Agajé 1:9 - Kazambale lé Sebe Sauunu 1979

⁹ Ka bli a fɛ kiɛre lɛ, yé ka ye, fɛ sɛné a ka lee; ka da a nya ka va, yé maa fu fɛɛ a ta. Lai sunyanu lé Gakelebale léé: Mɛmaléé? Anlé kɔn sɛrɛ, azama, ’té ka kabo tunuan kabo lé kɔn dɔle we ma.

Agajé 1:9 ပူးပေါင်းရင်းမြစ်များ

2 Samuɛl 21:1

David bléyi va lɔrɔ dɔ tɛrɛ la lɛɛ yaa. David Gakelebale yara gini yé Gakelebale léé: Saul valé élé kɔngimunu, mi nyɛzanamunu lé we ma lé. É Gabaɔn munu gyɛ, azama.

2 Samuɛl 22:16

Wɛyi wɔlɛ ma bɔra Yé tɛrɛ gane vɔnanu ma bɔra Gakelebale lé wefele yara plɛplɛ nya we ma, A nyé gi fu fɛle vun wele we ma.

2 Minwiinzannu 19:7

Maa dan bli do vɔ lɛ a gi yé é dan we do ’ma lɛ yé é dan nɔla lɛ ébo lé tɛrɛ la; yé maa dan a gyɛ lɛ gwɔun nya élé tɛrɛ la.

JOB (Job) 10:2

Maa dan fe lɛ Kazambale lɛ léé: Té i an gyɛ we nya lo. Wean ma lé i péli vɔ an ma, ’i ’bɛ fe an lɛ.

Wegɔnévɔlenu 11:24

Mian éé fɛ no kiɛre, éé fua taa blé, yé mi lé élé fɛ tadɔle gié é glɛ la, nyané é dan a gyɛ lɛ.

Wegɔnévɔlenu 27:20

Gamunu nyanana valé guru ’ka faan lo, a zo duo lé mi yuɛ ’ka kaan yɛrɛ yele nya lo.

Bale Lé We Gifezan 1:8

Fɛnu faa a nyanama pana, yé mi ’ka bɔa a gi fele lɛ lo; mi yuɛ ’ka kaan yɛrɛ ginile nya lo, yé mi tɔné wɔlɛ gi ’ka nyaan é ma we ’male nya lo.

Ézai 40:7

Dé Gakelebale lé fu gié wo ta, Lu éé gaan, yé a vwi éé diaan; Munu a bélé lu zo weboen nya,

Ézai 5:10

Dɔrɔ tuabu féi soru é dan dɔrɔ litré yɔ dɔ wɔlɛ vu ta suiɛdo nɔ lɛ. Dé wo fɛwɔlɛ vɔ vlekyɛɛ nya vu, wo dan a gyɛ lɛ vlekyɛɛ nya do.

Jérémi 12:13

Wo buruwɔlɛ zima vɔ féi yé wo lélinu gyɛ fɛgyɛbléyi va. Wo ’wo wɔlɛ gi nyaa wo ma é pla, ’té a tɔnɔ ’ka lo. Fɛ lé ka a gyɛ féi, Gakelebale lé bliflile blɛn zuo bɛ, Yara ’é ka gyɛ a ma ma.

Ézékiɛl 21:31

Mizan Gakelebale léma: Wo dan plaminwiin nɔɔn valé tɔkoro si lɛ i ’wuo ma. Wenu ta é dan vɔɔ lɛ. Fɛ lé é ke é zunle, wo dan a nwa lɛ, yé fɛ lé é ke é nwale, wo dan a zun lɛ.

Lévinu 19:25

A lɛɛ soruzan nya, ka dan wo ble lɛ, yé ka dan vo lɛ wo sona. Maa a Gakelebale, kalé Bale nya.

Agajé 1:4

Kɔn lé alé plafɔn ke, ka nyanale a gi bléyi lé ke ’koo? ’Té anlé kɔn ’ko a é ’wiilee?

Agajé 1:6

Ka ’sa kiɛre vɔa, ’té ka gya sɛ. Ka fɛ blé, ’té ka ’ka kaan lo. Ka ’yi minian, ’té ’yiminilɔrɔ ’ka sié ka ma lo. Sɔ a ka ta, ’té dunu ’ka sié ka ma lo. Nyanamapazan é ’é ban paan bala fɔnle gi yé é dia.

Malasi 2:2

Dé ka ’ka tɔné dɔ lɛ an lɛ lo, dé ka ’ka a pa lɛ ka bli gi léé, ka an tɔ bɔ lo, maa dan bale pa lɛ ka ma, yé fɛ lé ke ka drɔɔvofɛ nya é kyɛn, maa dan bale pa lɛ ’bɛ ma. Iin, maa dan bale pa lɛ wo ma; ka ’ka an dére pa lɛ ka bli gi lo, azama. A zo lé lai sunyanu lé Gakelebale a fe.

Bélidɔwesɛbɛ Fiézan 28:38

Ka dan fɛwɔlɛ kiɛre vɔ lɛ kalé féi; naa, gangannu é dan wo ble lɛ amalé ka ’ka dan fɛ kiɛre ye lɛ lo.

Wegɔɔnle 2:4

Naa, i ma we do a an gi; sɔlɛle lé ke i gi é vinin, é ’ka i gi lao ’bɛ zo lo.

Wegɔɔnle 3:19

Munu faa lé wo sɔ an lɛ, maa we plaan wo lɛ plɛplɛ yé maa we lɛdɔa wo gi. Amalé i fuu ’é dɔ i ta yé ’i bli nɔla ma.