Abaku 2:8 - Kazambale lé Sebe Sauunu 1979

⁸ Naa, i ’wii bɛngɔnɔ kiɛre ta, amalé migɔnɔ pɔnénu é dan ’wii lɛ i ta. Naa, i munu nyɛ zana, yé i glawe kɛlɛ tɛrɛ ’ko la flanu valé wotazannu lɛ, azama.

Abaku 2:8 ပူးပေါင်းရင်းမြစ်များ

Lɛrɛvɔ Sɛbɛ 137:8

Babilɔn munu, ’kaa kɔn ’wiizannu, Wenaané lé ka kɛlɛ ko lɛ, Mian é a lɛgi kɛlɛ ka lɛ, ’bɛzan zé a néné.

Wegɔnévɔlenu 22:23

naa, Gakelebale é dan dɔ lɛ wo zuo, yé munu lé wo wolé fɛnu si é dan wolé tɛrɛla si lɛ wo lee.

Ézai 33:1

Bii lé i ’wiié fɛ ta yé wo ’ka ’wii lɛ izé ta lo, bii lé i fɛ sian gla nya yé wo ’ka izé sia lɛ gla nya lo, we tɔntɔn ’é kɛlɛ i lɛ ma. Dé i nyaa ’wiile fɛ ta nya, wo dan ’wii lɛ i ta; dé i fɛ sile gla nya lɛ sɔɔ, wo dan ilé fɛ sia lɛ gla nya.

Ézai 33:4

Wo ilé gulizarafɛ si bélé flɛlɛ gaan éé ’sa blé fɛan zo, a zo; wo zén a ta bélé flɛlɛ gaan éé zén‐é fɛ ta fɛan zo, a zo.

Ézai 47:6

An bli fli anlé munu ma, Maa anlé tɔnɔfɛ kɛlɛ boafɛ nya, Yé maa wo pa i lee; I nyanai ’ka zén lɛ wo ta lo, I kɔné bɛnzan dɔ gɔné segele nwiin.

Jérémi 27:7

Bɛnnu faa é dan pla lɛ a wuo, yee koo, a be koo, a néné koo, wo dan pla lɛ wo wuo fɔɔ yé wozé bléyi é nyaa, ’bɛ zuo yee Babilɔn tɛrɛ é dan pla lɛ bɛn plɛplɛ bɛnu valé minwiinzan blɛn bɛnu wuo.

Jérémi 30:16

Naa, duowo, munu faa lé woo i ta blé, Wo dan wo ta ble lɛ, Yé wo dan go lɛ i nyanézannu faa tere nya luu gi; Munu lé wo ’wii i ta, wo dan ’wii lɛ wo ta, Yé munu faa lé wo ilé fɛnu sian gla nya, maa dan wozé sia lɛ gla nya.

Jérémi 50:14

’Kaa savulizannu faa lé, ’ka ma’lɛrɛ yé ’ka diri Babilɔn zi gulidanle a va we ma; ’ka sa vuli a va, té ka sawɔlɛnu ta dɔ lo. Naa, é wenyané kɛlɛ Gakelebale ma.

Jérémi 50:28

’Ka tɔné dɔ Babilɔn lé vɔfligimunu lé siaalenu lɛ, yé ’ka go Gakelebale kalé Bale lé we lɛgi pale zana dɔɔ Siɔn, yé ’ka a bangikɔn lɛgi pale zana dɔɔ ana.

Jérémi 50:37

’Wo gwɔun sia alé wisoonu valé alé gulidanmunu ma, Munu gɔnɔ faa lé wo ke a va, ’wa sia wo ma ma; ’Wo kɛlɛ bélé lomu zo ma. ’Wo gwɔun sia wolé fɛwezannu ma, ’wo wii wo ta ma.

Jérémi 51:13

Bii lé i ke é nyanale ’yi blɛnnu sɔnɔ, ’té ilé fɛwezannu ke di, i bɔ izé ’wuo plana; ilé fɛyilɔrɔ glɛ dɔ.

