Amɔs 4:1 - Kazambale lé Sebe Sauunu 1979

¹ ’Kaa Bazan diridanu lé ka ke Samari gɔ nwiin, ’kaa lé ka yaan nyanaizénlazannu ta, ’té ka tɔnanénu wiian, ’té ka fé ka zananu lɛ léé, ’ka da a nya, kaa mini, ’ka tɔné dɔ dére ’ko lɛ:

Amɔs 4:1 ပူးပေါင်းရင်းမြစ်များ

1 Minwiinzannu 16:24

é Samari gɔ lɔ Sémɛɛ lee, gɔɔlifu talan fié nya; é fla pa gɔ nwiin yé é yee fla tɔ pa Samari, gɔzan Sémɛɛ tɔ nya.

JOB (Job) 20:19

Naa, é yaa nyanégyɛmunu ta, yé é ’ka wo mawe kɛlɛ lɛ lo, É kɔnnu sɛrɛ, yé é ’ka wo bɛ dɔ lɛ lo.

JOB (Job) 24:4

Woo nyanégyɛzannu bin‐é zia; Woo we kɛla wenaanébɔmazan lɛ fɔɔ yé ’bɛnu é yɔɔ.

Lɛrɛvɔ Sɛbɛ 12:5

Munu lé wo ke a fena léé: Ko plɛplɛ yé ko nɛnɛ ma, Ko a lɔluzannu nya, De ɛ dan pla lɛ ko nwiin? Gakelebale ’é wo nyaa ma.

Lɛrɛvɔ Sɛbɛ 140:12

Mian dabli ke a nɛnɛ ta, é ’ka dɔa gligli tɛrɛ la lo; Yé wenaané éé goo glazan nya é sanna.

Lɛrɛvɔ Sɛbɛ 22:12

Dé kleblele bɔ an ma, Dé mi do kpen ’ka da lɛ bɔ lɛ an va lo, té i si an ma baa lo.

Wegɔnévɔlenu 22:7

Fuablezannu éé plaan nyanégyɛzan nwiin, yé mi lé éé vɛɛn sié é a vɛɛnzan lé luu nya.

Bale Lé We Gifezan 4:1

’Bɛ zuo kle faa lé wa pana munu ta tɛrɛ la, an gi bɔrɔ ’bɛ ma; kleblezannu a wuvɔna, yé mi do kpen ’ka wo tɔrɔ paan lo; wa ’wo ta klepazannu lé glawe kɛlɛmafɛ nya, yé mi do kpen ’ka wo tɔrɔ paan lo.

Bale Lé We Gifezan 5:8

Dé tɛrɛ do la munu ’wo nwiinzan tɔ bɔa, ’bɛ tɛrɛ ’ko la wenu nyian é wo bɛ faa ma.

Ézai 28:1

Éfraim munu, nwɛgyɛzannu lé tɔkoro nɔnɔmi, we tɔntɔn kɛlɛ i lɛ. Bɛn ’ko, a vwi lé ke a ’lɛrɛfɛ nya, ’té a ma éé yuruan bɛ, ’té é ke é plale nwɛtanzannu lé pɛnguru gi tɛrɛ nyɔnɔzan nwiin bɛ, we tɔntɔn kɛlɛ a lɛ.

Ézai 5:8

Munu lé woo voo kɔn dɔna saawo, ’té woo féinu lɔa fɔɔ yé mi nyanana ’ka kɛla é dɛrɛ lo, yé woo nyanaan wo saa tɛrɛ méléna, we tɔntɔn ’é bɔ wo ma ma.

Ézai 56:12

Wo léma: ’Ka da, an dan go lɛ nwɛ gini lɛ yé ko dɔrɔ ’lɛ plɛplɛ mini; ko dan a kɛlɛ lɛ a zo tɛlɛ, yé ko a taa mini é ziin.

Ézai 58:6

Lɔrɔsɔnle lé éé an gi nanaan, yee lé ke ’ko: Munu lé ka wo vɔ bokɔn gi é pla, ’ka wo bɔra; ’ka luubale kini munu bɔrɔ ma; munu lé ka yaan wo ta, ’ka wo vo woboma; munu lé ka kɔné blɛn dɔ wo nwiin, ’ka wo vo woboma.

Jérémi 50:11

Iin, ka lé, ka ’wii anlé tɔnɔ ta, ka gi ’é nana yé ka bli ’é vo drɔɔ. Iin, ’ka fɔrɔ bélé diridané lé éé fɔrɔan luyɛ gi, a zo. ’Ka siaa bélé wisoonu lé wo fuu ke wo ta, a zo.

Jérémi 50:27

’Ka dirigɔnénu faa gyɛ, ’ka wo bɔrɔ bo. Wenaané kɛlɛ wo lɛ ma, naa, wozé yi bɔ; we lɛdɔ wo gi bléyi bɔ.

Jérémi 51:34

Jérusalɛm léma: Babilɔn nwiinzan blɛn Nébukanɛsaa an ble, é an sɛrɛ; É an kɛlɛ bélé bɔkoro zo; É an mini bélé dragɔn zo; É kan anlé fɛwezannu nya, É an bin.

Jérémi 6:6

Naa, lai sunyanu lé Gakelebale léé: ’Ka yilinu vɔ, ’ka wo dɔ Jérusalɛm gɔrɔ giéamafɛnu nya; é a lé wo we lɛdɔ fla ’ko lamunu gi; vakɛlɛle saa ɛ ke ana.

