Amɔs 1:2 - Kazambale lé Sebe Sauunu 1979

² É léé: Gakelebale dére a wena Siɔn bélé golizra zo, ’Té éé wé Jérusalɛm. Trubɛ tabinzannu lé trubɛ blena a gyɛ bona, Kaamɛl gɔ bɛlo nwiin a é gale.

Amɔs 1:2 ပူးပေါင်းရင်းမြစ်များ

Lɛrɛvɔ Sɛbɛ 29:4

Gakelebale dére a plɛplɛ, Gakelebale dére a minwiinzan blɛn dére nya.

Lɛrɛvɔ Sɛbɛ 46:6

Kazambale a yee fla méléna; a ma ’ka nyɔɔnma lo; Bale é bɔle sian a va bladi tukini gunu nya.

Wegɔnévɔlenu 20:2

Kana lé minwiinzan blɛn a zén‐é mi gi é a bélé golizra gi gunule zo; mi lé éé a bli flian é wenyané kɛlɛ ébo lɛ.

Ézai 33:9

Ana tɛrɛ a gyɛ bona bli kyɛdɔle nya; yara Liban munu gyɛ, yé wo yuɛi zun; Sarɔn tɛrɛ a bélé bwi zo; Bazan tɛrɛ valé Kaamɛl ma éé nyɔɔn‐an yé wo ta yililaanu zana.

Ézai 35:2

Ana é dan sɔɔla lɛ flɛrinu nya yé a gi é dan nana lɛ; É dan ginanalɛrɛ vɔ lɛ yé é dan siaa lɛ guliwuovolɛ dére nya; Wo dan Liban gɔ tɔbɔle nɔ lɛ a lɛ, Wo tɔ é dan kɛlɛ lɛ blɛn bélé Kaamɛl gɔ valé Sarɔn tɛrɛ zé zo. Wo dan Gakelebale tɔbɔle ye lɛ; Wo dan kolé Bale lé migisanmawe blɛn kɛlɛle ye lɛ.

Ézai 42:13

Gakelebale éé goo ’é ’lɛ bélé nyanazan zo, Ébo nwa bélé gulidanzan zo; Éé dére nwaan plɛplɛ, éé siaan plɛplɛ, É élé plɛplɛ nagɔɔn‐an é nyanézannu lɛ.

Jérémi 12:4

Tɛrɛ ’ko é dan gyɛ bo lɛ yifaamaa? Yé féi faa ta lunu é dan ga lɛɛ? Winu valé mianénu a zamaga wona Flamunu lé we lɛrɛlɛrɛ kɛlɛle we ma; Naa, wo léé: É ’ka dan kozé tɛrɛla ’wuoplana ye lɛ lo.

Jérémi 14:2

Juda munu a gyɛ bona, Alé flamunu bli kyɛ a é dɔle, gyɛbosɔnu a é zénle wo ta, yé wa é yiale tɛrɛ va, Yé Jérusalɛm munu dére éé nwaan siaale nya.

Jérémi 25:30

Yé bii Jérémi, i dan we ’konu faa fe lɛ wo lɛ balelawefele nya; bé fe wo lɛ léma: Gakelebale é dan siaa lɛ la gi plɛplɛ, É dan siaa lɛ é nyanana sauun na, yé a dére zuogi é go wele nya; É dan siaa lɛ plɛplɛ é nyanana ma, É dan siaa lɛ tɛrɛlamunu faa ta, Bélé munu lé woo dɔrɔ zɔn‐o wo gane nya, wo zo.

Jérémi 28:8

Balelayezannu lé wo bɔra bii valé maa ’lɛ, kaa tranu bléyi va, wo balelawe fe tɛrɛ plɛplɛnu valé bɛngɔnɔ blɛnnu ma léé, gulidanle koo, we tɔntɔn valé migyɛgyɛ koo, wo dan bɔ lɛ wo ma;

Jérémi 50:19

Maa dan Izraɛl munu nyana lɛ wo pa gi é ziin; wolé fɛblena é dan kɛlɛ lɛ Kaamɛl valé Bazan tɛrɛ la, yé wobozen é dan kan lɛ Éfraim gɔ nwiin valé Galaad tɛrɛ la.

OZÉ (Osée) 11:10

Gakelebale é dan we lɛ bélé golizra zo, ’té woo goo a zuo; é dan we lɛ yé alé nénu é dan si lɛ yirivɔnazia vlan nya.

OZÉ (Osée) 13:8

Maa dan baa lɛ wo ta bélé urisi lé wo alé nénu si a lee, a zo; ma dan wo zuru zifɛ fia lɛ; maa dan wo ble lɛ bélé golizrada zo; bwigiwinu é dan wo wi kini lɛ ékema.

Joɛl 1:19

Gakelebale, bii lɛ lé an siaan. Fɛna pɛblɛɛna faa kyɛ ble, Yé bwi gi yilinu faa kyɛ ble.

Joɛl 2:11

Gakelebale éé dére fé élé sunyanu lɛ, Naa, wo nyanana a blɛɛn. Mian éé a dére tawe kɛla, ’bɛzan a plɛplɛ; Naa, Gakelebale lé yi a blɛɛn; éé di kinié mi gi. De ɛ bɔa dɔle lɛ ’bɛ yi laa?

Joɛl 3:16

Gakelebale dére a wena Siɔn bélé golizra zo, ’Té éé wé Jérusalɛm. Tɛrɛ valé la ma éé nyɔɔn‐an, Naa, Gakelebale a élé munu yɔɔna nya, É a Izraɛlnu vɔzizan nya.

Amɔs 9:3

Dé wo yɔɔ Kaamɛl gɔ zoroné ma, maa dan wo gini lɛ ana, yé maa dan wo kun lɛ; dé wo yɔɔ an lee wɛyi wɔlɛ maoo, maa dan a fe lɛ ménénu lɛ léé, ’bɛnu ’é suiɛ dɔ wo ma ’bɛna.

Naum 1:4

Éé bon‐ɛn‐an wɛyi nya yé ’bɛ éé bélié é guru gi. Éé yuunu faa bélié; Bazan tɛrɛ la valé Kaamɛl gɔnu éé kɛla tɔɔtɔɔ, Liban tɛrɛ la lu vwinu ma éé yuruan.

1 Samuɛl 25:2

Mi do ana Maɔn fuablezan baba nya, yé alé fuafɛnu a Kaamɛl; ’bla baa do wuru soru valé boli wuru soru a a lee, yé é a Kaamɛl élé ’blanu kyɛɛ bɔile we gi.