Amɔs 4:10 - Kazambale lé Sebe Sauunu 1979

¹⁰ Maa ka gyɛ migyɛgyɛ nya bélé Éjipiti tɛrɛ la zé zo; maa kalé pɛniɛnu gyɛ gwɔun nya, yé maa zi nɔ léé, wo kalé wisoonu si. Maa ka nyanana gin dɔ ka nyé gi; dé an ’bɛ kɛlɛoo, ka ’ka da lɛ an va ka pa gi lo. A zo lé Gakelebale a fe.

Amɔs 4:10 ပူးပေါင်းရင်းမြစ်များ

2 Minwiinzannu 10:32

Bléyi ’ko va, Gakelebale kun Izraɛl lé tɛrɛ ke so male ma; Azaɛl wo gyɛ Izraɛl lé tɛrɛ glɛnu faa la.

2 Minwiinzannu 13:3

Gakelebale bli fli Izraɛlnu ma, yé é wo pa Siri nwiinzan Azaɛl valé Azaɛl be Bɛn‐Adad lee, minwiinzan ’konu lé tɛrɛla faa gi.

2 Minwiinzannu 13:7

Wisootazannu yɔ fié wɔlɛ vu koo, goro vu koo, gane la sunyanu baa soru koo, wo saa lé Gakelebale a vo Joakaz lee, munu faa lé wo ke a va é vinin, wo va munu nya; naa, Siri nwiinzan blɛn mi pɔnénu gyɛ, yé é wo kɛlɛ bélé vun lé mi a zɔn é gane nya, a zo.

2 Minwiinzannu 8:12

Azaɛl léé: Mɛmalé anzan wuvɔɔ? Élizé a zi pa léé: We tɔntɔn lé i dan a kɛlɛ lɛ Izraɛl lé nénu lɛ, maa a dɔɔ, ’bɛzama; i dan wolé fla plɛplɛ kyɛ vɔ lɛ, i dan wolé pɛniɛnu gyɛ lɛ gwɔun nya, i dan wolé né kiénénu pun dɔ lɛ yé i dan wolé bɔnlomu bɔn gi bo lɛ.

Fwile 10:27

Gakelebale Faraɔn bli kɛlɛ plɛplɛ, yé Faraɔn ’ka a va léé, é daan wo ma lo.

Fwile 10:3

Moizi valé Arɔn go Faraɔn va yé wo lé a lɛ léé: Gakelebale, Ébrunu lé Bale léma: I dan ibo kɛlɛ lɛ kiéné ’é ’lɛ mɛ yi laa? ’I daan ’élé munu ma, ’wo go ’é bɔ.

Fwile 14:4

Maa dan Faraɔn bli kɛlɛ lɛ tɔntɔn, yé é dan go lɛ wo zuo; naa, maa dan anlé fuasan nagɔɔn lɛ Faraɔn valé élé sunyanu faa nya, yé Éjipiti munu é dan a gi dɔɔ lɛ léé, maa a Gakelebale nya. Yé Izraɛl lé nénu a kɛlɛ a zo.

Fwile 15:26

É léé: Dé i Gakelebale, ilé Bale dére ban i tɔné nya é zima, we lé ke tegele a yuɛ gi, dé bé kɛlɛ, dé i tɔné dɔ alé bélidɔwenu lɛ, dé i tawo a sɔnné faa yɛrama, gyɛnu lé maa Éjipiti munu gyɛ wo nya, maa ’ka dan i gyɛ lɛ a do kpen nya lo; maa a Gakelebale lé éé i bélié, a nya, azama.

Fwile 8:19

É dan glɛ dɔ lɛ élé munu valé ilé munu gi. Tɔmase ’ko é dan kɛlɛ lɛ tɛlɛ.

Fwile 9:12

Gakelebale Faraɔn bli kɛlɛ plɛplɛ yé Faraɔn ’ka é tɔné dɔ lɛ Moizi valé Arɔn lɛ lo, Gakelebale a fe Moizi lɛ fɛan zo, a zo.

Fwile 9:17

Dé i nwa ’élé munu ma é ziin, dé i ’ka daan wo ma ’wo go lo,

Ézai 34:3

Wo galenu a é nwɛɛnle, wo galenu goi dɔ, wo nyɛ é dan yoro lɛ gɔnu ma.