Jérémi 7:6

dé ka ’ka yaan bɛnnu koo, bu valé ti galazan koo, gyɛzarale koo, wo ta lo, dé ka ’ka weanwiinlozan nyɛ zanaan fɛkona lo, dé ka ’ka goo bale bɛnu zuo kalé we tɔntɔn bɔle ka ma we ma lo,

Ézékiɛl 18:12

’té éé yaan we tɔntɔn bɔmazan valé nyanégyɛzan ta, dé éé glawenu kɛla, dé é ’ka mi bɛfɛ no ézan lɛ lo, dé éé miyilinu baan, yé ’té éé bozowenu kɛla,

Ézékiɛl 22:12

Bii fla ’ko la, woo blɛfɛ sié mi nyɛ zanale we ma; woo gɔɔli zuo tɔnɔ valé a pamale sié, woo ’wo bɔluzan leefɛ sié gla nya, yé maa, wo gi éé saan maa ma. Yee lé Mizan Gakelebale a fe.

Ézékiɛl 22:27

Alé mi segelenu a wo méléna bélé glaunu lé woo fɛ wi kinié ékema, wo zo. Woo mi nyɛ zanaan, woo mi boennu saan wolé fɛyelɔrɔ sile ’wo ma we ma.

Ézékiɛl 22:29

Tɛrɛ ’ko lamunu woo ’wobo no glawe kɛlɛle lɛ, ’té woo kyeenwoo; woo yaan wenaané bɔmazannu valé nyanégyɛzannu ta; woo we tegelenu gi sɛra bɛnnu yele nya ’wo yuɛ gi bélé winu zo.

Ézékiɛl 22:7

Bii fla ’ko méléna lé woo serele boo ’wo ti valé ’wo bu ma; woo kle paan bɛnnu ta, woo yaan ti valé bugalazannu valé gyɛzaralomu ta.

Ézékiɛl 34:16

Yee lé é ke é sanle, maa dan a gini lɛ; yee lé é saan, maa dan da lɛ a nya é pa gi; yee lé é tuo, maa dan a tuonanu paa lɛ; yee lé gyɛ ke a ma, maa dan plɛplɛ nɔ lɛ a lɛ. Naa, wo lé wo ke é buale, ’té wa plɛplɛ, maa dan wo gyɛ lɛ. É sɔ an lɛ léé, maa wo pa we tegele yɛrama.

Ézékiɛl 39:18

Ka dan nyanazannu wi ble lɛ, yé ka dan tɛrɛ la minwiinzannu nyɛ mini lɛ; ’blagɔnénu koo, ’blanénu koo, boligɔnénu koo, Bazan tɛrɛ la dirigɔnénu lé wo nyɔnɔ ke koo, woo lé.

Joɛl 3:3

Wo ’munnu zun anlé munu ma; Yé wo pɛniɛnu nɔ bɔrɔdɛ le ma, Yé wo blɛnnu dan dɔrɔ va yé wa mini.

Amɔs 3:1

’Kaa Izraɛlnu, ’ka tɔné dɔ dére ’ko lé maa Gakelebale a fe ka ma, a lɛ; migɔnɔ faa lé maa wo si Éjipiti tɛrɛ la, wo ma we lé maa ke a fena.

Amɔs 3:3

Dé mi fié bli ’ka do lo, woo tawoo ékeva kaa?

Amɔs 5:11

É ziin, ka nyanaizénlazannu zɔn ka gane nya; ka ’sa si wo lee gla nya, blɛfɛ tɔ gi; ka kɔn dɔ gɔlɛ nyaalenu nya, naa, ka ’ka dan nyana lɛ wo gi lo. Ka dɔrɔféi nɔnɔminu pa, naa, ka ’ka dan ana dɔrɔ mini lɛ lo.

Amɔs 6:1

Munu lé wo ke é nyanale drɔɔ Siɔn, ’té wa é nyanale wobo ma duaa Samari gɔ nwiin, we tɔntɔn ’é kɛlɛ wo lɛ ma. Bɛntɛrɛnu va bɛntɛrɛ vininzan lé mi blɛnnu lé Izraɛl éé goo wo va bɛ, woo lé.

Amɔs 6:6

Woo nwɛ minian kana blɛnnu gi; woo nyɔnɔwezan baba giéan ’wo ma, yé wo gi kyɛ ’ka dɔa Jozɛfu guru zanale a gi we ma lo.

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

Mi Nɔnɔle 21:33

Wo nɔla, yé wo gié Bazan lé zi ta. Bazan nwiinzan Ɔg bɔra zi dɔle a lee we gi, yee valé élé munu faa nya, gulidanle wo va we gi Édréi.

Bélidɔwesɛbɛ Fiézan 24:14

Dé ilé nyanamapazan a i bwe do nya, taa, dé é a bɛn bɛ gi mi do lé ke é nyanale kalé tɛrɛ la fla do la, a nya, dé nyané a gyɛ yé fɛ ’ka a lee lo, té i yaa a ta lo.

Bélidɔwesɛbɛ Fiézan 28:33

Bɛn lé ka ’ka wo dɔɔa lo, wo dan kalé féifɛnu ble lɛ yé wo dan ka panyanama faa mafɛ ble lɛ, yé wo dan yaa lɛ ka ta yé wo dan ka zɔn lɛ yifaama.