Agajé 1:13 - Kazambale lé Sebe Sauunu 1979

¹³ Agajé lé Gakelebale a pa zia, é Gakelebale dére fe munu lɛ léma: Gakelebale léma: Maa a ka va.

Agajé 1:13 ပူးပေါင်းရင်းမြစ်များ

Minwiinzannu lé Wezuofe Sɛbɛ 28:20

David lé é be Salomɔn lɛ léé: ’I dɔ gligli, ’i bli ta dɔ plɛplɛ, ’i we kɛlɛ; té i kana lo, té di é kini i gi lo. Naa, Gakelebale anlé Bale, é dan kɛlɛ lɛ i va; é ’ka dan i vo lɛ lo, é ’ka dan sɔn vɔ lɛ i ma lo, fɔɔ yé nyanamanu lé wo dan wo pa lɛ Gakelebale lé kɔn giwenu kɛlɛle lé we ma, yé wo lɛ é sɔɔ.

2 Minwiinmunu lé Wezuofe Sɛbɛ 15:2

yé Azaria go Aza va, yé é lé a lɛ léé: Aza, ’i tɔné dɔ an lɛ, bii valé Judanu valé Bɛnjamɛnnu. Bléyian va lé ka a Gakelebale va, ’té é a ka va. Dé ka a nagini, ka dan a ye lɛ; naa, dé ka sɔn vɔ a ma, é dan sɔn vɔ lɛ ka ma.

2 Minwiinmunu lé Wezuofe Sɛbɛ 20:17

É ’ka lé ka guli do kpen dan we ’ko gi lo; ’ka bɔra a gi, ’ka dɔ ana, yé Gakelebale é dan ka si lɛ we gi fɛan zo bɛ, yé ka ana ye. Judanu valé Jérusalɛm munu, té ka kana lo; té di é kini ka gi monomono lo. Tɛlɛ, ’ka go kee wo nya, yé Gakelebale é dan kɛlɛ lɛ ka va.

2 Minwiinmunu lé Wezuofe Sɛbɛ 32:8

Blaminu bɛ nya lé wo ’wozé kɛla, naa, Gakelebale, kolé Bale ɛ ke ko va, yé é dan bɔ lɛ ko va, yé é dan ko ta guli dan lɛ. Yé munu pa Juda nwiinzan blɛn Ézékia dére ta.

Lɛrɛvɔ Sɛbɛ 46:11

’Ka da, yé ’ka we ’ko dɔɔ ma: maa a Bale nya, Maa ɛ ke bɛnnu nwiin, maa ɛ ke tɛrɛ nwiin.

Lɛrɛvɔ Sɛbɛ 46:7

Bɛnnu wo gi gunu yé wolé plale mi nwiin ma nyɔɔn; Bale we do fe yé tɛrɛ ’yi bo kanale nya.

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Ézai 42:19

Dé é ’ka an wuozan nya lo, de ɛ yuɛ ’wii? De ɛ tɔné ’wii bélé mi lé maa a nwunvɔ, azan zoo? Mi kyɛɛn ɛ yuɛ ’wii bélé Kazambale béé zoo? Mi kyɛn ɛ yuɛ ’wii bélé Gakelebale wuozan zoo?

Ézai 43:2

Dé i a ’yi kinina, maa dan kɛlɛ lɛ i va; Dé i a yuunu kinina, wo ’ka dan i mini lɛ lo; Dé i tawo kyɛ va, i kyɛ ’ka dan ble lɛ lo, Kyɛnɛnɛ ’ka dan vɔ lɛ i ma lo.

Ézai 44:26

Maa an wuozan dére dɔa plɛplɛ; Tɛlɛ tɛlamawe lé anlé nwunvɔzannu a fé, maa a lɛ sɔɔan; Maa lé Jérusalɛm ma léé, munu é dan nyana lɛ ana, Yé maa lé Juda lé flanu ma léé, wo dan wo pa lɛ ’wo pa gi; Yé wolé flanu lé wo vo ’wo ’bin nya, maa dan wo pa lɛ ’wo pa gi.

Jérémi 15:20

Maa dan i kɛlɛ lɛ munu ’ko va bélé kɔnguru plɛplɛ lé wa dɔ zéné nya, a zo; wo dan guli dan lɛ i va, naa, wo ’ka dan i kele lɛ lo; naa, an dan kɛlɛ lɛ i va, i bélile valé i sile we gi we ma. Maa dan i si lɛ mi nyanénu lee, maa dan i si lɛ glawe kɛlɛzannu lee. Maa, Gakelebale ɛ ke a fena.