Ézai 50:11

Ka faa lé ka kyɛ bi, ’Té sonakyɛ a ka lee, ’Ka tawo kalé kyɛnɛnɛ valé kalé sonakyɛ san va, An dan we bɔ lɛ ka ma, Ka dan yia lɛ kleblele nya.

Ézai 9:12

Duowo, munu ’ka dan ’wo blazan va lo, yé wo ’ka lai sunyanu lé Gakelebale naginian lo.

Ézai 9:13

Gakelebale é dan Izraɛl woli valé a ’wuo bɔi lɛ yé é dan yɔ valé gyan soowɔla lɛ yi do kpen nya.

Ézai 9:17

Naa, wenyané kɛlɛle éé mi blé bélé kyɛ lé éé danan valé léliyilinu blé, a zo; éé kyɛ vɔa pɔrɔwɔlɛ ’léé, ’té a goi éé nwaan zuuu.

Jérémi 11:22

Gakelebale lé wo lɛ léma: Ka ye, maa dan we lɛdɔ lɛ wo gi; pɛniɛnu é dan ga lɛ gwɔun lee; wo benu valé wo lunu é dan ga lɛ lɔrɔ lee.

Jérémi 15:3

Gakelebale léé: Maa dan bawurumagyɛ ziɛn pa lɛ wo lɛ zia; gwɔun lé wo gyɛle koo, blénnu lé wo ganale koo, lagi mianénu valé tɛrɛlawinu lé wo blele valé wo sɛrɛle koo, woo lé.

Jérémi 16:4

Gyɛ é dan wo gyɛ lɛ yé wo ga; wo ’ka dan wo wuvɔ lɛ lo, wo ’ka dan wo pa lɛ lo; wo dan kɛlɛ lɛ bélé wibo zo tɛrɛ la; wo dan zamaga wo lɛ gwɔun valé lɔrɔ nya, yé wo galenu é dan kɛlɛ lɛ lagi mianénu valé tɛrɛlawinu lé fɛblele nya.

Jérémi 18:21

Bɛwemalé ’i wolé nénu gyɛ lɔrɔ nya ma; ’i wo gyɛ gwɔun nya ma; wolé lomu lé nénu ’é ga ma, yé lomu ’é kɛlɛ gyɛzaralomu nya ma. Wo zananu ’é ga bawurumagyɛ lee ma; guli ’é wolé pɛniɛnu gyɛ ma.

Jérémi 48:15

Minwiinzan blɛn lé wa tɔ laama lagi sunyanu lé Gakelebale, é léma: Wo ’wii Moab ta, alé flanu kyɛ a blena; a goi a nwana, Wo alé pɛniɛ zimanu bɔrɔ bo,

Jérémi 49:26

Bɛwemalé pɛniɛnu dia alé fla zinu ta, yé alé gulidanmunu faa é dan zamaga wo lɛ ’bɛ yi ’ko nya. A zo lé lai sunyanu lé Gakelebale a fe.

Jérémi 5:3

Gakelebale, i yuɛ ’ka webozen yé loo? I wo bla, yé é ’ka ’na lɛ wo ma lo; I wo nyaa, yé wo ’ka ilé wepladére nyi si lɛ lo; Yé wo yuɛma dɔ plɛplɛ bélé gɔlɛ zo. Wo sɔn vɔ ’wo bli nɔlale ma.

Jérémi 6:11

Gakelebale lé bliflile an kan; an ’ka bɔa anbo kunle lɛ lo. I bli ’é fli né lé é ke zi gi, a ma. I bli ’é fli miboronénu lé woo zén‐é ékema, wo ma. Naa, wo dan gɔné valé lezan kun lɛ; mi kwa, mi lé ana mɔn, wo dan wo kun lɛ.

Jérémi 9:22

Bé fe léma: Gakelebale léma: Mi galenu é dan dia lɛ Bélé wibo vulile zo féinu ta, Bélé fɛan zo léé, ’sanɛnɛ éé zanaan ’sagyɛzan zuo, ’Té wo ’ka a sian lo, a zo.

