Amɔs 1:3 - Kazambale lé Sebe Sauunu 1979

³ Gakelebale léma: Damas munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo; wo Galaad munu sunwo ratoo blɛn nya, azama.

Amɔs 1:3 ပူးပေါင်းရင်းမြစ်များ

1 Minwiinzannu 19:17

Yé é dan kɛlɛ lɛ léé, mian é so Azaɛl lé gwɔun lee, Jéu é dan a gyɛ lɛ, yé mian é so Jéu lé gwɔun lee Élizé é dan a gyɛ lɛ.

2 Minwiinzannu 13:3

Gakelebale bli fli Izraɛlnu ma, yé é wo pa Siri nwiinzan Azaɛl valé Azaɛl be Bɛn‐Adad lee, minwiinzan ’konu lé tɛrɛla faa gi.

2 Minwiinzannu 13:7

Wisootazannu yɔ fié wɔlɛ vu koo, goro vu koo, gane la sunyanu baa soru koo, wo saa lé Gakelebale a vo Joakaz lee, munu faa lé wo ke a va é vinin, wo va munu nya; naa, Siri nwiinzan blɛn mi pɔnénu gyɛ, yé é wo kɛlɛ bélé vun lé mi a zɔn é gane nya, a zo.

2 Minwiinzannu 16:9

Asiri nwiinzan blɛn é tɔné dɔ a lɛ; é nwa Damas ma, é a si, é go anamunu nya luu gi Kii, yé é Rɛsɛn gyɛ.

2 Minwiinzannu 8:12

Azaɛl léé: Mɛmalé anzan wuvɔɔ? Élizé a zi pa léé: We tɔntɔn lé i dan a kɛlɛ lɛ Izraɛl lé nénu lɛ, maa a dɔɔ, ’bɛzama; i dan wolé fla plɛplɛ kyɛ vɔ lɛ, i dan wolé pɛniɛnu gyɛ lɛ gwɔun nya, i dan wolé né kiénénu pun dɔ lɛ yé i dan wolé bɔnlomu bɔn gi bo lɛ.

JOB (Job) 19:3

Ka an sɔnɔ gɔnɔ vu, ’Té ka nyané paan an ta; yara ’ka ka gya loo?

JOB (Job) 5:19

É dan i si lɛ nyanéblele blɛn gi gɔnɔ suiɛdo, Gɔnɔ sɔrafié gi wenaané ’ka bɔa i ma lo.

Wegɔnévɔlenu 6:16

Fɛ suiɛdo ’ka sɔ lɛ Gakelebale lɛ lo, maa fé, a sɔrafié faa za a a gi:

Bale Lé We Gifezan 11:2

’bé ke nɔ mi sɔrafié lɛ, mi sɔraa boen‐oo, ’bé nɔ wo lɛ, naa, dé wenaané kyɛn ɛ dan bɔ lɛ tɛrɛ laa? i ’ka a gi dɔɔa lo.

Ézai 28:27

Wo ’ka ’sa sunwo foliɛwɔlɛ nya lo, yé wo ’ka goo zɔn gorogane nya lo. Naa, woo ’sa sunwo yili nya yé woo goo zɔn‐o nwuni nya.

Ézai 41:15

Ka ye, maa i kɛlɛ bélé gɔ fun‐an mazin dɛrɛ Suiɛ zo; I dan gɔ blɛnnu fun‐an lɛ, Yé i dan gɔpanénu kɛlɛ lɛ bélé ’sapɛɛ zo.

Ézai 7:16

Naa, dé né ’ko ’ka tan sɔnvɔle wenaané ma valé wezin sile a va gi dɔɔ lɛ lo, minwiinzan fiénu lé ka ke kanana wo lee bɛ, wolé tɛrɛ é dan kɛlɛ lɛ bwi nya.

Ézai 7:8

Naa, Damas a Siri tɛrɛ la kuru ’léé nya, yé Rɛsɛn a Damas flanwiinzan nya. É sia ’ko, lɛɛ yɔ yaa wɔlɛ soru, Éfraim ’ka dan kɛlɛ lɛ bɛn nya é dɛrɛ lo.

Ézai 8:4

Naa, dé né ’ko ’ka tan bɔa a fele lɛ an ti valé an bu lo, wo dan go lɛ Damas lé fuafɛnu valé Samari lé gulizarafɛnu nya Asirinu nwiinzan blɛn ’lɛ.

Amɔs 1:11

Gakelebale léma: Édom munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo; é ’é bwenu zuo bin gwɔun nya, yé é nyanai zénle wo ta yi ga. Alé bliflile ana yifaama, yé a wɛwɛ dɔle glɛ ’ka lo,

Amɔs 1:13

Gakelebale léma: Amɔn munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo. Wo Galaad bɔnlomu bɔn fia, léé, ’wolé tɛrɛ ’é kɛlɛ blɛn, azama.

Amɔs 1:6

Gakelebale léma: Gaza munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo; wo mi ’léé kiɛre kɛlɛ luu nya yé wo wo pa Édom munu lee, azama.

Amɔs 1:9

Gakelebale léma: Tii munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo. Wo luu ’léé kiɛre pa Édom munu lee, yé gipawe lé wa kɛlɛ ’wo bwenu va, a sele saan wo gi, azama.

Amɔs 2:1

Gakelebale léma: Moab munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo; é Édom munu nwiinzan blɛn wɔlɛnu kyɛ ble yé é wo kɛlɛ tɔrɛ nya, azama.

Amɔs 2:4

Gakelebale léma: Juda munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo. Wo serele bo Gakelebale lé bélidɔwe ma, yé wo ’ka a sɔnnénu pa lɛ lo, yé viémiyilinu lé wo tranu tawo wo zuo, ’bɛnu wo saan, ’bɛzama.

Amɔs 2:6

Gakelebale léma: Izraɛlnu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo. Wo mi tegele dan gɔɔli va, yé wo nyanégyɛzan dan sawala ba fié va.

Zakari 9:1

Dére lé Gakelebale a fe Adrak tɛrɛ ma, yee lé ke ’ko. A dére bɔ Damas, naa, Gakelebale yuɛ a mi faa ta bélé Izraɛl bɛn faa zé zo.

Zakari 9:2

É bɔ é ziin Amat, Damas glɛ la; é bɔ Tii valé Sidɔn, dɔlé ’té wo we dɔɔ é baba.