Abaku 2:6 - Kazambale lé Sebe Sauunu 1979

⁶ Munu faa ’ka dan alé we fe lɛ gi la loo? É ’ka dan kɛlɛ lɛ yérisiéamazan valé wegɔnévɔmazan nya loo? Wo dan a fe lɛ léé: Mi lé éé mi bɛ lé fɛ zun dɔa é va bɛ, we tɔntɔn ’é bɔ ’bɛzan ma ma. ’Bɛ é dan nyaa lɛ bléyi kyɛn vaa? Mi lé éé vɛɛn taa sié yé a gi vɛɛn bo é bɔ bɛ, we tɔntɔn ’é bɔ ’bɛzan ma ma.

Abaku 2:6 ပူးပေါင်းရင်းမြစ်များ

Lɛrɛvɔ Sɛbɛ 94:3

Oo Gakelebale, guliwuo é dan vo lɛ mi nyanénu lɛɛ? Guliwuo é dan vo lɛ mi nyanénu lɛ yifaamaa?

Wegɔnévɔlenu 22:16

Mi lé éé nyané paan nyanégyɛzan ta ébo lé fua taa yele we gi, é valé mi lé éé blɛ kɛla fuablezannu lɛ, lɔrɔ saa ɛ dan a gyɛ lɛ.

Ézai 10:13

Naa, é léé: An bɛ plɛplɛ nya lé an we kɛlɛ; anlé wedɔɔle nya lé maa a kɛlɛ, naa, maa a ’wuoatazan nya. Maa munu nyanana tɛrɛ fɔnɔ, yé maa wolé fɛwezannu si gla nya, maa minwiinzannu si wolé webleblinnu ta gla nya bélé nyanazan zo;

Ézai 44:20

É a bélé kyɛyee lé é a ble; a saanbli a saan; é ’ka bɔa ébo sile lɛ we gi lo, yé é ’ka bɔa a fele lɛ léé, viéfɛan ke an lee ’ko loo? lo.

Ézai 5:8

Munu lé woo voo kɔn dɔna saawo, ’té woo féinu lɔa fɔɔ yé mi nyanana ’ka kɛla é dɛrɛ lo, yé woo nyanaan wo saa tɛrɛ méléna, we tɔntɔn ’é bɔ wo ma ma.

Ézai 55:2

Mɛmalé ka gɔɔli sɛra fɛ lé é ’ka fɛblele nya lo, a maa? Mɛmalé ka nyanama paan fɛ lé é ’ka ka kaan lo, a maa? Amalé ’ka tɔné dɔ an lɛ yé ka dan fɛ zin ble lɛ, Yé fɛ lé a néné éé mi ’léli selean é ’léé, i gi é dan nana lɛ a blele ma.

Jérémi 17:11

Doo éé buaan nyɛné lé é ’ka a vɔ lɛ lo, a ta fɛan zo bɛ, A zo duo lé mi lé éé fua blé dabli nya, a zo lé alé we ke. Alé tɛrɛla é dan bɔi lɛ a ta yé é si wo zi, Yé é kɛlɛ ’tugyɛzan nya é voéla.

Jérémi 29:22

Wo dan bale pa lɛ mi ma wo tɔ nya Judanu faa lé wo ke luu gi Babilɔn, wo va. