Amɔs 4:13 - Kazambale lé Sebe Sauunu 1979

¹³ Naa, mi lé é gɔ blɛnnu kɛlɛ yé é fu kɛlɛ, Yé éé bɔn‐in bɔrɔmawe gɔɔn‐an blami lɛ, Yee lé éé tu kinile nɔlaan gunu nya, ’Té éé tawoo tɛrɛ la fɛna nwalenu na, yee lé ke bɛ; A tɔ lé Gakelebale, lai sunyanu lé Bale.

Amɔs 4:13 ပူးပေါင်းရင်းမြစ်များ

JOB (Job) 9:7

Éé yiri béli dɔa, yé yiri ’ka bɔraan lo; Éé monénénu ta yɔɔan.

Lɛrɛvɔ Sɛbɛ 135:7

Yee ɛ lafunu nwaan tɛrɛ glɛ sina, Éé zagelenu baan yé éé lɛɛ dan, Éé fu sié élé fɛwezannu va.

Lɛrɛvɔ Sɛbɛ 139:2

Dé an nyanaoo, dé an nwaoo, i ’bɛ dɔɔ; Dé i a baaoo, i an ’wuogibɔrɔle dɔɔ;

Lɛrɛvɔ Sɛbɛ 147:18

Éé wo ’yi boo é dére nya, É élé fu fɛɛan yé ’yinu é yoro.

Lɛrɛvɔ Sɛbɛ 65:6

Ko Siéwegibale, ilé zin ma lé i kolé we zi paan we blɛnblɛnnu kɛlɛle nya, Munu lé ke baa tɛrɛ valé wɛyi glɛ sina bɛ, wo bli a i lɛ.

Fwile 10:22

Moizi é bɛ soi lai zia; yé gunu tiritiri dɔra Éjipiti tɛrɛ faa la fɔɔ yi yaa.

Fwile 14:20

É dɔ Éjipiti munu gu blɛn valé Izraɛl munu gu blɛn méléna. Lati ’ko bɛ do la a gunu nya, yé a bɛ do la a fɛna fu nya. Yé béli ’ko faa gi, mi gu blɛn fié ’ko ’ka bié lɛ wo ke sɔnɔ lo.

Ézai 40:12

Mi kyɛn ɛ ’yinu dan é leeguru laa? De ɛ lanu dan é bɛlaa nya Yé é tɛrɛla vun dan gboun‐o nyaa? De ɛ gɔnu pɛzé wo bɛkilo nya Yé é gɔpanénu pɛzé wo kiloné nyaa?

Ézai 45:7

Maa ɛ tu kinié yé maa ɛ gunu dɔraan; Maa ɛ mi vɔa a ma yé maa ɛ mi gya nyané nya; Maa Gakelebale, maa ɛ we ’konu faa kɛla.

Ézai 47:4

Ko tabozan a mi lé wa laama lai sunyanu lé Gakelebale, a nya. Izraɛl lé Mi Sauun lé.

Ézai 48:2

Naa, wo fla plɛplɛ tɔ pa ’wo ma, Yé wo pale a Izraɛl lé Bale lé, Wa tɔ laama lai sunyanu lé Gakelebale bɛ, a ta.

Ézai 5:30

’Bɛ yi la é dan nyana vɔ lɛ élé wi ta bélé wɛyi vun wele zo. Dé mi tɛrɛ nagini, gunuti saa lé éé a yé, ’té munu éé nyané blé; dé é a la nya, gunu a é dɔrale ’bɛ gi.

Jérémi 10:13

’Yinu a dére ’ma tɔɔn, wo vun we lanu gi. Éé latinu nwaan tɛrɛ glɛ sina, Éé lɛɛ yuɛ wuo vɔa yé éé lɛɛné dan, Éé fu sié élé fɛwezannu va.

Jérémi 10:16

Bale lé é ke Jakɔb zé nya, ’bɛ ’ka wozé zo lo; Naa, ’bɛ ɛ fɛnu faa kɛlɛ, Yé Izraɛl ɛ ke alé tɔnɔ nya; A tɔ lé lai sunyanu lé Gakelebale.

Jérémi 13:16

’Ka fua nɔ Gakelebale kalé Bale lɛ A dale gunutinu nya ’lɛ, Ka gane sɔnéwɔlɛ sanle gɔnu ma gunutinu va ’lɛ. Ka dan san dale lɛbɛn lɛ, Yé é dan san ’ko nɔla lɛ gafurɔ nya. É dan a nɔla lɛ gunuti tiritiri nya.

Jérémi 46:18

Minwiinzan blɛn lé a tɔ ke lai sunyanu lé Gakelebale, é léma: Maa a é yuɛma! É dan da lɛ bélé Tabɔɔ gɔ lé ke gɔnu méléna, a zo, Bélé Kaamɛl gɔ lé é ke wɛyi sɔnɔ, a zo.

Jérémi 51:16

’Yinu a dére ’ma tɔɔn, ’wo vun we lanu gi. Éé latinu nwaan tɛrɛ glɛ sina, Éé lɛɛ yuɛ wuo vɔa yé éé lɛɛné dan; Éé fu sié élé fɛwezannu va.

Jérémi 51:19

Bale lé é ke Jakɔb zé nya, ’bɛ ’ka wozé zo lo; Naa, ’bɛ ɛ fɛnu faa kɛlɛ, Yé Izraɛl lé ke alé tɔnɔ nya. A tɔ lé lai sunyanu lé Gakelebale.