OZÉ (Osée) 11:5

Wo ’ka dan nɔla lɛ Éjipiti tɛrɛ la lo; naa, wo ’ka a nyi si lɛ léé, wo da an va lo, amalé wo nwiinzan blɛn é dan kɛlɛ lɛ Asiri mi nya.

Joɛl 2:20

Ka nyanézan lé éé sié yirinwana bɛbolazia, maa dan a bin lɛ ka ma baa, Maa dan a bin lɛ yé é go tɛrɛ lé a nyɔnɔ ’ka lo, ’té mi do kpen ’ka ana lo, ana. Maa dan alé gulizilɛzannu bin lɛ fɔɔ yé wo bɔ yirinwanazia wɛyi va; Maa dan zi zuo sunyanu bin lɛ é ziin fɔɔ, yé wo bɔ yirivɔnazia wɛyi ta; Wo gin é dan nwɛɛn lɛ, Yé wo goi é dan sɔɔla lɛ fɛfaana; Wo we blɛnblɛnnu kɛlɛ, azama.

Lévinu 26:16

we lé maa dan a kɛlɛ lɛ ka lɛ, yee lé ke ’ko. Maa dan kana blɛn zén lɛ ka gi, yé maa dan ka gyɛ lɛ fuunégyɛ valé kɔlɛkyɛdɔgyɛ nya, yé ka yuɛi é dan zun lɛ yé ka boen é dan kle ble lɛ; ka dan fɛ vɔ lɛ kalé féi é pla; ka nyanézannu é dan a ble lɛ.

Lévinu 26:25

Maa dan da lɛ gwɔun nya ka va, yé ’bɛ é dan anlé gipawe lɛi pa lɛ; dé ka zén ékema kalé flanu ta, maa dan da lɛ migyɛgyɛ nya ka méléna, yé maa dan ka pa lɛ ka nyanézannu lee.

Amɔs 4:6

Yé maa ɛ da lɔrɔ nya kalé fla blɛn faa ta, yé maa fɛblele vuru ka ma ka nyananu na. Dé an ’bɛ kɛlɛoo, ka ’ka da lɛ an va ka pa gi lo. A zo lé Gakelebale a fe.

Amɔs 8:3

’Bɛ yi la, fuakɔn gi lɛrɛvɔle é dan kɛlɛ lɛ dunnule nya. Wo dan migalenu kiɛre vuli lɛ fɛfaana, ’té wo ta a é dɔle tétété. Yee lé Mizan Gakelebale a fe.

Agajé 2:17

Maa gyan vɔ kalé fɛnu ma; an pooné vɔ kalé ’sa ma; maa kalé féi gyɛ goowɔlɛlɛɛ nya; maa kalé nyanama faa sɛrɛ. Dé maa ’bɛ faa kɛlɛoo, ka ’ka da lɛ an va ka pa gi lo. A zo lé Gakelebale a fe.

Bélidɔwesɛbɛ Fiézan 28:21

Gakelebale é dan ka gyɛ lɛ migyɛgyɛ nya, fɔɔ yé é ka faa gyɛ tɛrɛ lé ka dan a si lɛ kazé nya, a ta.

Bélidɔwesɛbɛ Fiézan 28:22

Fuuné gyɛ koo, kɔlɛ kyɛdɔle koo, lɔlu gyɛ koo, kɔlɛ brɔnbogyɛ koo, misiégigyɛ koo, gyɛkwagyo koo, miwisɛrɛgyɛ koo, Gakelebale é dan ka gyɛ lɛ ’bɛnu nya, yé wo dan vo lɛ ka gɔnɔ gi fɔɔ yé ka zamaga wo.

Bélidɔwesɛbɛ Fiézan 28:60

Gyɛ faa lé wo Éjipiti munu gyɛ, ’té wo yoyo zén ka gi yi la bɛ, Bale é dan wo vɔ lɛ ka ma, yé wo vo ka gɔnɔ gi.

Bélidɔwesɛbɛ Fiézan 7:15

Gakelebale é dan gyɛ faa si lɛ ka ma baa; Éjipiti tɛrɛ la gyɛ naanénu lé ka wo dɔɔ, é ’ka dan ka gyɛ lɛ wo do kpen nya lo, naa, é dan ka zapamunu faa gyɛ lɛ wo nya.