Abaku 3:18 - Kazambale lé Sebe Sauunu 1979

¹⁸ Naa, duowo, an gi é dan nana lɛ Gakelebale gi, An gi é dan nana lɛ an siéwegizan Bale gi.

Abaku 3:18 ပူးပေါင်းရင်းမြစ်များ

2 Samuɛl 6:15

David valé Izraɛl munu faa go Gakelebale lé kɛsu nya gi nana siaale valé béli fɛnle nya.

JOB (Job) 13:15

Bé ye, é dan an gyɛ lɛ; an bli ’ka we do lɛ é dɛrɛ lo; Naa, duowo, maa dan anlé tawobɛ tegele zuo fe lɛ a ’lɛ.

Lɛrɛvɔ Sɛbɛ 104:34

An dérenu ’é kɛlɛ néné a tɔné gi ma, Maa a a va léé, an gi ’é nana Gakelebale gi.

Lɛrɛvɔ Sɛbɛ 149:2

Izraɛl munu gi ’é nana ’wo kɛlɛzan lé we ma ma. Siɔn munu gi ’é nana ’wo nwiinzan lé we ma fɔɔ té a glɛ é dɔ lo.

Lɛrɛvɔ Sɛbɛ 25:5

’I go an nya ilé webozen lé zia yé ’i we paa an gi. Naa, i a an Siéwegibale nya, Bii ɛ lɛ lé an bli ke yifaama.

Lɛrɛvɔ Sɛbɛ 27:1

David zé lé. Gakelebale a an vakinizan nya, é a an Siéwegizan nya. Maa kanaan de ɛ lee? Anlé tɛrɛla a Gakelebale lee; ’Té de lee lé an kanaan?

Lɛrɛvɔ Sɛbɛ 33:1

’Kaa mi tegelenu, ka gi ’é nana Gakelebale gi ma. Bale tɔ zin fele éé mi tegelenu nyɛɛan.

Lɛrɛvɔ Sɛbɛ 85:6

I dan ko ’léé wɛ lɛ yifaamaa? I dan vo lɛ i bli flina a zo ’koo?

Lɛrɛvɔ Sɛbɛ 97:12

’Kaa mi tegelenu, ka gi ’é nana blɛn Gakelebale gi, Yé ’ka a kɛlɛle sauun tɔ bié kalé a tɔ zin fele nya.

Fwile 15:1

Yé Moizi valé Izraɛl lé nénu lɛrɛ ’ko vɔ Gakelebale lɛ: Wo léma: Maa dan lɛrɛ vɔ lɛ Gakelebale lɛ, naa, é ’élé plɛplɛ nagɔɔn wéiin: É wisoo valé étazan vuli wɛyi va.

Fwile 15:2

Gakelebale a anlé plɛplɛ nya, yé yee ɛ tɔ zin lé maa a fé; Yee ɛ an si we gi. É a anlé Bale nya; maa dan a kɛlɛ lɛ blɛn; É a an ti lé Bale nya; maa dan a tɔ bié lɛ.

Ézai 12:2

Bé ye, Bale a an siéwegizan nya; An pale a i ta blɛn, yé maa ’ka dan kana lɛ we do lee lo. Naa, Gakelebaleoo Gakelebale, i a anlé plɛplɛ nya, yé bii ɛ tɔ zin lé maa fé; Bii ɛ ke an Siéwegizan nya.

Ézai 25:9

’Bɛ yi la, wo dan a fe lɛ léé: Ka ye, ko pale a kolé Bale ’ko, yee ɛ ta, yee ɛ ko sié we gi; ko pale a Gakelebale ’ko, yee ɛ ta; kaa gi ’é nana ma, ko gi ’é nana alé ko sile we gi we ma.

Ézai 41:16

I dan wo fɛɛ lɛ yé fu é dan go lɛ wo nya, Yé barikoko é dan wo fwila lɛ. Naa, bii, i gi é dan nana lɛ Gakelebale gi; I dan ibo tɔ bɔ lɛ Izraɛl lé Mi Sauun gi.

Ézai 61:10

An gi é dan nana lɛ Gakelebale gi, An boen ginanale anlé Bale gi é dan an gi san lɛ an ma; Naa, é sile we gi zén an ta varɔ nya, É vole éboma zén an ta sɔ nya Bélé lesizan éé kyan zén‐é ’é ta fɛan zo, a zo, Bélé bosizan éé ’lɛrɛfɛ zén‐é ’é ta fɛan zo, a zo.

Joɛl 2:23

Yé ’kaa Siɔn munu, yéri ’é pa ka lɔ ma, yé ka gi ’é nana Gakelebale, kalé Bale lé we ma ma, Naa, é dan lɛɛ da lɛ ka lɛ lɛɛ dabléyi va, Yé é dan lɛɛ vininzan valé lɛɛ voélazan da lɛ lɛɛ dabléyi va, Éé a kɛla é vinin fɛan zo, a zo.

Misé 7:7

Dé é a anzé nya, an dan an yuɛ vo lɛ Gakelebale lɛ, yé maa dan pa lɛ an siéwegizan Bale ta. Anlé Bale é dan an dére ’ma lɛ.

Zakari 10:7

Éfraim é dan kɛlɛ lɛ bélé gulidan nyanazan zo; Wo gi é dan nana lɛ bélé nwɛ lé wa mini, Wo benu é dan a ye lɛ yé wo gi é dan nana lɛ kaii; Wo gi é dan nana lɛ Gakelebale gi.

WENÉNÉ LÉ LUK A GYE (Évangile selon Luc) 2:30

Naa, an yuɛ ilé mibélizan ye,

Bélidɔwesɛbɛ Fiézan 12:18

Naa, ka dan ’bɛnu ble lɛ Gakelebale, kalé Bale ’lɛ, fɛ lé Gakelebale, kalé Bale é dan a si lɛ a va, ana; ka koo, ka benu valé ka lunu koo, ka wuogɔnénu valé ka wuolomu koo, Lévimi lé ke ka va koo, ’ka a ble wo nya; Gakelebale, kalé Bale ’lɛ lé ka gi é dan nana lɛ, fuafɛnu faa lé ke ka lee, wo ma.

Filip munu 4:4

Ka gi ’é nana yifaama Mizan gi; Maa a taa fé léé, ka gi ’é nana ma.

SEBE LÉ JAK A GYE (Épitre de Jacques) 1:2

An bwenu, wa ka gi danna bɛ faa ma fɛan zo bɛ, ka gi ’é nana a we ma ma.

1 Piɛri 1:8

Ka ’ka tan Jézu ye lɛ lo, yé é sɔ ka lɛ duowo; ka bli a a lɛ, dɔlé ’té ka ’ka tan a ye lɛ lo, yé ka gi a é nanale, gi nanale blɛn lé a gifedére ’ka lo, ’té é gié é glɛ la, a nya,

1 Samuɛl 2:1

Ane bazoro yé é léé: An gi nana Gakelebale gi; Gakelebale an dɔ plɛplɛ é ziin; An ’léé fuo an nyanézannu ma, Naa, an gi nana i bɔle an va we ma.