Amɔs 1:11 - Kazambale lé Sebe Sauunu 1979

¹¹ Gakelebale léma: Édom munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo; é ’é bwenu zuo bin gwɔun nya, yé é nyanai zénle wo ta yi ga. Alé bliflile ana yifaama, yé a wɛwɛ dɔle glɛ ’ka lo,

Amɔs 1:11 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 20:10

Izraɛlnu si bléyian va Éjipiti tɛrɛ la, i ’ka zi nɔ lɛ wo lɛ léé, wo gié Amɔnnu koo, Moabnu koo, Séii gɔ ma munu koo, wolé tɛrɛ la lo, naa, wo yara si ’bɛnu ta yé wo ’ka wo kulu ga lɛ lo. Naa, sin, tɔnɔnu lé ko a ye we ’konu ma, yee lé ke ’ko: wo dan ko zuo bin lɛ ilé tɛrɛ lé bé nɔ ko lɛ tɔnɔfɛ nya, ana.

2 Minwiinmunu lé Wezuofe Sɛbɛ 28:17

Wean ma lé é a fe, yee lé ke léé, Édom munu da, yé wo bɛ mini Juda munu lɛ, yé wo go wo nya luu gi.

Lɛrɛvɔ Sɛbɛ 137:7

Gakelebale, Édom munu sele ’é dɔ i gi ma, Munu lé, wa fe Jérusalɛm ma yi la léé: ’Ka a ’wii, ’ka a ’wii Fɔɔ yé é bɔ a gane vɔna ma, wo sele ’é dɔ i gi ma.

Lɛrɛvɔ Sɛbɛ 85:5

Ko siéwegi Bale, ’i ko dɔ ana gligli é ziin ma. ’I daan i bli tɔntɔn ma ma.

Bale Lé We Gifezan 7:9

Té i bli é fli é kele lo, naa, bliflile nyanana lé ke ’tugyɛzannu bli nya.

Ézai 57:16

Munu lé maa wo kɛlɛ, dé wo dia an ’lɛ wo fuu sile nya wo ta, é ’ka sɔ lɛ an lɛ léé, maa vo za kɛlɛna yifaama lo; é ’ka sɔ lɛ an lɛ léé, an bli é vo flina yifaama lo.

OZÉ (Osée) 8:3

Izraɛl sɔn vɔ we zin ma; wo nyanézannu é dan wo zuo bin lɛ.

Joɛl 3:19

Éjipiti tɛrɛ faa é dan vo lɛ é ’bin nya, Édom é dan vo lɛ bwi nya, Glawe lé wa kɛlɛ Judamunu lɛ Yé wo weanwiinlo munu nyɛ zana wolé tɛrɛ la, a we ma.

Misé 7:18

I bɔmabale a kyɛɛn? Bii lé i mi ma we vo alé weple ma, yé ilé mi sɛ lé wo vo, wolé wenyané éé saan i gi, i bɔmabale a kyɛɛn? I bli ’ka vo flina yifaama lo; nyanai zénle mi ta sɔ i lɛ.

Zakari 1:15

yé an bli flile nwa blɛn boblɛn bɛnnu ma; an bli a flina sɛ anlé munu ma, yé wozé kɛlɛ naané ’bɛ mini anzé ta.

Malasi 1:2

Gakelebale léé: Ka sɔ an lɛ. Yé ka léé: Ko sɔ i lɛ kaa? Gakelebale léé: Ézau ’ka Jakɔb bwe nya loo? Duowo, Jakɔb sɔ an lɛ,

Malasi 1:4

Dé Édom a fe léé, ’wo sɛrɛ, ’wo dan fla pa lɛ a ’bin la, lai sunyanu lé Gakelebale léma: ’Wa pa ma, maa dan a zana lɛ, yé wo dan a laa lɛ wenaané kɛlɛtɛrɛ; munu lé Gakelebale bli éé flian wo ma yifaama, woo lé.

Éfez munu 5:1

’Ka kɛlɛ Kazambale zuosonazannu nya, sɔlɛnénu wezannu zo.

Bélidɔwesɛbɛ Fiézan 23:7

Té ka léabo Édom mi ma lo, é a ka bwe nya, ’bɛzama; té ka léabo Éjipiti mi ma lo, ka kɛlɛ bɛn nya é vinin alé tɛrɛ la, ’bɛzama;