Amɔs 1:13 - Kazambale lé Sebe Sauunu 1979

¹³ Gakelebale léma: Amɔn munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo. Wo Galaad bɔnlomu bɔn fia, léé, ’wolé tɛrɛ ’é kɛlɛ blɛn, azama.

Amɔs 1:13 ပူးပေါင်းရင်းမြစ်များ

2 Samuɛl 12:31

É ana munu bɔra yé é wo kɛlɛ yiliféngyɛmunu koo, tɛrɛkanlamunu koo, zaa nya nyanamapa munu koo, brikigyɛ?-?munu koo, wo nya; é yee duo kɛlɛ Amɔn benu lé fla faa la. David valé munu faa nɔla wo pa gi Jérusalɛm.

2 Minwiinzannu 15:16

Tifasak valé a ta munu koo, alé tɛrɛ faa, é sia Tiisa, ’bɛ koo, Ménaɛm wo gyɛ; wo ’ka flagɔrɔ lɛnu so lɛ a lɛ lo, amalé é wo gyɛ, yé é bɔnlomu faa bɔn gi bo.

2 Minwiinzannu 24:2

Kaldénu lé sunyanu koo, Sirinu lé sunyanu koo, Moab munu lé sunyanu koo, Amɔn munu lé sunyanu koo, Gakelebale wo pa zia Jojakim ma; é wo pa zia Juda ma a sɛrɛle we gi, dére lé Gakelebale a fe é wuozannu balelayezannu lɔlu nya, a yɛrama.

2 Minwiinzannu 8:12

Azaɛl léé: Mɛmalé anzan wuvɔɔ? Élizé a zi pa léé: We tɔntɔn lé i dan a kɛlɛ lɛ Izraɛl lé nénu lɛ, maa a dɔɔ, ’bɛzama; i dan wolé fla plɛplɛ kyɛ vɔ lɛ, i dan wolé pɛniɛnu gyɛ lɛ gwɔun nya, i dan wolé né kiénénu pun dɔ lɛ yé i dan wolé bɔnlomu bɔn gi bo lɛ.

2 Minwiinmunu lé Wezuofe Sɛbɛ 20:1

’Bɛ zuo, Moab munu valé Amɔn munu valé Maɔn mi kenu, wo go guli dan lɛ Jozafat va.

2 Minwiinmunu lé Wezuofe Sɛbɛ 20:10

Izraɛlnu si bléyian va Éjipiti tɛrɛ la, i ’ka zi nɔ lɛ wo lɛ léé, wo gié Amɔnnu koo, Moabnu koo, Séii gɔ ma munu koo, wolé tɛrɛ la lo, naa, wo yara si ’bɛnu ta yé wo ’ka wo kulu ga lɛ lo. Naa, sin, tɔnɔnu lé ko a ye we ’konu ma, yee lé ke ’ko: wo dan ko zuo bin lɛ ilé tɛrɛ lé bé nɔ ko lɛ tɔnɔfɛ nya, ana.

Néémi 2:19

Orɔn mi Sanbalat koo, miwuozan Amɔn mi Tobija koo, Arabu mi Gésɛm koo, wo we ’ko ’ma aan wo, wo we nana ko ma yé wo ko ye boawe kɛlɛzannu nya. Wo léé: Mɛ lé ka kɛla bɛɛ? Ka a nwana minwiinzan blɛn maa?

Lɛrɛvɔ Sɛbɛ 83:7

Édomnu valé Ismaɛlnu koo, Moabnu valé Agarénu koo,

Ézai 5:8

Munu lé woo voo kɔn dɔna saawo, ’té woo féinu lɔa fɔɔ yé mi nyanana ’ka kɛla é dɛrɛ lo, yé woo nyanaan wo saa tɛrɛ méléna, we tɔntɔn ’é bɔ wo ma ma.

Jérémi 25:21

Édom, Moab, Amɔn munu;

Ézékiɛl 21:28

Wolé bale ’nyɔɔnle é ke lɛ we ma, é dɔ wo gi léé, ’monédɔdére a é pla. Naa, wolé weple sele éé dɔa minwiinzan blɛn gi, amalé é dan wo kun lɛ.

Ézékiɛl 25:1

Gakelebale lé an lɛ léma:

Ézékiɛl 35:10

Bé fe léé: Bɛn fié ’ko valé tɛrɛ fié ’ko, é dan kɛlɛ lɛ ’ézé nya, ’é dan wo si lɛ ’ézé nya, dɔlé ’té Gakelebale ana bɛ,

OZÉ (Osée) 13:16

Samari nwa ’élé Bale ma, amalé maa dan we lɛdɔ lɛ a gi. Wo dan ga lɛ gwɔun lee; wo dan wolé nénu wii lɛ, yé wo dan bɔnlomu bɔn fia lɛ.

OZÉ (Osée) 14:1

Izraɛl, ’i da Gakelebale, ilé Bale va, naa, i dia ilé weplenu gi.

Amɔs 1:3

Gakelebale léma: Damas munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo; wo Galaad munu sunwo ratoo blɛn nya, azama.

Bélidɔwesɛbɛ Fiézan 2:19

yé ko dan bié lɛ Amɔn lé nénu ma. Té ko guli vɔ wo lɛ lo, té ko guli dan wo va lo, naa, ’é ’ka dan Amɔnnu lé tɛrɛlafɛ do kpen nɔ lɛ ko lɛ lo; ’é a nɔ Lɔt lé nénu lɛ wozé nya, ’bɛzama.