Amɔs 3:7 - Kazambale lé Sebe Sauunu 1979

⁷ Naa, Mizan Gakelebale ’ka we kɛla é pla lo, ’té dé é ’ka tan é giwe yɔɔle ga vɔ lɛ é leezannu balelayezannu la lo.

Amɔs 3:7 ပူးပေါင်းရင်းမြစ်များ

Wepélisiananu 18:17

Yé Gakelebale léé: We lé maa dan a kɛlɛ lɛ, maa a yɔɔan Abraam maa?

Wepélisiananu 6:13

Yé Gakelebale lé Noé lɛ léé: Mi faa lé we nyaa; maa ɛ fe; naa, wo glawe kɛlɛle sɔɔla tɛrɛ faa la, amalé maa dan wo guru zana lɛ a gi, tɛrɛ boen koo é ziin.

2 Minwiinzannu 22:13

’Ka go, sɛbɛ lé wa ye, ’ka a gi dére tawe laa Gakelebale lee, maa koo, munu koo, Juda faa koo, kolé we ma; naa, ko tranu ’ka Gakelebale dérenu lɛdɔ lɛ a ma monomono lo, yé we faa lé wa gyɛ sɛbɛ ’ko gi, wo ’ka a ta tawo lɛ monomono lo, amalé Gakelebale bli a flina ko ma é baba.

2 Minwiinzannu 22:20

Bɛwemalé, bé ye, i dan go lɛ drɔɔ i tranu zuo, yé we tɔntɔnnu faa lé maa dan wo bɔ lɛ fɛkona ma, i ’ka dan wo ye lɛ lo. Wo go yé wo we zi pa dére ’ko zuo fe minwiinzan blɛn lɛ.

2 Minwiinzannu 6:12

A wuomunu va mi do léé: Anzan, minwiinzan, mi do kpen kaan lo; naa, we lé bé fé i yiakɔn gi, balelayezan Élizé lé ke Izraɛl tɛrɛ la, yee ɛ zuo fé Izraɛl minwiinzan lɛ.

Lɛrɛvɔ Sɛbɛ 25:14

Munu lé woo kanaan Gakelebale lee, é a wo béé nya, Yé éé wo bɔn‐in kinié élé gipawe ma.

Ézai 18:4

Naa, Gakelebale lé an lɛ léma: Maa a é nyanale drɔɔ anlé fɛna, ’té maa naginian kyɛyee bɔbléyi va, fɛ gyɛbléyi va, ’té fli éé vɔa fɛnu ma kiɛre.

Jérémi 23:22

Dé é kɛlɛ kɔɔn léé, wo nyana anlé wekyɛ zi, ’té wo an dérenu fe anlé munu lɛ, ’té wo wo si wolé tawobɛ naané zuo, ’té wo wo si wo kɛlɛwe lɛrɛlɛrɛnu zuo.

Ézékiɛl 29:21

’Bɛ yi la, maa dan plɛplɛ nɔ lɛ Izraɛl munu lɛ yé maa dan i ’léé lɛ so lɛ wo méléna, yé wo dan a gi dɔɔ lɛ léé, maa ɛ ke Gakelebale nya.

Daniɛl 10:21

Naa, wean é ke é gyɛle webozen lé sɛbɛ gi, é sɔ an lɛ léé, maa a gɔɔn i lɛ. Mian éé bɔa an va gulidanna munu ’ko va, dé é ’ka ’kaa Izraɛlnu nwiinzan Mikaɛl nya lo, ’bɛzan ’ka lo.

Daniɛl 11:2

Sin, an dan webozen gɔɔn lɛ i lɛ. Bé ye, minwiinzan blɛn yaa é dan kɛlɛ lɛ é ziin Pɛɛs tɛrɛ la. A ziɛnzan é dan fuafɛnu téé lɛ yé é mini a bɔlunu faa zé ta. Yé bléyian va lé é dan kɛlɛ lɛ plɛplɛ élé fuafɛnu gi, é dan nwa lɛ élé plɛplɛ faa nya Javan tɛrɛlamunu ma.

Daniɛl 2:47

Yé minwiinzan blɛn lé Daniɛl lɛ léé: Ilé Bale a balenu lé Bale nya, yé é a minwiinzan blɛn faa zan nya webozen nya. I we ’ko gi bɔra fɛan zo, ’bɛ gi léé, é bɔa we yɔɔlenu gi bɔrale lɛ.

WENÉNÉ LE JAN A GYE (Évangile selon Jean) 15:15

We lé mi a kɛla, a wuozan ’ka a dɔɔa lo, bɛwemalé maa ’ka ka laan an wuomunu é dɛrɛ lo; we faa lé maa a ’ma an Ti va, maa ka bɔn‐in kini a nya, bɛwemalé maa ka laa an béénu.

Wegɔɔnle 1:1

We lé Kazambale a gɔɔn Jézu Krist lɛ, yee lé ke ’ko. Wenu lé wo bɔle ’ka vo lɛ baa lo, Kazambale a gɔɔn a lɛ, alé wo gɔɔnle é wuomunu lɛ we gi. É a nagɔɔn élé lanje nwunvɔle nya, maa a wuozan Jan lɛ.

Wegɔɔnle 1:19

Fɛ lé bé ye, bé gyɛ sɛbɛ ta; we lé ke ana, é valé yee lé é dan bɔ lɛ é voéla, ’bé gyɛ.

Wegɔɔnle 10:7

naa, lanje sɔrafiézan lé wefeyi nya, dé é béli fɛn, Kazambale lé weyɔɔle lɛ é dan sɔɔ lɛ, bélé fɛan zo lé é a fe é wuomunu balelayemunu lɛ, a zo.

Wegɔɔnle 4:1

’Bɛ zuo, maa a nagini, ’té la lɛ a é sole. Dére lé maa a ’ma é vinin bélé béli vun zo, é we fe an lɛ yé é léma: ’I da loru ’ko, yé we lé é dan bɔ lɛ é voéla yé maa a nagɔɔn i lɛ.

1 Samuɛl 9:15

Naa, Saul dale ’lɛ yi do Gakelebale we fe Samuɛl lɛ yé é léé: