Amɔs 3:1 - Kazambale lé Sebe Sauunu 1979

¹ ’Kaa Izraɛlnu, ’ka tɔné dɔ dére ’ko lé maa Gakelebale a fe ka ma, a lɛ; migɔnɔ faa lé maa wo si Éjipiti tɛrɛ la, wo ma we lé maa ke a fena.

Amɔs 3:1 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 20:15

Yé Jakaziɛl léma: Juda munu faa valé Jérusalɛm munu, ’kaa valé minwiinzan blɛn Jozafat, ’ka an ban ka tɔné nya. Gakelebale lé ka lɛ léma: Té ka kana lo; té di é kini ka gi mi gu blɛn ’ko lé we ma monomono lo, naa, Bale é dan ka ta guli dan lɛ, ka kaan lo.

Ézai 46:3

Jakɔb lé munu, ’ka tɔné dɔ an lɛ, ’Kaa Izraɛl lé mi pɔné lé ka vo, ’Té kalé we a an nwiin, é sia ka pélisiana, ’Té maa ka kɔné si, é sia ka yaabléyi va bɛ, ’Ka faa tɔné dɔ an lɛ.

Ézai 48:12

Jakɔb, ’i tɔné dɔ an lɛ. Bii Izraɛl lé maa i laa, ’i tɔné dɔ an an lɛ. Maa, maa lé ke a vininzan nya, Yé maa lé ke é ziin a voélazan nya.

Jérémi 13:11

Naa, woo kyɛsidi dɔa mi gyɛn fɛan zo bɛ, a zo lé an Izraɛl lé munu faa yere an ma, é valé Juda lé munu faa nya, léé, ’wo kɛlɛ anlé munu koo, an tɔ koo, an tɔbɔle koo, anlé fua koo, wo nya; naa, wo ’ka ’wo tɔné dɔ lɛ an lɛ pelo. Maa Gakelebale ɛ ke a fena.

Jérémi 31:1

Gakelebale léma: ’Bɛ yi ’ko la, maa dan, kɛlɛ lɛ Izraɛl lele faa lé Bale nya, yé wo dan kɛlɛ lɛ anlé munu nya.

Jérémi 8:3

Lai sunyanu lé Gakelebale léma: Munu faa lé wo dan vo lɛ bɛn nyané ’ko gɔnɔlazannu nya fɛfaana lé maa wo bin‐é ana, ga é dan kɛlɛ lɛ wo ’léé néné yé é mini vole é yuɛma ta. Maa lai sunyanu lé Gakelebale ɛ ke a fena.

OZÉ (Osée) 4:1

Izraɛlnu, ’ka tɔné dɔ Gakelebale dére lɛ. Naa, Gakelebale a tɛrɛ ’ko la munu mawe fena. We zin do ’ka ana lo, nyanai zénle ’ka ana lo. Kazambale dɔɔle ’ka ana tɛrɛ ’ko la lo, ’bɛzama.

OZÉ (Osée) 5:1

Balebanzannu, ’ka tɔné dɔ we ’ko lɛ. Izraɛl munu, ’ka tɔné dɔ flee. Minwiinzan blɛn ma munu, ’ka an ban ka tɔné nya. Ka ma lé weblele bɔ, ka kɛlɛ mikunsan nya Misipa, ka kɛlɛ mikunséli nya Tabɔɔ gɔ ta, ’bɛzama.

Amɔs 2:10

Yé é ziin, maa ka si Éjipiti tɛrɛ la, yé an go ka nya bwi gi lɛɛ yɔ fié, Amorénu lé tɛrɛ nɔle ka lɛ we ma.

Amɔs 4:1

’Kaa Bazan diridanu lé ka ke Samari gɔ nwiin, ’kaa lé ka yaan nyanaizénlazannu ta, ’té ka tɔnanénu wiian, ’té ka fé ka zananu lɛ léé, ’ka da a nya, kaa mini, ’ka tɔné dɔ dére ’ko lɛ:

Amɔs 5:1

Izraɛlnu, ’ka tɔné dɔ dére ’ko lɛ; ka mawe lé maa a gona a fena, ’ka tɔné dɔ a lɛ.

Misé 2:3

Bɛwemalé Gakelebale léma: Maa gi bɔrɔan wenaané kɛlɛle ma bɛn ’ko lɛ; yé ka ’ka bɔa sole lɛ a lee lo, yé ka dan tawo lɛ ka ’wuo vɔle nya ka wuo. Naa, ’bɛ bléyinu é dan kɛlɛ lɛ é nyané, azama.

Misé 3:1

Maa léma: ’Kaa Jakɔb lé mununwiinzannu valé Izraɛl lé mi blɛnnu, ’ka tɔné dɔ. Ka‐an é a kɔɔn lé ka we tegele dɔɔ loo?

Sofoni 2:5

Munu lé wo ke wɛyi gɔ ’wuo la, Kéréti munu nya, we tɔntɔn ’é bɔ wo ma ma. Bii Kanaan, Filisiti munu lé tɛrɛ, Gakelebale we fe ka ma. É léma: Maa dan i sɛrɛ lɛ. Mi ’ka dan kɛlɛ lɛ ina é dɛrɛ lo.

Wegɔɔnle 2:29

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma.