Amɔs 2:11 - Kazambale lé Sebe Sauunu 1979

¹¹ Maa ka be kenu kɛlɛ balelayezannu nya, yé maa ka va pɛniɛ kenu kɛlɛ nazirézannu nya. (’Bɛ gi léé, bopa é yɛramazan Gakelebale zé nya.) Izraɛlnu, a zoan é ke loo? A zo lé Gakelebale a fe.

Amɔs 2:11 ပူးပေါင်းရင်းမြစ်များ

1 Minwiinzannu 17:1

Galaad tɛrɛ la mi do, Tisibi mi Éli lé Akab lɛ léé: Gakelebale, Izraɛl lé Bale lé maa ke a wuozan nya, é a é yuɛma. Lɛɛ ’konu wuo, lɛɛ ’ka dan da lɛ lo yé fli ’ka dan vɔ lɛ lo, ’té dé maa ’ka a fe lɛ lo.

1 Minwiinzannu 18:4

bléyian va lé Jézabɛl Gakelebale lé balelayezannu kulu ga, Abudias balelayezannu si yɔ soru yé é wo yɔɔ mi yɔ fié wɔlɛ vu vu gɔmagurunu gi, yé é buru valé ’yi nɔ wo lɛ.)

1 Minwiinzannu 19:16

’I nyɔnɔ zén Nimisi be Jéu nwiin yé é kɛlɛ Izraɛl nwiinzan blɛn nya; yé i nyɔnɔ zén Abɛl‐Méola mi Safat be Élizé nwiin yé ’é kɛlɛ i pa gi balelayezan nya.

1 Minwiinzannu 20:13

Naa, balelayezan do bié Izraɛl nwiinzan blɛn Akab va yé é léé: Gakelebale léma: I mi gbau ’ko yee? Maa dan wo pa lɛ i lee kyɔ yé bé gi dɔɔ léé, maa a Gakelebale nya.

1 Minwiinzannu 20:35

Balelayezannu va mi do lé é bɔluzan lɛ Gakelebale dére nya léé: Ilé zanté, ’i an bla. Naa, mi ’ko ’ka a blale nyi si lɛ lo.

1 Minwiinzannu 20:41

Tɔɔn, balelayezan sɔbɛné si é yuɛ la yé Izraɛl nwiinzan a dɔɔ balelayezannu va mi do nya.

1 Minwiinzannu 22:8

Izraɛl nwiinzan a zi pa Jozafat lɛ léé: Mi do ana é ziin yé ko bɔa we laale lɛ Gakelebale lee ’bɛ nya; naa, a za a an gi, é ’ka balelawe zin fé an lɛ monomono lo, é balelawe naané saa ɛ fé, azama. Jimla be Misé lé. Yé Jozafat léé: Té minwiinzan é we fe ’bɛ zo lo ma.

2 Minwiinzannu 17:13

Gakelebale we pla Izraɛl valé Juda lɛ élé balelayezannu faa valé fɛnayezannu faa lɔlu nya, yé é lé wo lɛ léé: ’Ka si kalé zi naané ta, ’ka tawo anlé bélidɔwe yɛrama, ’ka an déretawe kɛlɛ, yé bélidɔwe lé maa a fe ka tranu lɛ yé maa a pa ka lɛ zia an wuozannu balelayezannu nya, ’ka a faa kɛlɛ tegele.

2 Minwiinzannu 6:1

Balelayemunu lé Élizé lɛ léé: Bé ye, fɛana lé ko ke é nyanale i va ana ’ko, ana a kiéné ko ma.

2 Minwiinmunu lé Wezuofe Sɛbɛ 36:15

É sɔ Gakelebale wo tranu lé Bale lɛ léé, ’é élé munu valé ébozé nyanana tadɔ, amalé éé munu nwunvɔa wo va yifaama, léé, ’wo ’élé we pla wo lɛ.

