Abaku 3:16 - Kazambale lé Sebe Sauunu 1979

¹⁶ Maa ’ma, yé an bɔn gi kɛlɛ wɛwɛwɛ. An dére ’ko ’ma tɔɔn, an lɔlunu nyɔɔn, An wɔlɛnu éé yaan an gi, Yé an powuonu vo tɔɔtɔɔ. É a lé an we tɔntɔn bɔyi lɛbɛn an ta nya é dɔle, Yian nya lé yaamitazan é dan nwa lɛ yé é go guli dan migɔnɔnu ma, a yi nya.

Abaku 3:16 ပူးပေါင်းရင်းမြစ်များ

JOB (Job) 30:17

É béli we tɔntɔn éé bɔa an ma yé éé an wɔlɛnu yaama an gi; Manɔnnu lé wo ke yaana an kɔlɛ ma, wo ’ka tadɔa lo.

JOB (Job) 30:30

An kɔlɛ éé tiéan, ’té éé soo an ma, An wɔlɛnu éé yaan an gi, ’té woo gaan.

Lɛrɛvɔ Sɛbɛ 119:120

Kana blɛn zén an gi ilé we ma, yé an ma éé nyɔɔn‐an, Yé an kanaan ilé weblelenu lee.

Lɛrɛvɔ Sɛbɛ 91:15

É dan an tɔ laa lɛ, yé an dan we lɛ; Maa dan kɛlɛ lɛ a va alé kleblele gi; Maa dan a so lɛ wo lee, yé maa dan a tɔ zin bɔ lɛ.

Wegɔnévɔlenu 12:4

Le tegele a bélé tɔkoro zin zo é zana ’wuo ma, naa, le lé éé mi gya yara nya, é a bélé booboo zo é zana wɔlɛnu gi.

Wegɔnévɔlenu 14:30

Bli drɔɔ a mi kɔlɛ bélifɛ nya, naa, mi va maawole a bélé booboo zo mi wɔlɛ gi.

Ézai 21:3

Bɛwemalé maa a kle blena an sowolɛ lee. Nyanéblele an kun bélé né yaa le lé nyanéblele zo. An plinle lé we ma lé an ’ka we maan lo; an ma nyɔɔnle lé we ma lé an ’ka fɛ yé lo.

Jérémi 23:9

Gakelebale balelayemunu mawe fe léé: An bli ’wii an gi, An wɔlɛnu faa ma éé nyɔɔn‐an; Maa a bélé nwɛgyɛzan zo, Bélé mi lé nwɛ gié a yuɛ ma, a zo, Gakelebale valé é dére sauun lé we ma.

Jérémi 30:7

We tɔntɔn lé. Naa, yi blɛn lé; ’Bɛ zoɛ yi vinin ’ka tan bɔ lɛ lo. É a Jakɔb lé klebleyi nya, Naa, é dan si lɛ a gi.

Jérémi 4:19

An bli loo! An bli loo! Maa a nyané blena an bli gi. An bli a an gyɛna. An ’ka bɔa tadɔle lɛ lo; Naa, an boen, ’i béli dére ’ma. ’I gulidanle vun ’ma.

Jérémi 5:15

Gakelebale léé: Ka lé, ka ke Izraɛl munu nya, maa dan bɛn baa do nwa lɛ ka ma, yé wo dan guli dan lɛ ka va; wa bɛn plɛplɛ nya, bɛn namɔnle nya; bɛn lé ka ’ka wo dére dɔɔa lo, yé ka ’ka dan wo dére gi ’ma lɛ lo, woo lé.

Jérémi Lé Wuvɔ Sɛbɛ 1:13

É kyɛ si loru yé é a zén an wɔlɛnu ma ’té éé wo blé. É séli vɔ an lee, Yé é kɛlɛ léé, an dia an zuozia; É an bli kyɛ dɔ é baba, yé an fuu éé sié an ta yifaama.

Jérémi Lé Wuvɔ Sɛbɛ 1:20

Gakelebale, ’i anlé nyanéblele blɛn ye. An bli ’ka é male an gi lo, An zuru a vɔna an gi, Naa, an tɔné gi kɛlɛ plɛplɛ i ma. Gwɔun a fɛ gyɛna gɔrɔ zi, ’té ga a fla.

Ézékiɛl 3:14

Léli an nwa yé é go an nya. An go, ’té an bli a é flile babané. Yé Gakelebale bɛ a é nyunule an ta plɛplɛ.

Daniɛl 10:8

An vo an do yé an yuɛziwe blɛn ’ko ye. An fuu faa si an ta, an yara sɛrɛ, yé anlé plɛplɛ faa si an lee.

Daniɛl 10:9

Maa a dérenu ’ma; maa a dérenu ’ma aan wo, an dia an bli la, yé an zɔrɔ.

Daniɛl 8:27

We ’konu zuo, maa Daniɛl, maa yi kiɛre gié, ’té an yuɛgi zun, ’té gyɛ a an ma. ’Bɛ zuo yé an nwa yé an kun minwiinzan blɛn lé wenu kɛlɛle ma. Yuɛziwe lé maa a ye, é an gi vuru, yé mi do kpen ’ka a gi dɔɔ lɛ lo.

Abaku 3:2

Gakelebale, we lé bé fe, maa ’ma, yé kana blɛn zén an gi. Gakelebaleoo, Gakelebale, ’i kɛlɛwenu lɛ sɔɔ lɛɛnu faa gi, ’Bé nagɔɔn lɛɛnu faa gi; Naa, dé i bli a flina, i nyanai zénle sele ’é dɔ i gi ma.

WENÉNÉ LÉ LUK A GYE (Évangile selon Luc) 21:19

ka dan ka boennu si lɛ we gi kalé yarapalale nya.