Agajé 2:17 - Kazambale lé Sebe Sauunu 1979

¹⁷ Maa gyan vɔ kalé fɛnu ma; an pooné vɔ kalé ’sa ma; maa kalé féi gyɛ goowɔlɛlɛɛ nya; maa kalé nyanama faa sɛrɛ. Dé maa ’bɛ faa kɛlɛoo, ka ’ka da lɛ an va ka pa gi lo. A zo lé Gakelebale a fe.

Agajé 2:17 ပူးပေါင်းရင်းမြစ်များ

Wepélisiananu 42:23

Dé Jozɛfu we fe wo lɛ é danamla dɔ yee valé wo méléna, amalé wo ’ka a gi dɔɔa léé, éé wo dére maan lo.

Wepélisiananu 42:27

Fɛana lé wo yii, wo va mi do élé pulu lɛ so fɛblele nɔle élé sokofale lɛ we ma, yé gɔɔli lé wa pa ’sa ta loru alé pulu gi, é a ye.

Wepélisiananu 42:6

Jozɛfu a é plale tɛrɛ nwiin, yee ɛ ’sa daan munu faa lee. Jozɛfu bwenu da, yé wo dia ’wo bli la a ’lɛ, ’té wo yara a tɛrɛ va.

1 Minwiinzannu 8:37

Dé é a lɔrɔ nyaoo, dé é a migyɛgyɛ nyaoo, dé é a féifɛnu gyɛgyɛ nyaoo, dé é a ’pooné nyaoo, dé é a gangan gɔnɔogɔnɔan nyaoo, dé wo da ilé munu lé tɛrɛ la, dé ilé munu nyanézannu da wolé tɛrɛ la wolé flanu mabɛn lɛ, yé wo bɔ wolé gɔrɔ ’léé, dé bawurumawe bɔ wo ma, dé gyɛogyɛan é ke munu gyɛna,

2 Minwiinmunu lé Wezuofe Sɛbɛ 28:22

Bléyian va lé é a kle blena, yee, minwiinzan blɛn Akaz vo wenyané kɛlɛna Gakelebale ma.

2 Minwiinmunu lé Wezuofe Sɛbɛ 6:28

Dé é a lɔrɔ nyaoo, dé é a mi gyɛgyɛ nyaoo, dé é a féifɛnu gyɛgyɛ nyaoo, dé é a ’pooné nyaoo, dé é a gangan gɔnɔoo gɔnɔan nyaoo, dé wo da ilé munu lé tɛrɛ la, dé ilé munu nyanézannu da wolé tɛrɛ la wolé flanu mabɛn lɛ, yé wo bɔ wolé gɔrɔ ’léé, dé bawurumawe bɔ wo ma, dé gyɛoo gyɛan é ke munu gyɛna,

JOB (Job) 36:13

Naa, Bale lé zi ma wenyané fezannu wobo no bliflile lɛ, Dé Bale wo yere, wo ’ka siaan a lɛ lo;

Lɛrɛvɔ Sɛbɛ 128:2

I i bɛ panyanama tɔnɔ blé, I gi éé nanaan yé i fua blé.

Lɛrɛvɔ Sɛbɛ 78:46

É wolé féifɛnu nɔ gangannu lɛ, É wo panyanama tɔnɔ nɔ gangannu lɛ.

Ézai 28:2

Ka yua, mi plɛplɛ lé Mizan a pa zia, yee lé é dan bɛ; é a dana bélé goowɔlɛlɛɛ dale zo, bélé fɛsɛrɛfu plɛplɛ zo, bélé lɛɛ blɛn lé é da yé é ’yiyoro kiɛre so, a zo. Bale tɔkoro ’ko dia tɛrɛ va gla nya.

Ézai 37:27

Plɛplɛ ’ka ana munu lee lo, Kana a wo gi yé wo gona ’ka lo. Wa bélé féifɛnu valé luyɛ drɔɔdrɔɔ zo, Wa bélé kɔn gwa la dinin Valé ’sa lé a ma yuru, ’té a turu ’ka lo, wo zo.

