Agajé 2:22 - Kazambale lé Sebe Sauunu 1979

²² Maa dan bɛnnu lé webleblinnu zana lɛ a gi; maa dan bɛnnu faa lé plɛplɛ sɛrɛ lɛ; maa dan goronu valé wo gizannu zana lɛ a gi; wisoonu valé wotazannu, wo dan ’wo ke gyɛ lɛ wolé gwɔun nya.

Agajé 2:22 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 15:6

Bɛngɔnɔ do éé guli daan bɛngɔnɔ do va; fla do éé nwaan fla do ma. Bale éé wo ma nyɔɔn‐an nyané blɛn blele gɔnɔ faa nya.

2 Minwiinmunu lé Wezuofe Sɛbɛ 20:22

Wo kun lɛrɛ vɔle valé Bale tɔ zin fele ma bléyian va, Moabnu lé ke é yɔɔle, Gakelebale go Amɔnnu nya wo va, wo valé Séii gɔ ma munu lé wo nwa Juda munu ma bɛ, wo va, yé wo ’wo ke kele.

2 Minwiinmunu lé Wezuofe Sɛbɛ 20:23

Amɔnnu valé Moabnu baa Séii gɔ ma munu ta wo kulu gale we ma, yee valé wo sɛrɛle tata we gi. Yé dé wo nyaa Séii munu gyɛle nya, yé wo saa ’wo ke gyɛ.

Lɛrɛvɔ Sɛbɛ 46:9

’Ka da, ’ka bɔn‐in bɔrɔ Gakelebale lé nyanamanu ma, Fɛ sɛrɛlenu lé é a kɛlɛ tɛrɛ la, ’ka bɔn‐in bɔrɔ wo ma do.

Lɛrɛvɔ Sɛbɛ 76:6

Nyanazannu ’ko lé, wo bli ta ke é dɔle plɛplɛ, wo wo poro, Wa wolé dirimayi gyɛna; Nyanazannu ’ko wo ’ka bɔ lɛ wobo takuunle lɛ lo.

Fwile 14:17

Yé maa, maa dan Éjipiti munu bli ta dɔ lɛ plɛplɛ, wo wɔrale ana ka zuo we gi; yé maa dan anlé plɛplɛ nagɔɔn lɛ Faraɔn valé élé sunyanu faa koo, alé goronu valé alé wisootazannu koo, wo nya.

Fwile 14:28

’Yinu da wo pai, yé goronu koo, wisootazannu koo, Faraɔn lé sunyanu faa lé wo wɔra wɛyi gi Izraɛl lé nénu zuo, wo koo, é wo ta sɔɔla; a do kpen ’ka so lɛ a lee lo.

Fwile 15:19

Faraɔn lé wisoonu koo, alé goronu koo, alé wisootazannu koo, wo wɔra wɛyi va, Yé Gakelebale da wɛyi nya wo ta; Naa, Izraɛl lé nénu tawo wɛyi méléna tɛrɛ gale ta.

Fwile 15:4

É Faraɔn lé goronu valé élé sunyanu vuli wɛyi va; Wɛyi Sɔɔn alé gulidanzan zinzinnu mini.

Ézai 19:2

Maa dan gulidanfɛnu nɔ lɛ Éjipiti munu lɛ léé, ’wo guli dan Éjipiti munu ma; bwe é dan guli dan lɛ é bwe va, béé é dan nwa lɛ é béé ma, fla é dan guli dan lɛ fla va, bɛn é dan guli dan lɛ bɛn va.

Ézai 60:12

Dé bɛn‐o bɛn‐an é a fe léé, ’é ’ka plaan i wuo lo, é dan zamaga wo lɛ, ’Bɛ bɛn ’konu kulu é dan ga lɛ.

Ézai 9:19

Woo fɛ siaan gla nya wo bɛyilazia, ’té lɔrɔ éé wo gya; woo fɛ blé wo bɛbolazia, ’té wo ’ka kaan lo. Wo faa do do ’wobo bɛ blé.

Ézékiɛl 21:27

’Munnuwɔlɛ lé ke a bɛyi lee, ’bɛ Jérusalɛm nagɔɔn; ’bɛna lé é a lé wo guruzanagifɛnu dɔ, yé é kɛlɛ migyɛna nya yé wo guli ma siaa wo ana; wo dan gulidan guru zanagifɛnu dɔ lɛ gɔrɔ ’léénu ma; wo dan tɛrɛ zun dɔ lɛ wo ’lɛ, wo dan tɛrɛ zun blɛn dɔ lɛ ilé gɔrɔ ma.

Ézékiɛl 26:16

Wɛyi sɔnɔ tɛrɛ la minisinu faa éé sié ’wolé fuablinnu ta yé wo zun tɛrɛ va; woo ’wolé varɔ blɛnnu sié ’wo ta, yé wolé varɔnu lé pɛɛ ke é gyɛle wo ta, woo wo sié ’wo ta. Di éé kinié wo gi, yé woo nyanaan tɛrɛ va, yé wo zuru va nyɛ éé kinié bléyi faa va, yé wo dan dɔ lɛ ’wo gane la ilé we ma.

Ézékiɛl 38:21

Mizan Gakelebale léma: Maa dan gwɔunzannu pa lɛ zia anlé gɔ blɛnnu faa nwiin Gɔg ma. Gwɔunzannu faa é dan nwa lɛ ’wo bwenu ma do do.

Ézékiɛl 39:20

Ka dan kan lɛ wisoonu valé wotazannu wi nya; ka dan kan lɛ nyanazannu valé gulidanmunu faa wi nya. A zo lé Mizan Gakelebale a fe.

Daniɛl 8:25

A bɛ ma kɛlɛle néné valé alé dabli kɛlɛle nyian wole lé we ma, a bli é dan fan lɛ bo blɛn wenu nya, yé munu lé wo ke é nyanale drɔɔ, é dan wo kiɛre gyɛ lɛ za ma, yé é dan nwa lɛ minwiinzannu nwiinzan ma; naa, é dan ’wii lɛ, dɔlé ’té mi do ’ka we do kɛlɛ lɛ a lɛ lo.

Amɔs 2:15

Savulizan ’ka dan é dɔna ye lɛ lo, yé gane ta kelekelezan ’ka dan so lɛ a gi lo, yé wisootazan ’ka dan ébo béli lɛ lo.

Misé 5:10

Maa dan kalé flanu guru zana lɛ a gi kalé tɛrɛ la; maa dan kalé gulidankɔn plɛplɛnu faa guru zana lɛ a gi.

Misé 5:8

I bɛ ’é mini i mazannu lɛ ma; i nyanézannu faa kulu ’é ga ma.

Misé 5:9

Gakelebale léma: ’Bɛ yi la, maa dan kalé wisoonu nyaa lɛ; maa dan kalé gulidangoronu sɛrɛ lɛ.

Misé 7:16

Bɛn gɔnɔnu é dan a ye lɛ yé wo gi é dan blin lɛ wo ma. Dé wolé plɛplɛ a blɛn‐oo, wo dan ’wo bɛ bua lɛ ’wo lɔlu la, yé wo tɔné é dan ’wii lɛ wo ’wuo ma.

Sofoni 3:8

Gakelebale léma: Yian nya lé maa dan nwa lɛ gulizarafɛ sile we ma bɛ, ’ka an lɛbɛn ’bɛ yi nya. Naa, é dɔ an gi léé, maa bɛngɔnɔnu zén ékeva, yé tɛrɛnu lé munu ke é plale wo nwiin, maa dan wo zén lɛ ékeva, an wɛwɛ dɔle wo ma we gi, an bli flile baba wo ma we gi. Naa, maa dan tɛrɛ faa kyɛ ble lɛ anlé maawole nya.

Zakari 10:11

Bale é dan nyané ble wɛyi kini lɛ, yé é dan fɛ duun lɛ wɛyi nwalenu lɛ Yé yuu gurunu faa é dan béli lɛ; Asirinu lé boblɛn é dan nyaa lɛ, Yé Éjipiti lé plaminwiinyili é dan san lɛ.

Zakari 10:5

Wo dan kɛlɛ lɛ bélé nyanazannu lé woo voli zɔn‐o zia gulidanbléyi va, wo zo; Gakelebale é dan kɛlɛ lɛ wo va, amalé wo dan guli dan lɛ; yé munu lé wo dan vɔ lɛ wisoonu ta, yara é dan wo gyɛ lɛ.

Zakari 12:9

’Bɛ yi la bɛnnu faa lé wo dan da lɛ Jérusalɛm ma guli nya, maa dan kwa kuli lɛ léé, maa wo gyɛ.

Zakari 14:3

Gakelebale é dan da lɛ yé é dan guli dan lɛ bɛn ’konu va, fɛan zo lé é guli dan guli blɛn danyi nya, a zo.

Zakari 4:6

Yé é lé an lɛ léé: Dére lé Gakelebale a fe Zorobabɛl lɛ, yee lé ke ’ko: Gakelebale léma: Mi lé plɛplɛ valé mi lé glawe ’ka we kɛla lo; naa, an Léli ɛ we kɛla.

Zakari 9:10

Maa dan Éfraim lé gulidangoronu sɛrɛ lɛ, Yé maa dan Jérusalɛm lé wisoonu gyɛ lɛ; Maa dan gulidansanu yi ga lɛ. É dan vole drɔɔ zana dɔɔ lɛ bɛnnu lɛ, É sia wɛyi do ma yé é bɔ wɛyi koɛ ma, É sia yuu ma fɔɔ yé é bɔ tɛrɛ glɛ sina, é dan pla lɛ wo nwiin.

Matio 24:7

Bɛn do é dan nwa lɛ bɛn do ma, yé bɛntɛrɛ do é dan nwa lɛ bɛntɛrɛ do ma, yé lɔrɔ é dan dɔ lɛ yé tɛrɛ ma é dan nyɔɔn lɛ fɛ kena.

Wegɔɔnle 11:15

Lanje sɔrafiézan béli fɛn. Yé dére plɛplɛnu we la gi, yé wo léé: Tɛrɛ la bɛnlubɛn faa kinin Kozan valé élé Krist zé nya; yé é dan pla lɛ wo nwiin lɛɛfaama, a glɛ ’ka lo.

Weblezannu 7:22

Mi wuru do yɔ soru béli fɛn é ziin; yé Gakelebale a kɛlɛ léé, wo gwɔun so a gi wo ke ma sɔkɔn gɔrɔ faa gi. Sɔkɔn gi munu fwila fɔɔ Bɛt‐Sita, Séréra vazia, fɔɔ Abɛl‐Méola, Tabat sɔnɔ.

1 Samuɛl 14:16

Saul a Gibéa Bɛnjamɛn tɛrɛ la, yé alé fɛtagini munu a ye léé: Filisitinu gu kini ékema yé wo go bɛ fié la.