Amɔs 2:4 - Kazambale lé Sebe Sauunu 1979

⁴ Gakelebale léma: Juda munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo. Wo serele bo Gakelebale lé bélidɔwe ma, yé wo ’ka a sɔnnénu pa lɛ lo, yé viémiyilinu lé wo tranu tawo wo zuo, ’bɛnu wo saan, ’bɛzama.

Amɔs 2:4 ပူးပေါင်းရင်းမြစ်များ

2 Minwiinzannu 17:19

Judanu bozen‐oo, wo ’ka tawo lɛ Gakelebale wolé Bale lé bélidɔwe ta lo, yé wo go Izraɛl lé gɔnɔlawe zuo.

2 Minwiinmunu lé Wezuofe Sɛbɛ 25:14

Amasia Édom munu kele, yé é go é pa gi aan wo, é léé, ’wo da Séii munu lé yonu nya, yé é wo dɔ élé balenu nya. É dia é bli la wo ’lɛ, yé é wo ban lasikɔrɔ nya.

2 Minwiinmunu lé Wezuofe Sɛbɛ 30:7

Té ka kɛlɛ bélé ka tranu valé ka bwenu zo lo. Wo wenyané kɛlɛ Gakelebale wo tranu lé Bale ma, yé Bale wo sɛrɛ tata, ka a ye fɛan zo, a zo.

Néémi 1:7

Ko i ’namawe kɛlɛ, yé ko ’ka i sɔnné pa lɛ lo; bélidɔwenu valé dére lé bé fe i wuozan Moizi lɛ, ko ’ka wo ta tawo lɛ lo.

Néémi 9:26

Naa, duowo, wo péli vɔ i ma yé wo nwa i ma. Wo ilé bélidɔwe vo ’wo bɛ zuo; ilé balelayezannu lé woo we plaan munu lɛ léé, ’wo da i va é ziin, wo wo gyɛ, yé wo i gɔɔn é naané.

Ézai 28:15

Ka léé, ’wo gi pa do ga va, ’wo kɛlɛ do mipagurunu nya; dé migyɛgyɛ bɔ mi kiɛre ma, é ’ka dan bɔ lɛ ’wo va lo; naa, dabli kɛlɛle a ’wo yɔɔna nya, yé viéwole a ’wo tayɔɔfɛ nya, azama.

Ézai 44:20

É a bélé kyɛyee lé é a ble; a saanbli a saan; é ’ka bɔa ébo sile lɛ we gi lo, yé é ’ka bɔa a fele lɛ léé, viéfɛan ke an lee ’ko loo? lo.

Jérémi 16:11

Yé bé zi pa wo lɛ léma: Gakelebale léma: Ka tranu sɔn vɔ an ma, ’té woo goo bale bɛnu zuo, yé wo wo bɔ yé wo dia wo bli la wo ’lɛ; wo sɔn vɔ an ma yé wo ’ka tawo lɛ anlé bélidɔwe ta lo.

Jérémi 16:12

Yé ’kaa, kalé wenaané kɛlɛle mini ka tranu zé ta, yé ka faa do do, ka we kɛla ka bligiwe naané yɛrama, ’té ka ’ka ka tɔné dɔa an lɛ pelo.

Jérémi 17:27

Naa, dé maa ka béli dɔ léé, ’ka flinyi kɛlɛ yi nyané nya, té ka kɔné do kpen si a yi nya lo, té ka kɔné do kpen wɔra Jérusalɛm flinyi nya lo, naa, dé ka ’ka ka tɔné dɔ lɛ an lɛ lo, ’té maa dan kalé flagɔrɔ ’léé duolinu kyɛ vɔ lɛ, yé é dan Jérusalɛm lé fuakɔnnu kyɛ ble lɛ yé é ’ka dan diri lɛ pelo.

Jérémi 6:19

Tɛrɛ, ’i tɔné dɔ. Maa dan we tɔntɔn bɔ lɛ munu ’ko ma, wo ’wuogibɔrɔlenu tɔnɔ lé. Naa, wo ’ka ’wo tɔné dɔ lɛ an dérenu lɛ lo, wo nyé yéli anlé bélidɔwe ma.

Jérémi 8:9

Yara wedɔɔmunu gyɛ; di kini wo gi yé wo wo kun. Wo nyé yélié Gakelebale dére ma. Wedɔɔle kaa ɛ ke wo lee?

Jérémi 9:14

Wo tawo wo bligiwenu yɛrama, wo go Baalnu zuo, wo tinu a paa wo gi fɛan zo, a yɛrama.

Ézékiɛl 13:22

Ka mi tegelenu bli kyɛ dɔa viéwole nya, dɔlé ’té maabozen ’ka wo bli kyɛ dɔ lɛ lo. Yé ka mi nyanénu bɛ dɔa plɛplɛ léé, té wo si ’wo kɛlɛwe naanénu zuo yé wo vo é yuɛma lo.

Ézékiɛl 20:13

Yé Izraɛl munu nwa an ma bwi gi. Wo ’ka anlé bélidɔwenu tawe kɛlɛ lɛ lo yé an dérenu lé é a lé blami a ta tawo a vole é yuɛma we gi bɛ, wo sɔn vɔ wo ma, yé wo anlé flinyi sɛrɛ tata. É dɔ an gi léé, an wɛwɛ dɔ wo ma bwi gi, wo kulu gale we ma.

Ézékiɛl 20:16

An we ’ko kɛlɛ wean ma, yee lé ke léé, wo sɔn vɔ an dérenu ma, yé wo ’ka anlé bélidɔwe tawenu kɛlɛ lɛ pelo, yé wo anlé flinyi sɛrɛ. Naa, wo ’ka ’wo bli si lɛ ’wolé miyilinu lɛ lo, azama.

Ézékiɛl 20:18

Maa lé wo benu lɛ léé, té ka tawo ka tinu lé wepladérenu yɛrama lo; té ka we kɛlɛ wo gɔnɔlawenu yɛrama lo, yé té ka kabo tiri dɔ wolé miyilinu nya lo.

Ézékiɛl 20:24

Wo ’ka an déretawenu kɛlɛ lɛ lo; wo sɔn vɔ anlé wepladérenu ma, wo anlé flinyinu sɛrɛ, yé wo yuɛ vo wo tinu lé miyilinu lɛ, azama.

Ézékiɛl 20:30

Bɛwemalé, bé fe Izraɛl munu lɛ léma: Gakelebale léma: Ka ’ka kabo tiri dɔna bélé fɛan zo lé ka tranu a kɛlɛ, a zo bɛ loo? Yé ka ’ka gona wolé bozowenu zuo bélé gɔné gini le zo bɛ loo?

Ézékiɛl 22:28

Wolé balelayezannu éé wo ta yɔɔan yuɛzi giwe planu koo, viébalelawe fele koo, wo nya, bélé tɔrɛ giéle wo ma zo. Wo léé: Mizan Gakelebale léma: dɔlé ’té Gakelebale ’ka we do kpen fe lɛ wo lɛ lo.

Ézékiɛl 22:8

I serele boo anlé fɛna sauunnu ma, i anlé flinyinu sɛra.

OZÉ (Osée) 12:2

Fu a Éfraim lé fɛblele nya, yé éé goo yirinwanazia fu zuo; yi faa do do ma alé viéwole valé alé glawe kɛlɛle gi a gyɛna. Éé gi paan do Asirinu va, ’té woo goo nyɔnɔ nya Éjipitinu lɛ.

OZÉ (Osée) 12:3

Gakelebale a we blena Juda va, yé é dan we lɛdɔ lɛ Jakɔb gi alé tawobɛ ma, yé é dan a banwo lɛ a kɛlɛwe yɛrama.

OZÉ (Osée) 6:11

Dé maa anlé munu si luu gi yé an da wo nya wo pa gi, bii Juda, maa a i bɛnna fɛ do nya.

Amɔs 1:3

Gakelebale léma: Damas munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo; wo Galaad munu sunwo ratoo blɛn nya, azama.

Amɔs 3:2

’Kaa do kpen lé maa ka si tɛrɛ la migɔnɔnu faa va, bɛwemalé maa dan we lɛdɔ lɛ ka gi, kalé wenyanénu faa lé we ma.

Misé 6:12

Fla ’ko ta fuanu a é fanle glawe kɛlɛle nya, a tamunu éé vié woo, yé wo nɛnɛ a dabli nɛnɛnu nya wo ’léé.

Abaku 2:18

Miyili nyaale tɔnɔ a mɛ fɛ nya yé nyanamapazan a nyaan? Yé fɛfoto selele lé éé viéwe paan mi gi, ’bɛ é mɛ we nyian wo mi ma, yé nyanamapazan lé é a sele bɛ, yé éé paan a taa? dɔlé ’té é a bobogyɛ miyilinu ɛ kɛlɛna bɛ.

Rom munu 1:25

wo Kazambale lé webozen tavɔɔ vié nya yé Fɛfaakɛlɛzan lé, é a lé mi a drɔɔ vo lɛɛfaama a glɛ ’ka lo, wo ’bɛ vo yé wo ’bɛ kɛlɛfɛnu lɛdɔama ’bɛ pa gi, ’té woo ’bɛnu bɔa, azama. Amɛɛn.

1 Tɛsalɔnik munu 4:8

Bɛwemalé mian éé sɔn vɔa we plalenu ’ko ma, é ’ka sɔn vɔ lɛ mi ma lo, naa, Kazambale lé é Léli Sauun nɔ ka lɛ, é sɔn vɔ yee ɛ ma.

1 Piɛri 1:18

Ka a gi dɔɔ léé, é vinin ka tawo ka tranu lé gwɛma tawobɛ gi, naa sin, Bale ka si ’bɛ zuo. É ’ka ka tabo lɛ kyan valé gɔɔlifu lé woo sɛra, ’bɛnu nya lo.

Weblezannu 10:6

Izraɛl lé nénu wo Gakelebale ’namawe kɛlɛ é ziin; Baalnu koo, Asataténu koo, Siri lé balenu koo, Sidɔn lé balenu koo, Moab lé balenu koo, Amɔn benu lé balenu koo, Filisitinu lé balenu koo, wo wo bɔ, yé wo Gakelebale vo, ’té wo ’ka a bɔa é dɛrɛ lo.