Amɔs 3:9 - Kazambale lé Sebe Sauunu 1979

⁹ Bale léma: ’Ka we zana dɔɔ fuakɔnnu gi Azdɔd tɛrɛ la, ’bɛ valé Éjipiti tɛrɛ la; ’ka fe léma: ’Ka zén ékeva Samari gɔnu nwiin, yé Samarinu bɔ éé gya fɛan zo, yé ka a ye; wa glawe kɛlɛna fɛan zo, yé ka a ye.

Amɔs 3:9 ပူးပေါင်းရင်းမြစ်များ

2 Samuɛl 1:20

Té ka a fe Gat lo, Té ka we ’ko zuo fe Azkalɔn lé zinu ta lo, Dé Filisitinu lunu gi é da nana, Dé ganedɔlozannu lunu é da mini ko lɛ.

Wegɔnévɔlenu 1:13

kaa dan fɛwezan zinnu gɔnɔ faa ye lɛ, kaa dan kaalé kɔnnu fan lɛ gulizarafɛnu nya;

Wegɔnévɔlenu 11:16

Lezan lé é ke drɔɔ, wa tɔ bɔa, yé mi plɛplɛnu woo fua blé.

Bale Lé We Gifezan 4:1

’Bɛ zuo kle faa lé wa pana munu ta tɛrɛ la, an gi bɔrɔ ’bɛ ma; kleblezannu a wuvɔna, yé mi do kpen ’ka wo tɔrɔ paan lo; wa ’wo ta klepazannu lé glawe kɛlɛmafɛ nya, yé mi do kpen ’ka wo tɔrɔ paan lo.

Jérémi 31:5

I dan dɔrɔféinu pa lɛ Samari tɛrɛ la gɔnu nwiin é ziin; féipazannu é dan wo suru lɛ yé wo dan wo poro so lɛ.

Jérémi 46:14

’Ka a zuo fe Éjipiti tɛrɛ la, ’Ka a zana dɔɔ Migidɔl, Yé ’ka a zana dɔɔ Nofa valé Tapanɛs, Léé, ’i nwa, ’i ma’lɛrɛ, Naa, gwɔun a mi gyɛna i zi.

Jérémi 50:2

’Ka a zuo fe bɛnnu méléna, ’ka a zana dɔɔ wo lɛ, ’ka drapo do nwa loru; ’Ka zana dɔɔ wo lɛ, té ka gɔ do kpen yɔɔ wo ma lo. ’Ka fe léma: Wo Babilɔn si, wolé bale Bɛl fuu si é ta. Wo wolé bale Mérodak sɛrɛ. Wolé miyilinu ’lɛ ’ka é dɛrɛ lo, wolé miyilinu yéli.

Ézékiɛl 36:8

Yé ’kaa Izraɛl gɔnu, yilinu é dan tin lɛ ka nwiin, yé wo poro é dan baa lɛ anlé munu Izraɛl zé nya; naa, é vo sɛ yé we ’konu é bɔ.

Ézékiɛl 37:22

Maa dan wo kɛlɛ lɛ bɛn do kpen nya tɛrɛ ’ko la, Izraɛl gɔnu ma. Wo faa nwiinzan blɛn é dan kɛlɛ lɛ do. Wo ’ka dan kɛlɛ lɛ bɛn fié nya é dɛrɛ lo. Wo ’ka dan kini lɛ ékema yé wo kɛlɛ bɛntɛrɛ fié nya é dɛrɛ lo.

OZÉ (Osée) 7:1

Dé é sɔ an lɛ léé, an Izraɛl béli, ’té Éfraim lé weple valé Samari lé wenyané ta éé bɔraan. Naa, wo we kɛlɛ dabli nya; kyeenzan wɔra kɔn gi, yé glawe kɛlɛzannu ’wii béera fɛnu ta.

Amɔs 1:8

Maa dan Azdɔd munu nyaa lɛ; mi lé soowolivwii ke a lee Azkalɔn, ’bɛ koo é ziin. Maa dan an bɛ dɔra lɛ Ékrɔn ta, yé Filisitinu pɔné é dan zamaga wo lɛ. A zo lé Mizan, Gakelebale a fe.

Amɔs 4:1

’Kaa Bazan diridanu lé ka ke Samari gɔ nwiin, ’kaa lé ka yaan nyanaizénlazannu ta, ’té ka tɔnanénu wiian, ’té ka fé ka zananu lɛ léé, ’ka da a nya, kaa mini, ’ka tɔné dɔ dére ’ko lɛ:

Amɔs 5:11

É ziin, ka nyanaizénlazannu zɔn ka gane nya; ka ’sa si wo lee gla nya, blɛfɛ tɔ gi; ka kɔn dɔ gɔlɛ nyaalenu nya, naa, ka ’ka dan nyana lɛ wo gi lo. Ka dɔrɔféi nɔnɔminu pa, naa, ka ’ka dan ana dɔrɔ mini lɛ lo.

Amɔs 6:1

Munu lé wo ke é nyanale drɔɔ Siɔn, ’té wa é nyanale wobo ma duaa Samari gɔ nwiin, we tɔntɔn ’é kɛlɛ wo lɛ ma. Bɛntɛrɛnu va bɛntɛrɛ vininzan lé mi blɛnnu lé Izraɛl éé goo wo va bɛ, woo lé.

Amɔs 6:3

É dɔ ka gi léé, ka a wenaané bɔyi biéna é zuo, dɔlé ’té ka a glawe saa kɛlɛyi biéna é wo.

Amɔs 8:6

’bɛ zo lé ko dan nyanaizénlazannu lɔ lɛ gɔɔli nya, yé ko dan nyanégyɛzannu lɔ lɛ sawala ba fié nya, yé ko dan ’sanyénénu dan lɛ.

Misé 6:10

Fɛwezan lé wa ye weple ma, é ana tan mi nyané lé kɔn gii? Fɛdangifɛ lé wa wɔra ékeva, ’té é ke balepamafɛ nya bɛ, é ana mii?

1 Samuɛl 5:1

Filisitinu Bale lé kɛsu si Éban‐Ézɛɛ yé wo go a nya Azdɔd.