Amɔs 2:7 - Kazambale lé Sebe Sauunu 1979

⁷ É sɔ wo lɛ léé, ’wo nyanaizénlazan ye tɛrɛ nya é nwiin, yé wo wenaané bɔmazannu lé se si wo lee. Gɔnézan valé é be éé goo le do kpen va, an tɔ ’lɛzan sɛrɛle we ma.

Amɔs 2:7 ပူးပေါင်းရင်းမြစ်များ

2 Samuɛl 12:14

Naa, we ’ko kɛlɛle nya lé i zi nɔ Gakelebale nyanézannu lɛ léé, wo Gakelebale sɔnɔ, amalé négɔné lé wa yaa i lɛ, é dan ga lɛ.

1 Minwiinzannu 21:4

Akab wɔra élé kɔn gi é bli kyɛ dɔle valé bli flile nya, dére ’ko lé Jizréɛl mi Nabɔt a fe a lɛ, a we ma. Nabɔt léé: Maa ’ka dan an tinu zarafɛ nɔ lɛ i lɛ lo. Yé é yia élé yialafɛ ta, yé é yara dɔ kɔnguru ma zia yé é ’ka fɛ do kpen ble lɛ lo.

Wegɔnévɔlenu 28:21

Mi vabole ’ka é zima lo, yé fɛblele yele lé we ma lé mi é ébo no wenyané kɛlɛle lɛ.

Ézai 10:1

Munu lé woo bélidɔwe naané bɔraan koo, sɛbɛgyɛmunu lé wo ’ka weblesɛbɛ gya mi dére ta lo, ’té wo ’ka a nyi sié léé, wo nyanégyɛzannu lé we ble lo, ’té woo anlé munu va wenaanébɔmazannu lé se sié wo lee, ’té woo we kɛlɛ zanagalalomu lɛ bélé wo blewi lé, ’té woo fɛ sié ti valé bugalazannu lee bélé gulizarafɛ sile zo. Wenaané ’é kɛlɛ wo lɛ ma.

Ézai 3:14

Gakelebale a weblena élé munu va mi segelenu valé wo nwiinzannu va; é léé: Ka dɔrɔféi ble. Fɛnu lé ka si nyanégyɛzannu lee gla nya, wa kalé kɔnnu gi nuu.

Ézai 3:15

De ɛ se kɛlɛ ka lɛ, ka anlé munu zɔn ka gane nya, ’té ka nyanégyɛmunu yuɛi kyɛ dɔaa? Mizan, lai sunyanu lé Gakelebale ɛ fe.

Ézékiɛl 22:11

Bii fla ’ko ta lé mi faa do do ’wobo no bozowenu kɛlɛle lɛ ’wo bɔluzan na va. Mi faa do do ’wobo tiri dɔa wenyané kɛlɛle nya wo be nanu va; mi faa do do é ’ébo tiri dɔa tɛrɛgyɛwe kɛlɛle nya ébo ti giné va.

Ézékiɛl 36:20

Bɛntɛrɛnu lé wo go wona, wo an tɔ sauun sɛrɛ ’bɛna, ’té ana munu a fé wo ma léé: Gakelebale lé munu lé; alé tɛrɛ la lé wo si.

OZÉ (Osée) 4:14

Maa ’ka dan we lɛdɔ lɛ ka lunu gi wolé bɔrɔdɛ kɛlɛle ma lo; maa ’ka we lɛdɔa ka be nanu gi wolé gɔnéginile we ma lo, naa, kaboen éé goo bɔrɔdɛ lomu zuo, ’té ka valé tɛrɛgyɛwe kɛlɛlomu, ka yo baan ékeva. Tavozannu éé vlanburuwo ’wo saanna.

Lévinu 18:15

Té i be na poro lo. I be na lé; té bé poro lo.

Lévinu 18:21

Té i Mɔlɔk banfɛ kɛlɛ ilé né do kpen nya lo; té ilé Bale tɔ sɛrɛ lo. Maa a Gakelebale nya.

Lévinu 18:8

Té i ti na poro lo. I ti zé bɛ.

Lévinu 20:3

Yé maa, maa dan dɔ lɛ a ma yé maa dan a si lɛ élé munu va, ’élé nénu kɛlɛ Mɔlɔk banfɛ nya, yé é anlé fɛna sauun sɛrɛ yé é an tɔ plɛplɛ kɛlɛ tɔ pla nya, ’bɛzama.

Amɔs 4:1

’Kaa Bazan diridanu lé ka ke Samari gɔ nwiin, ’kaa lé ka yaan nyanaizénlazannu ta, ’té ka tɔnanénu wiian, ’té ka fé ka zananu lɛ léé, ’ka da a nya, kaa mini, ’ka tɔné dɔ dére ’ko lɛ:

Amɔs 5:11

É ziin, ka nyanaizénlazannu zɔn ka gane nya; ka ’sa si wo lee gla nya, blɛfɛ tɔ gi; ka kɔn dɔ gɔlɛ nyaalenu nya, naa, ka ’ka dan nyana lɛ wo gi lo. Ka dɔrɔféi nɔnɔminu pa, naa, ka ’ka dan ana dɔrɔ mini lɛ lo.

Amɔs 5:12

Naa, maa gi dɔɔ léé, kalé wenyané blɛnnu a kiɛre, kalé wenyanénu gi gyɛ. Ka yaan mi tegelenu ta, ka blɛfɛ sié gla nya, yé ka nyanégyɛmunu lé se sié wo lee weblena.

Amɔs 8:4

’Kaa lé ka tɔnanénu tablé, ’té ka tɛrɛ ’ko la wenaané bɔmazannu zanaan a gi, ’ka tɔné dɔ we ’ko lɛ.

Misé 2:2

Wo bli éé bɔa féinu ma, ’té woo wo sié. Wo bli éé bɔa kɔnnu ma, ’té woo wo sié. Woo gla kɛla munu valé wolé kɔnnu ta; woo gla kɛla munu valé wolé zarafɛnu ta.

Misé 2:9

Ka anlé munu va lomu bin‐é wo sɔlɛkɔnnu gi. Tɔbɔfɛ lé maa a nɔ wolé nénu lɛ, ka a sié wo lee tata.

Sofoni 3:3

Alé minwiinzannu a a va bélé golizranu lé woo gi gunuan, wo zo; alé weblezannu a bélé glaunu lé wo ’ka wi do kpen tadɔa bladi zé nya lo, wo zo.

Rom munu 2:24

Naa, woo Kazambale tɔ sɔnɔan bɛn bɛnu méléna kalé we ma, fɛan zo lé é a é gyɛle sɛbɛ gi, a zo.

1 Korent munu 5:1

Maa a ’ma gɔnɔ kiɛre nya léé, pɛnpɛnnégyɛle a ka méléna. Pɛnpɛnnégyɛle ’ko a lɛrɛlɛrɛ é mini yolémunu zé ta; yee lé ke léé, ka va mi do é yaati na si.