Jérémi 20:11

Naa, Gakelebale a an va bélé nyanazan plɛplɛ zo, Amalé nyanépaantazannu é dan dia lɛ; wo ’ka dan an kun lɛ lo. Wolé we ’ka dan vɔ lɛ a ma lo, amalé yara é dan wo gyɛ lɛ. É dan kɛlɛ lɛ yaragyɛwe lé a glɛ ’ka lo, ’té munu gi ’ka dan san lɛ a ma lo, a nya.

Jérémi 30:11

Gakelebale léma: Naa, maa a bii va, i sile we lee we ma; Yé bɛnnu lé maa ka sɔɔla wo va, maa dan wo faa sɛrɛ lɛ tata, Naa, bii, maa ’ka dan i sɛrɛ lɛ tata lo, Maa dan we lɛdɔ lɛ i gi we tegele nya, Maa ’ka bɔa i vole lɛ é pla lo, é a lé maa we lɛdɔ i gi.

Ézékiɛl 3:17

Blami be, maa i dɔ Izraɛlnu taginizan nya. ’I tɔné dɔ an dére lɛ, yé i dan we lɛ kini lɛ wo lɛ an dére nya.

Agajé 2:4

Gakelebale léma: Sin, Zorobabɛl, ’ibo dɔ plɛplɛ. Balebanmunu nwiinzan Josadak be Jozué, ’ibo dɔ plɛplɛ. Gakelebale léma: ’Kaa tɛrɛ ’ko la munu faa, ’kabo dɔ plɛplɛ. ’Ka nyanama pa, naa, maa a ka va. A zo lé lai sunyanu lé Gakelebale a fe.

Malasi 2:7

Balebanzannu a lai sunyanu lé Gakelebale lé nwunvɔzannu nya. Bale wo nwunvɔ léé, munu ’é wedɔɔle ’ma wo ’léé, yé ’wo bélidɔwe gi laa wo lee.

Malasi 3:1

Ka ye, maa dan anlé nwunvɔzan pa lɛ zia; é dan zi ma’lɛrɛ lɛ an ’lɛ. Yé Mizan lé ka ke a naginina, é dan bɔra lɛ ka ma fiaa élé kɔn gi; gipawe dɛrɛ gizan lé ka bli bɔ a ma, yee lé é dan bɛoo bɛ; lai sunyanu lé Gakelebale ɛ fe.

Matio 1:23

Bé ye, blɛn lé gɔné ’ka tan a dɔɔ lɛ le nya lo, é dan bɔn si lɛ yé é dan négɔné do yaa lɛ. Wo dan a tɔ pa lɛ Emanuɛl, ’bɛ gi léé, Bale a ko va.

Matio 18:20

Dé é a mi fié nyaoo, dé é a mi yaa nyaoo, fɛana lé woo zén‐é ékeva an tɔ gi, maa ana wo méléna.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

Rom munu 8:31

Kaa fé we ’konu ma nɔɔ? Dé Kazambale a kaa va, de ɛ kɛla kaa maa?

2 Korɛnt Munu 5:20

Bɛwemalé ko a Krist bɛgizannu nya, bélé fɛan zo lé Kazambale éé we plaan mi lɛ ko lɔlu nya, a zo; ’té ko zanté vɔa ka lɛ Krist tɔ gi léé, ’ka nana Kazambale va ma.

2 Timoté 4:17

Mizan ɛ bɔ an va, yé é an dɔ plɛplɛ anlé wefele lɛsɔɔle we ma, bɛnnu faa lé a ’male we gi. Yé Bale an si golizra lɔ ma.

2 Timoté 4:22

Mizan ’é vo i léli va ma. Bale ’é ka drɔɔ vo ma. Amɛɛn.

Weblezannu 2:1

Gakelebale lé lanje do si Gilgal yé é go loru zia Bokim yé é léma: Maa ka si Éjipiti tɛrɛ la yé maa da ka nya, tɛrɛ lé anbo ’nyɔɔn ka tranu lɛ léé, maa dan a nɔ lɛ wo lɛ, a ta. Maa léé, maa ’ka dan anlé gipawe sɛrɛ lɛ ka va monomono lo;