Daniɛl 2:28

Naa, minwiinzan blɛn Nébukanɛsaa, Bale do ana lanu gi; yee ɛ we yɔɔlenu bɔraan, yé wean é dan bɔ lɛ bléyi voélanu gi, é a nagɔɔn minwiinzan blɛn lɛ. Nyɛ lé bé gyɛ, é valé yuɛzi wenu lé bé ye, ’té i a é yiale, yee lé ke ’ko.

Daniɛl 2:30

Dé wo we yɔɔle gi bɔra an lɛ, ’té é ’ka kɛlɛ lɛ léé, wedɔɔle lé é mini mi yuɛmalenu faa zé wedɔɔle ta, é a an gi lo, naa, wa gi bɔra an lɛ léé, maa we ’ko gi fe minwiinzan blɛn lɛ, yé ’wuogibɔrɔlenu lé wo ke i bli gi, yé i wo dɔɔ.

OZÉ (Osée) 12:6

Gakelebale a lai sunyanu lé Bale nya. A tɔ lé Gakelebale.

Joɛl 2:2

Yi ’ko la, béli éé taan yé gunu éé dɔraan; Yi ’ko la, lati éé tuaan, yé lolu éé vɔa; É dan bélé tukinile zo yé é zén gɔnu ta, Migɔnɔ lé wo ke kiɛre, ’té wa plɛplɛ, woo lé; Wo ’ka tan wo zoɛ munu ye lɛ é vinin lo, Yé wo ’ka dan wo zoɛ munu ye lɛ wo zuo monomono lo.

Amɔs 3:13

Mizan Gakelebale, lai sunyanu lé Bale léma: ’Ka tɔné dɔ yé ’ka we ’ko lɛ kini Jakɔb lé munu lɛ léé:

Amɔs 5:27

yé maa dan go lɛ ka faa nya luu gi Damas zi. A zo lé Gakelebale a fe; a tɔ lé lai sunyanu lé Bale.

Amɔs 5:8

É Pléiade valé Orion monénénu kɛlɛ; Éé gunu ti nɔlaan tukinile nya, Éé fɛnafu kɛla gunu nya béli tanle we gi; Éé wɛyi laan, Yé éé wo sɔɔlaan tɛrɛ la; A tɔ lé Gakelebale.

Amɔs 6:8

Mizan Gakelebale ébo ’nyɔɔn, Gakelebale, lai sunyanu lé Bale léma: Maa nyé yélié Jakɔb lé boblɛn ma, yé alé fuakɔnnu za a an gi; maa dan fla valé é tafɛnu faa pa lɛ munu lee.

Amɔs 8:9

Mizan Gakelebale léma: ’Bɛ yi nya, maa dan yiri vɔ lɛ é yiéyi, yé gunu é dan dɔra lɛ tɛrɛ la yiéyi bléyi va;

Amɔs 9:6

É nyanana kɛlɛ lanu gi, Yé élé fɛna pla kɛlɛ tɛrɛ nwiin; Éé wɛyinu laan, ’Té éé wo sɔɔlaan tɛrɛ yuɛ la; A tɔ lé Gakelebale.

Misé 1:3

Ka yua, Gakelebale si é nyanana, É a zunna, é a tawona tɛrɛ ta loru.

Abaku 3:19

Mizan Gakelebale ɛ ke anlé plɛplɛ nya, Éé an ganenu kɛla bélé vɔlɛ zé zo, Yé éé an kɛla tawozan nya loru. Lɛrɛvɔmunu nwiinzan zé lé. ’Wa vɔa lɛrɛvɔafɛ lé a bale ke, a va.

Zakari 12:1

Dére lé Gakelebale a fe Izraɛl ma, yee lé ke ’ko. Gakelebale lé é lanu fwila yé é tɛrɛ gane vɔ, yé é léli pa blami gi bɛ, é léma:

Matio 9:4

Jézu wolé gi bɔrɔlenu dɔɔ, yé é léé: Mɛmalé gi bɔrɔle naané ’ko ke ka bli gii?

WENÉNÉ LE JAN A GYE (Évangile selon Jean) 3:8

Fɛana sɔ fu lɛ, ana lé éé giéan. Yé bé vun ’ma, naa, dé é si kyɛɛn? dé é go kyɛɛn? i ’ka wona dɔɔa lo. Mi faa lé wo wo yaa Kazambale Léli ma, a zo lé wolé we ke.

Bélidɔwesɛbɛ Fiézan 32:13

É go wo nya loru, Yé Izraɛl bwiifɛnu ble; Zɔrɔnyɔnɔ lé éé sié gɔlɛ gi koo, Nyɔnɔ lé éé sié gɔlɛ plɛplɛ baba gi koo,

Bélidɔwesɛbɛ Fiézan 33:29

Izraɛl, izé a néné, de ɛ ke bélé bii zoo? Munu lé Gakelebale wo si we gi, ka lé. ’Té yee ɛ ke ka botakuunfɛ nya, ’Té yee ɛ ke ka tɔbɔgwɔun nya, de ɛ ke bélé bii zoo? Ka nyanézannu wo dan ’wo ’wuo wɔra lɛ ka gane wuo, Yé ka dan wolé gɔnwiin yobannanu zɔn lɛ ka gane nya.