Jérémi 11:21

Anatɔt munu lé é sɔ wo lɛ léé, wo i gyɛ, yé wo léé: Té i balelawe fe Gakelebale tɔ gi lo, dé ’bɛ kaan lo, ko i gya, Gakelebale we fe wo lɛ.

Jérémi 2:31

Bléyi ’ko va munu, ’ka bɔn‐in bɔrɔ Gakelebale dére ma. Maa kɛlɛ bélé nyéné saa lé fɛna zo Izraɛlnu lɛɛ? Maa kɛlɛ bélé tɛrɛ lé gunuti tiritiri ke é sɔɔlale a ta, a zoo? Mɛmalé anlé munu a fena léé: Ko a kobo ma, ko ’ka a va léé, ko nɔla i va é ziin loo?

Jérémi 2:5

Gakelebale léma: Ka tranu mɛ weple ɛ ye an gi Yé wo si an ma baa Yé wo go boafɛnu zuo yé wobozen kɛlɛ boamunu nyaa?

Jérémi 26:11

Yé Balebanzannu valé balelayezannu we fe minwiinzannu valé munu faa lɛ léé: Mi ’ko ga yara lé; é balelawe fe fla ’ko ma, azama. Kaboen a ’ma.

Jérémi 7:25

Yian nya lé ka tranu si Éjipiti tɛrɛ la, é sia ’bɛ bléyi ma fɔɔ kyɔ, maa an wuozannu, balelayemunu pa ka lɛ zia; maa wo paan zia yifaama, yé an ’ka daan lɛ a ma lo.

Jérémi Lé Wuvɔ Sɛbɛ 4:7

A nwiinzannu kɔlɛ éé bié é mini tɔrɛ ta, A fu mini dirinyɔyi ta. Wo kɔlɛ a sɔɔn, kɔlɛ lé wa vɔ zéri’yi va, a zo. Wo yara a bélé safiigɔlɛ zo.

Misé 2:6

Wo léé: Té i balelawe fe lo; té wo ’bɛ zo we fe balelawe fele nya lo ma. Dére naanénu ’ka nyaan lo.

Kelewenu 4:18

Yé wo wo laa, yé wa yi ga wo lee wéiin léé, té wo we fe Jézu tɔ nya lo, té wo we paa munu gi ’bɛ tɔ nya lo.

Kelewenu 5:28

Ko ’ka a yi ga lɛ ka lee wéiin léé, té ka we paa munu gi tɔ ’ko nya lo loo? Yé ka ye, ka kalé wepaale sɔɔla Jérusalɛm woro dii fɛfaana, yé ka a a va léé, ka mi ’ko nyɛwe dɔ ko nwiin.

Kelewenu 7:51

’Kaa wemaplɛplɛzannu, ka lé ka bli ’ka sié ka kɛlɛwe kyɛn lɛ lo yé ka tɔnénu ’ka voo we lɛ lo, ka a é dɔle Léli Sauun ma plɛplɛ yifaama. Ka tranu a fɛan zo, a bɛ duo gi lé ka ke é ziin.

Bélidɔwesɛbɛ Fiézan 18:18

É léé, ’é dan balelayezan do nwa lɛ ka lɛ ka bwenu méléna bélé maa zo, ’é dan ’é dére pa lɛ ’bɛ ’léé, yé we faa lé ’é a fé ’bɛ lɛ, ’bɛ é dan a fe lɛ ka lɛ.

1 Samuɛl 19:20

Saul munu nwunvɔ David kunle we gi. Naa, wo balelayemunu ye balelawe fena aan wo, ’té Samuɛl a wo ’lɛzan nya, Bale Léli Saul lé nwunvɔmunu kun, yé wo é ziin wo kun balelawe fele ma.

1 Samuɛl 3:20

É sia Dan fɔɔ yé é bɔ Bɛɛ‐Sééba, Izraɛl faa a gi dɔɔ léé, Samuɛl a é dɔle Gakelebale lé balelayezan nya.