Amɔs 4:11 - Kazambale lé Sebe Sauunu 1979

¹¹ Maa ka zana a gi, Sɔdɔm valé Gɔmɔɔ zé kɛlɛ fɛan zo, a zo; maa ka kɛlɛ bélé kyɛpéli lé wa si kyɛ va gla nya, a zo. Dé an ’bɛ kɛlɛoo, ka ’ka da lɛ an va ka pa gi lo. A zo lé Gakelebale a fe.

Amɔs 4:11 ပူးပေါင်းရင်းမြစ်များ

Ézai 13:19

Babilɔn, bɛntɛrɛnu lé wɛɛwɔlɛ, Kaldé munu lé ’lɛrɛfɛ, wolé bokɛlɛgi blɛn fɛ, é dan kɛlɛ lɛ bélé Sɔdɔm valé Gɔmɔɔ lé Bale wo sɛrɛ, a zo.

Ézai 7:4

Bé fe a lɛ léma: ’I dɔ flee, té i kana we do kpen lee lo. Té nyɛ é ’wii i zuru va kyɛ pééné fié lé wo goi éé bɔa é pla, wo lee lo; ’bɛ gi léé, Rɛsɛn koo, Sirinu koo, Rémalia be koo, té nyɛ é ’wii i zuru va ’bɛnu lee lo.

Ézai 9:12

Duowo, munu ’ka dan ’wo blazan va lo, yé wo ’ka lai sunyanu lé Gakelebale naginian lo.

Jérémi 23:14

Naa, maa an tadanmawe ye Jérusalɛm lé balelayezannu va; Wa leginizannu nya; woo tawoo viéwole nya, Woo dɔa mi plenu zuo, Léé, té wo va mi do kpen é daan élé we lɛrɛlɛrɛ kɛlɛle ma lo. Wo faa a an yuɛ gi bélé Sɔdɔm munu zo; Yé munu lé woo nyanaan Jérusalɛm, wa bélé Gɔmɔɔ munu zo an yuɛ gi.

Jérémi 49:18

Gakelebale léma: Mi ’ka dan kɛlɛ lɛ ana é dɛrɛ lo; mi do kpen ’ka dan nyana lɛ ana lo. É dan kɛlɛ lɛ bélé Sɔdɔm valé Gɔmɔɔ valé wo sɔnɔ flanu lé maa wo sɛrɛ tata, wo zo.

Jérémi 5:3

Gakelebale, i yuɛ ’ka webozen yé loo? I wo bla, yé é ’ka ’na lɛ wo ma lo; I wo nyaa, yé wo ’ka ilé wepladére nyi si lɛ lo; Yé wo yuɛma dɔ plɛplɛ bélé gɔlɛ zo. Wo sɔn vɔ ’wo bli nɔlale ma.

Jérémi 50:40

bélé Sɔdɔm valé Gɔmɔɔ valé ’wo punma flanu lé Gakelebale wo sɛrɛ, wo zo. Mi ’ka dan nyana lɛ ana é dɛrɛ lo, mi do kpen ’ka dan kɛlɛ lɛ ana lo. Maa Gakelebale ɛ ke a fena.

Ézékiɛl 24:13

Weple a i tiridɔfɛ va. Naa, é sɔ an lɛ léé, maa i gi bɔ, yé i gi ’ka bɔ lɛ lo, amalé i gi ’ka dan bɔ lɛ i tiridɔle gi lo fɔɔ ’té an wɛwɛ dɔle lɛ sɔɔ é wo i ma.

OZÉ (Osée) 11:5

Wo ’ka dan nɔla lɛ Éjipiti tɛrɛ la lo; naa, wo ’ka a nyi si lɛ léé, wo da an va lo, amalé wo nwiinzan blɛn é dan kɛlɛ lɛ Asiri mi nya.

OZÉ (Osée) 11:8

Éfraim, maa dan kɛlɛ lɛ ilé we ma kaa? Izraɛl, é a lé maa i pa mi bɛ lee? É a lé maa a kɛlɛ i lɛ bélé Adima zoo? É a lé maa we kɛlɛ i lɛ bélé Séboim zoo? An bli a diana an gi, An nyanai faa a zénna.

Amɔs 4:6

Yé maa ɛ da lɔrɔ nya kalé fla blɛn faa ta, yé maa fɛblele vuru ka ma ka nyananu na. Dé an ’bɛ kɛlɛoo, ka ’ka da lɛ an va ka pa gi lo. A zo lé Gakelebale a fe.

Agajé 2:17

Maa gyan vɔ kalé fɛnu ma; an pooné vɔ kalé ’sa ma; maa kalé féi gyɛ goowɔlɛlɛɛ nya; maa kalé nyanama faa sɛrɛ. Dé maa ’bɛ faa kɛlɛoo, ka ’ka da lɛ an va ka pa gi lo. A zo lé Gakelebale a fe.

Zakari 3:2

Yé Gakelebale lé Satan lɛ léé: Satan, Gakelebale ’é i tadɔ ma. Gakelebale lé é Jérusalɛm si a va, ’é i tadɔ ma. Kyɛ péliné lé wa gana kyɛ va, yeean é ke bɛ loo?

Rom munu 9:29

Yé fɛan zo lé Ézai a fe é kyɛn, é kɛlɛ a zo. É léé: Dé Sunyanuzan ’Ka ko kulu sɛné vo lɛ ana lo, ’Té ko kɛlɛ bélé Sɔdɔm zo, ’Té ko valé Gɔmɔɔ munu a é bɔle ékema.

1 Korent munu 3:15

Dé mian lé nyanama kyɛ ble, ’té a ban san a lee, naa, ’bɛzan é dan si lɛ we gi bélé sole kyɛ lee zo.

Bélidɔwesɛbɛ Fiézan 28:24

Gakelebale é dan lɛɛ da lɛ ka ta vun valé nyéné nya; é dan si lɛ la gi yé é zun ka ta fɔɔ yé ka guru é zana a gi.

Bélidɔwesɛbɛ Fiézan 29:23

tɛrɛ ’ko lé é ke wɛtɛrɛ valé poovun tɛrɛ valé kyɛbletɛrɛ tanale nya, ’té fɛwɔlɛ valé féifɛ ’ka ana lo, ’té lu ’ka bɔraan ana lo, bélé Sɔdɔm koo, Gɔmɔɔ koo, Adima koo, Séboim koo, woo lé Gakelebale wo sɛrɛ élé bliflile valé é wɛwɛ blɛn nya bɛ, wo zo, dé wo ’bɛ ye,

2 Piɛri 2:6

Bale sɛrɛle dɔ Sɔdɔm valé Gɔmɔɔ nwiin yé é wo kinin kyɛyee nya; é we ’ko kɛlɛ, léé, Bale lé zi ma wenyané fezannu lé wo dan bɔra lɛ bɛ, dé wo we ’ko ’ma, yé wo ’ka dan wozé kɛlɛ lɛ ’bɛ zo lo.

SEBE LÉ JUD A GYE (Épitre de Jude) 1:23

yé a kenu é ziin, ’ka nyanai zén wo ta kanale nya, fɔɔ, wolé varɔ boen lé wo dɔbɛ kyɛn a tiri dɔ bɛ, yé ka kana ’bɛ lee.

SEBE LÉ JUD A GYE (Épitre de Jude) 1:7

Yé Sɔdɔm koo, Gɔmɔɔ koo, wo sɔnɔ flanu koo, wolé we sele ’é dɔ ka gi é ziin. Wenyané lé lanjenu a kɛlɛ, wo yee wenyané duo kɛlɛ; gɔnénu go gɔnénu va, yé lomu go lomu va, ’té woo pɛnpɛnné gya; sin wo kyɛ a blena, kyɛ lé é ’ka dirian monomono lo, a va; Bale we ’ko kɛlɛ léé, dé munu wo ye, yé wo bɔn‐in ’é kini yé wo ’ka we kɛla bélé wozé zo lo. We ’ko sele ’é vo ka gi ma.

Wegɔɔnle 9:20

Mi koɛnu lé, fɛ yaa ’ko ’ka ’bɛnu gyɛ lɛ lo, ’bɛnu ’ka ’wo bli si lɛ ’wo bɛ kɛlɛfɛnu lɛ lo; miyilinu lé wa kɛlɛ kyan koo, gɔɔlifu koo, zéné koo, gɔlɛ koo, yili koo, wo nya, ’té wo ’ka bɔa fɛ yele valé we ’male valé tawole lɛ lo, munu ’ka daan lɛ wo bɔle valé yonu bɔle ma lo;