Agajé 2:5 - Kazambale lé Sebe Sauunu 1979

⁵ Gipawe lé maa kɛlɛ ka va ka sile Éjipiti tɛrɛ la bléyi va, maa a é dɔle ’bɛ ta; an Léli a ka va, té ka kana lo.

Agajé 2:5 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 20:17

É ’ka lé ka guli do kpen dan we ’ko gi lo; ’ka bɔra a gi, ’ka dɔ ana, yé Gakelebale é dan ka si lɛ we gi fɛan zo bɛ, yé ka ana ye. Judanu valé Jérusalɛm munu, té ka kana lo; té di é kini ka gi monomono lo. Tɛlɛ, ’ka go kee wo nya, yé Gakelebale é dan kɛlɛ lɛ ka va.

Néémi 9:20

I léli zin nɔ wo lɛ wo kɛlɛle wedɔɔzannu nya we gi. I ’ka sɔn vɔ lɛ mana nɔle ma wo lɛ lo, yé i ’yi nɔ wo lɛ ’yiminilɔrɔ lé we ma.

Néémi 9:30

I ’wuo dɔ wo kɛlɛwenu wuo lɛɛ kiɛre nya, yé i we lɛ kini wo lɛ i léli valé ilé balelayezannu nya. Yé wo ’ka wo tɔné dɔ lɛ ’bɛnu lɛ monomono lo. Yé i wo pa bɛn bɛnu lee.

Fwile 19:4

We lé maa kɛlɛ Éjipiti munu lɛ, yé maa ka si gola bɛanu la yé maa da ka nya an va fɛan zo ’ko, ka a ye.

Fwile 19:6

ka dan kɛlɛ lɛ an banbɛn nya, bɛn sauun nya. Dérenu lé i dan a fe lɛ Izraɛl lé nénu lɛ, wo lé ke bɛ.

Fwile 24:3

Moizi da Gakelebale dére faa valé bélidɔwenu faa zuo fe lɛ munu lɛ. Munu faa a zi pa dére do nya léé: We faa lé Gakelebale a fe, ko dan a kɛlɛ lɛ.

Fwile 24:8

Moizi nyɛ si yé é a nwɛɛn munu ta a fele nya léé: Gipawe lé Gakelebale a kɛlɛ ka va dére ’konu faa yɛrama, a dɔ plɛplɛ nyɛ lé ke ’ko.

Fwile 34:10

Gakelebale léé: ’Maa gi pa do ka va ma. We blɛnblɛnnu lé wo ’ka tan a kɛlɛ lɛ tɛrɛ do kpen ta lo, ’té wo ’ka tan a kɛlɛ lɛ bɛn do va lo, maa dan a kɛlɛ lɛ ilé munu yuɛ va; i zimunu faa é dan Gakelebale panyanama ye lɛ, yé wo dan a ye lɛ léé, bii ɛ nya lé maa dan we blɛnblɛnnu ’ko lɛ sɔɔ lɛ.

Fwile 34:8

Tɔɔn, Moizi bua tɛrɛ va, yé é dia é bli la.

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Ézai 41:13

Naa, maa a Gakelebale, ilé Bale nya, Maa i bɛyi dɔa plɛplɛ, Maa ɛ fe i lɛ léé, an dan bɔ lɛ i va, Amalé té i kana we do kpen lee lo.

Zakari 4:6

Yé é lé an lɛ léé: Dére lé Gakelebale a fe Zorobabɛl lɛ, yee lé ke ’ko: Gakelebale léma: Mi lé plɛplɛ valé mi lé glawe ’ka we kɛla lo; naa, an Léli ɛ we kɛla.

Zakari 8:13

’Kaa Juda valé Izraɛl munu, fɛan zo lé ka kɛlɛ balepamazannu nya bɛnnu méléna, a zo lé maa dan ka si lɛ we gi, yé maa dan ka drɔɔ vo lɛ. Té ka kana lo, ka bɛ ’é dɔ plɛplɛ ma.

Zakari 8:15

a zo duo lé sin, an bli nɔla, yé é a an gi léé, an wezin kɛlɛ ’kaa Jérusalɛm valé Juda munu lɛ sin. Té ka kana lo.

Matio 28:5

Lanje lé lomu lɛ léé: Té ka kana lo, naa, maa a gi dɔɔ léé, Jézu lé wa gyɛ yili ta, ka a a naginina.

Kelewenu 27:24

yé é lé an lɛ léé: Pɔl, té i kana monomono lo. É a lé i dɔ Sézaa ’lɛ. Yé bé ye, munu faa lé wo ke ’yitagoro gi i va, Kazambale wo nɔ i lɛ.

Jozué 1:9

Maa ’ka a fe lɛ i lɛ léé, ’ibo dɔ gligli yé i bli ta dɔ plɛplɛ, loo? Té i kana lo; té i gi nyɛ ’é kini lo, naa, Gakelebale, ilé Bale a i va, we faa lé i dan a kɛlɛle pélisia lɛ, a gi.

Jozué 8:1

Gakelebale lé Jozué lɛ léé: Té i kana lo, yé té i gi nyɛ é kini lo. ’I gulidanmunu faa si, ka go wo nya, ’i nwa, ’i go Ai ma. Bé ye, Ai nwiinzan valé alé munu koo, alé fla koo, alé tɛrɛ koo, maa wo nɔ i lɛ.

Wegɔɔnle 1:17

Maa a ye aan wo, maa dia a gane wuo bélé mi gale zo. Yé é bɛyi pla an ta yé é léé: Té i kana lo. Maa ɛ ke a vininzan valé a voélazan nya, yé maa a é yuɛma.

1 Samuɛl 12:20

Samuɛl lé munu lɛ léé: Té ka kana lo. Weboen lé, ka wenyané kɛlɛ; naa, té ka diéra Gakelebale zuo lo, ’ka a bɔ ka bli faa nya;