Ézai 42:25

Amalé a bli fli Izraɛl ma é baba, Yé é glawe bɔ wo ma yé guli wo gyɛ, Guli wo gyɛ bɛ faa ma, yé wo ’ka a gi ’ma lɛ lo; Guli wo ble yé wo ’ka ’bɛ pa lɛ wo ’wuo gi lo.

Ézai 62:8

Gakelebale é bɛyi valé é bɛ plɛplɛ ’nyɔɔn léé: Maa ’ka dan ilé ’sa nɔ lɛ i nyanézannu lé fɛblele nya é dɛrɛ lo, Ilé dɔrɔ lé ke ilé nyanama tɔnɔ nya, Bɛnnu ’ka dan a mini lɛ é dɛrɛ lo.

Ézai 9:13

Gakelebale é dan Izraɛl woli valé a ’wuo bɔi lɛ yé é dan yɔ valé gyan soowɔla lɛ yi do kpen nya.

Jérémi 3:24

Ko kiéné la bléyi va, miyilinu ko tinu panyanama tɔnɔ ble; wolé ’blanu koo, wolé dirinu koo, wo benu valé wo lunu koo, wo wo ble.

Jérémi 5:3

Gakelebale, i yuɛ ’ka webozen yé loo? I wo bla, yé é ’ka ’na lɛ wo ma lo; I wo nyaa, yé wo ’ka ilé wepladére nyi si lɛ lo; Yé wo yuɛma dɔ plɛplɛ bélé gɔlɛ zo. Wo sɔn vɔ ’wo bli nɔlale ma.

Amɔs 4:6

Yé maa ɛ da lɔrɔ nya kalé fla blɛn faa ta, yé maa fɛblele vuru ka ma ka nyananu na. Dé an ’bɛ kɛlɛoo, ka ’ka da lɛ an va ka pa gi lo. A zo lé Gakelebale a fe.

Agajé 1:11

An lɛɛdabléyi nɔla yɛrɛgabléyi nya, tɛrɛ koo, gɔnu koo, ’sa koo, dɔrɔ dɛrɛ koo, nyɔnɔ koo, fɛ faa lé éé dɔa tɛrɛ ta koo, munu valé winu koo, mi panyanama faa koo, wo ma.

Agajé 1:6

Ka ’sa kiɛre vɔa, ’té ka gya sɛ. Ka fɛ blé, ’té ka ’ka kaan lo. Ka ’yi minian, ’té ’yiminilɔrɔ ’ka sié ka ma lo. Sɔ a ka ta, ’té dunu ’ka sié ka ma lo. Nyanamapazan é ’é ban paan bala fɔnle gi yé é dia.

Agajé 1:9

Ka bli a fɛ kiɛre lɛ, yé ka ye, fɛ sɛné a ka lee; ka da a nya ka va, yé maa fu fɛɛ a ta. Lai sunyanu lé Gakelebale léé: Mɛmaléé? Anlé kɔn sɛrɛ, azama, ’té ka kabo tunuan kabo lé kɔn dɔle we ma.

Agajé 2:16

Dé mi do da ’sa kana yɔ do si lɛ, a vu lé éé a yé. Dé é da dɔrɔ borona, dɔrɔ kana yɔ fié wɔlɛ vu si lɛ, a yɔ do lé éé a yé.

Malasi 3:11

Maa dan féisɛrɛfɛnu si lɛ ka ma; wo ’ka dan kalé féifɛnu ble lɛ lo; kalé dɔrɔyilinu ’ka dan vo lɛ é pla lo. A zo lé lai sunyanu lé Gakelebale a fe.

Bélidɔwesɛbɛ Fiézan 28:22

Fuuné gyɛ koo, kɔlɛ kyɛdɔle koo, lɔlu gyɛ koo, kɔlɛ brɔnbogyɛ koo, misiégigyɛ koo, gyɛkwagyo koo, miwisɛrɛgyɛ koo, Gakelebale é dan ka gyɛ lɛ ’bɛnu nya, yé wo dan vo lɛ ka gɔnɔ gi fɔɔ yé ka zamaga wo.

Wegɔɔnle 2:21

An bléyi ke nɔ a lɛ, a bli nɔlale we ma, yé é ’ka a va léé, é daan élé pɛnpɛnnégyɛle ma lo.