Amɔs 1:9 - Kazambale lé Sebe Sauunu 1979

⁹ Gakelebale léma: Tii munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo. Wo luu ’léé kiɛre pa Édom munu lee, yé gipawe lé wa kɛlɛ ’wo bwenu va, a sele saan wo gi, azama.

Amɔs 1:9 ပူးပေါင်းရင်းမြစ်များ

2 Samuɛl 5:11

Tii nwiinzan Iiram munu nwunvɔ David va, yé sɛdrɛyilinu koo, yilinyaazannu koo, gɔlɛnyaazannu koo, é wo pa David lɛ zia yé wo David lé kɔn dɔ.

Lɛrɛvɔ Sɛbɛ 83:7

Édomnu valé Ismaɛlnu koo, Moabnu valé Agarénu koo,

Jérémi 25:22

Tii nwiinzan blɛnnu faa, Sidɔn nwiinzan blɛnnu faa, wɛyiworona tɛrɛ nwiinzan blɛnnu;

Jérémi 47:4

Naa, a yi é dan bɔ lɛ yé wo dan Filisitinu faa sɛrɛ lɛ, Yé munu faa lé wo bɔ Tii valé Sidɔn munu va, wo dan wo kulu ga lɛ é ziin. Naa, Gakelebale é dan Filisitinu sɛrɛ lɛ, wɛyi worona tɛrɛ Kafitɔɔ lé munu lé wo vo, woo lé.

Ézékiɛl 27:1

Gakelebale lé an lɛ léma:

Ézékiɛl 27:27

Ilé fuafɛnu koo, ilé flɛnu koo, ilé yaawofɛnu koo, Ilé ’yitagoro gi nyanamapazannu valé a vɔzannu lé zigɔɔnzannu koo, Munu lé woo ilé ’yitagoronu fɔnnanu bééan, wo koo, Munu lé wo ke ilé yaawole zi ’lɛ, wo koo, Gulidanmunu faa lé wo ke i va koo, Mi gu faa lé é ke i va koo, Wo dan dia lɛ wɛyi wɔlɛ ma I diayi nya.

Ézékiɛl 28:1

Gakelebale lé an lɛ léma:

Ézékiɛl 28:18

Ilé fɛna plɛplɛ sɛrɛ ilé weplenu kɛlɛle koo, ilé dabli yaabolenu koo, wo nya. Maa dan kyɛ bi lɛ i méléna yé ’é i ble; maa dan i kɛlɛ lɛ kyɛyee nya tɛrɛ la, munu faa lé wo ke i naginina, wo yuɛ gi.

Amɔs 1:11

Gakelebale léma: Édom munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo; é ’é bwenu zuo bin gwɔun nya, yé é nyanai zénle wo ta yi ga. Alé bliflile ana yifaama, yé a wɛwɛ dɔle glɛ ’ka lo,

Amɔs 1:6

Gakelebale léma: Gaza munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo; wo mi ’léé kiɛre kɛlɛ luu nya yé wo wo pa Édom munu lee, azama.

Abudias 1:11

Yian nya lé i dɔ i bwe yara, Yian nya lé bɛnnu go alé sunyanu nya luu gi, Yé bɛnnu wɔra alé gɔrɔ gi, Yé wo ’munnu zun Jérusalɛm ma, Bii é ziin, bii a bélé wo va mi do zo.

Zakari 9:1

Dére lé Gakelebale a fe Adrak tɛrɛ ma, yee lé ke ’ko. A dére bɔ Damas, naa, Gakelebale yuɛ a mi faa ta bélé Izraɛl bɛn faa zé zo.

Matio 11:21

Korazɛn munu, ka gale nyɔ. Bɛtsaida munu, ka gale nyɔ. Gyɛzorowenu lé maa a kɛlɛ ka méléna, dé é vo léé, maa a kɛlɛ Tii valé Sidɔn, ’té ana munu ’wo bli nɔla namɔn é kwakwa, bɔlɔ valé kyɛyee zénle nya ’wo ta.

Matio 11:22

Bɛwemalé webleyi nya, kazé kleblele é dan mini lɛ Tii valé Sidɔn zé ta. Maa fe ka lɛ.

WENÉNÉ LÉ LUK A GYE (Évangile selon Luc) 10:13

Korazɛn munu, ka gale nyɔ. Bɛtsaida munu, ka gale nyɔ. Gyɛzorowenu lé maa a kɛlɛ ka méléna, dé é vo léé, maa a kɛlɛ Tii valé Sidɔn, ’té ana munu wo bli nɔla namɔn é kwakwa ’plawuli valé kyɛyee zénle nya wo ta.

WENÉNÉ LÉ LUK A GYE (Évangile selon Luc) 10:14

Bɛwemalé webleyi nya kazé kle é dan mini lɛ Tii valé Sidɔn zé ta.