Jérémi 51:24

Wenaané faa lé Babilɔn munu valé Kaldé munu faa a kɛlɛ Siɔn lɛ ka yuɛ gi, maa dan a lɛgi pa lɛ wo ma. Maa Gakelebale ɛ ke a fena.

Jérémi 51:44

Maa dan we lɛdɔ lɛ Bɛl gi Babilɔn; maa dan fɛblele so lɛ a ’léé, yé bɛnnu ’ka dan yoro lɛ a vazia é dɛrɛ lo. Babilɔn zi gɔrɔ boen dia;

Jérémi 51:48

La koo, tɛrɛ koo, wo gifɛnu koo, wo dan siaa lɛ ginanale nya Babilɔn diale we ma; naa, fɛsɛrɛzannu é dan si lɛ yirinwana bɛbolazia, yé wo dan baa lɛ a ta. Maa Gakelebale ɛ ke a fena.

Jérémi 51:8

Kele tɔɔn, Babilɔn dia, yé wa ’wii. ’Ka dunnu alé we ma, ’ka lia pa a tuona gi, dé é dan béli lɛɛ?

Ézékiɛl 28:16

Ilé yaawole blɛn zi i fan glawe kɛlɛle nya yé i wenyané kɛlɛ; maa i si Kazambale lé gɔ nwiin, yé maa i nwunzi vuli, yé bii, munuvɔazizan sérubɛn, maa i si gɔlɛnu lé woo bié bélé kyɛ zo, wo méléna, yé maa i ta saan.

Ézékiɛl 39:10

Wo ’ka dan go lɛ kyɛ yéli lɛ féinu ta é dɛrɛ lo, yé wo ’ka dan kyɛ yéli lɛ pɔrɔ gi é dɛrɛ lo, naa, wo dan gulidanfɛnu sɔn lɛ kyɛ nya, azama. Mizan Gakelebale léma: Munu lé ’bɛnu wolé fɛnu si, wo dan ’bɛnu zé si lɛ, munu lé ’bɛnu ’wii wo ta, wo dan ’wii lɛ ’bɛnu ta.

Amɔs 3:10

Gakelebale léma: Wo ’ka wedrɔle kɛlɛle gi dɔɔa lo; fɛnu lé wa si gla valé ta plɛplɛ nya, woo wo tééan ’wolé fuakɔnnu gi.

Abudias 1:15

Naa, Gakelebale lé yi bɔ é pu, bɛnnu faa zé nya. I we kɛlɛ fɛan zo, a zo duo lé wo dan izé kɛlɛ lɛ. I kɛlɛwenu é dan dia lɛ i ta;

Abaku 2:10

Migɔnɔ kiɛre kulu gale ma lé ilé kɔn kɛlɛ serelebomafɛ nya, yé biibozen lɛ lé i wenyané ’ko kɛlɛ.

Abaku 2:17

Naa, glawenu lé bé kɛlɛ Liban tɛrɛ lɛ, wo dan nɔla lɛ i ta, yé winu kulu gale é dan di kini lɛ i gi; naa, i munu nyɛ zana, yé i glawe kɛlɛ tɛrɛ ’ko la, fla valé é tamunu ma, azama.

Zakari 1:15

yé an bli flile nwa blɛn boblɛn bɛnnu ma; an bli a flina sɛ anlé munu ma, yé wozé kɛlɛ naané ’bɛ mini anzé ta.

Zakari 14:12

Munu faa lé wo dan guli dan lɛ Jérusalɛm va, bawurumagyɛ lé Gakelebale é dan a vɔ lɛ wo ma, yee lé ke ’ko: Wo wi é dan vɔn lɛ, ’té wa tan é yuɛma, wo yuɛnu é dan vɔn lɛ é koro gi; wo nɛnɛ é dan vɔn lɛ wo ’léé.

Wegɔɔnle 6:10

Wo siaa dére plɛplɛ nya yé wo léé: Mizan bozen sauun, i a mɔnna; bléyi kyɛn nya lé i dan munu lé we ble lɛ yé i ko nyɛ lɛgi pa tɛrɛlamunu maa?