Amɔs 3:8 - Kazambale lé Sebe Sauunu 1979

⁸ Dé golizra we ’naan, kana ’ka vɔa de ɛ gi loo? Dé Mizan Gakelebale a wena ’naan, de ɛ ’ka kɔɔn balelawe fé loo?

Amɔs 3:8 ပူးပေါင်းရင်းမြစ်များ

Ézai 21:10

Anlé munuoo, anlé munu, wo ka sunwo bélé ’sa sunwole zo. We lé lai sunyanu lé Gakelebale, Izraɛl lé Bale a fe an lɛ, maa a fe ka lɛ.

Ézai 31:4

Naa, Gakelebale lé an lɛ léma: Gakelebale a bélé golizra lé é wi gyɛ yé é nyana vɔ a ta, a zo. Dé é a golizra boroné nyaoo, dé ’blatabinmunu kiɛre zén a ma, di ’ka kinié a gi wo siaale lee lo, yé é ’ka kanaan wo kiɛre lee lo. ’Bɛ duo zo lai sunyanu lé Gakelebale é dan zun lɛ gulidanle we gi Siɔn gɔ valé alé gɔpanénu nwiin.

Jérémi 20:9

Dé maa fe léé: Maa ’ka dan a tɔ bɔra lɛ an ’léé é dɛrɛ lo, Maa ’ka dan we fe lɛ a tɔ gi é dɛrɛ lo, Tɔɔn, fɛ do kɛlɛ an bli gi bélé kyɛ zo, ’Té éé yaan an wɔlɛnu gi. An kwa kuli léé, an pla ’bɛ nwiin, naa, an ’ka bɔalɛ lo.

Jérémi 26:12

Jérémi lé minwiinzannu faa valé munu faa lɛ léé: Wenu faa lé maa a fe munu ’ko valé fla ’ko ma, ’té ka a ’ma bɛ, Gakelebale ɛ an pa zia léé, ’maa wo fe.

Ézékiɛl 29:21

’Bɛ yi la, maa dan plɛplɛ nɔ lɛ Izraɛl munu lɛ yé maa dan i ’léé lɛ so lɛ wo méléna, yé wo dan a gi dɔɔ lɛ léé, maa ɛ ke Gakelebale nya.

Amɔs 1:2

É léé: Gakelebale dére a wena Siɔn bélé golizra zo, ’Té éé wé Jérusalɛm. Trubɛ tabinzannu lé trubɛ blena a gyɛ bona, Kaamɛl gɔ bɛlo nwiin a é gale.

Amɔs 2:12

Yé ka nwɛ minile nɔ nazirézannu lɛ, yé ka lé balelayezannu lɛ léé, té wo balelawe fe lo.

Amɔs 3:4

Dé golizra ’ka tan é blefɛ ye lɛ lo ’naan, éé gi gunuan pɔrɔ gii? Dé golizrané ’ka tan wi gyɛ lɛ lo ’naan, éé siaan é yɛrɛ gii?

Kelewenu 4:20

We lé ko a ye yé ko a ’ma, ko ’ka bɔa daanle lɛ ’bɛ fele ma lo.

Kelewenu 5:20

’Ka go, ’ka dɔ Balebangikɔn gi, yé ka mibéliwe ’ko gi faa fe munu lɛ.

Kelewenu 5:29

Piɛrinu léé: É a lé wo Kazambale lɛdɔma yé ’bɛ é mini munu ta.

1 Korent munu 9:16

Dé maa Wenéné ’ko fe, ’bɛ ’ka an zevɔwe nya lo; é a lé maa kɛlɛ. Dé maa ’ka Wenéné ’ko fé lo, ’té an diri kini anbo lɛ.

Wegɔɔnle 5:5

Mi segelenu va mi do lé an lɛ léé: Té i wuvɔ lo; bé ye, Juda bɛn lé golizra, David Punla, a ’wuo vo a lɛ, alé sɛbɛ lɛ sole valé zɔrɔkaanyɔɔ sɔrafié bɔile we gi.