔɔ lɛɛ sɔrafié.

2 Minwiinmunu lé Wezuofe Sɛbɛ 28:22

Bléyian va lé é a kle blena, yee, minwiinzan blɛn Akaz vo wenyané kɛlɛna Gakelebale ma.

Ézai 26:11

Gakelebale, i bɛ a plɛplɛ; Wo ’ka a gi dɔɔa lo. I fuu a i ta fɛan zo ilé munu mawe kɛlɛna, wo dan a ye lɛ yé ’bɛ é dan wo gyɛ lɛ yara nya; Kyɛ é dan i nyanézannu ble lɛ.

Ézai 3:1

Fɛnu faa lé mi éé paan a ta, é valé wolé fɛ faa pun sina, Mizan, lai sunyanu lé Gakelebale é dan wo si lɛ Jérusalɛm munu valé Juda munu lee. Wolé fɛblele sinanu faa koo, wolé ’yi’wuonu faa koo, Gakelebale é dan wo si lɛ wo lee.

Ézai 9:12

Duowo, munu ’ka dan ’wo blazan va lo, yé wo ’ka lai sunyanu lé Gakelebale naginian lo.

Ézai 9:13

Gakelebale é dan Izraɛl woli valé a ’wuo bɔi lɛ yé é dan yɔ valé gyan soowɔla lɛ yi do kpen nya.

Jérémi 14:18

Dé an go féioo, gwɔun gyɛzannu a ’bɛna; Dé an da flaoo, lɔrɔgyɛzannu a ’bɛna. Balelayezan boen valé Balebanzan woo nɔɔan tɛrɛ ’ko la, Yé wo ’ka wo gona dɔɔa lo.

Jérémi 5:3

Gakelebale, i yuɛ ’ka webozen yé loo? I wo bla, yé é ’ka ’na lɛ wo ma lo; I wo nyaa, yé wo ’ka ilé wepladére nyi si lɛ lo; Yé wo yuɛma dɔ plɛplɛ bélé gɔlɛ zo. Wo sɔn vɔ ’wo bli nɔlale ma.

Ézékiɛl 14:21

Amalé we lé Mizan Gakelebale a fe, yee lo: Dé maa anlé welɛdɔ migifɛ ziɛn pa Jérusalɛm lɛ zia, gwɔun koo, lɔrɔ koo, migyɛwinu koo, migyɛgyɛ koo, woo lé, dé maa wo pa zia blaminu valé winu kulu gale we ma,

Ézékiɛl 16:27

Yé bé ye, maa bɛ kɛlɛ i ma; izé lé maa nɔ, maa a ta zana. Maa a nɔ i nyanézannu lé blibɔmawe lɛ, Filisiti lomu lé i kɛlɛwe plenu wo gyɛ yara nya, woo lé.

OZÉ (Osée) 11:5

Wo ’ka dan nɔla lɛ Éjipiti tɛrɛ la lo; naa, wo ’ka a nyi si lɛ léé, wo da an va lo, amalé wo nwiinzan blɛn é dan kɛlɛ lɛ Asiri mi nya.

OZÉ (Osée) 5:15

Maa dan go lɛ yé maa dan da lɛ an nyanana fɔɔ yé wa gi dɔɔ léé, we ’wo gyɛ, yé wo an nagini. Dé wa nyané blena, wo dan an nagini lɛ.

Joɛl 1:16

Wo ’ka fɛblele sia lɛ ko wuo loo? Ginanale valé ginanale blɛn ’ka san lɛ kolé Bale lé kɔn gi loo?

Lévinu 26:23

We lɛdɔle ka gi ’ko, dé ’bɛ ’ka ka drɔ lɛ lo yé ka dɔ an ma plɛplɛ,

Lévinu 26:26

Kadɔplɛplɛfɛ lé ke kalé fɛblele nya, dé maa ’bɛ si ka lee, le vu é dan bɔ dɔne lɛ bɔ do gi, yé wo dan a guli lɛ ka ma, yé ka dan a ble lɛ yé ’bɛ ’ka dan ka kan lɛ lo.

Agajé 2:17

Maa gyan vɔ kalé fɛnu ma; an pooné vɔ kalé ’sa ma; maa kalé féi gyɛ goowɔlɛlɛɛ nya; maa kalé nyanama faa sɛrɛ. Dé maa ’bɛ faa kɛlɛoo, ka ’ka da lɛ an va ka pa gi lo. A zo lé Gakelebale a fe.

Bélidɔwesɛbɛ Fiézan 28:38

Ka dan fɛwɔlɛ kiɛre vɔ lɛ kalé féi; naa, gangannu é dan wo ble lɛ amalé ka ’ka dan fɛ kiɛre ye lɛ lo.

Wegɔɔnle 2:21

An bléyi ke nɔ a lɛ, a bli nɔlale we ma, yé é ’ka a va léé, é daan élé pɛnpɛnnégyɛle ma lo.

RUT (Ruth) 1:1

Weblezannu bléyi va, lɔrɔ dɔ Izraɛl tɛrɛ la. Mi do si Bɛtléɛm, Juda tɛrɛ la, é na valé é be fiénu nya é va, nyanale sɛ we gi Moab tɛrɛ la.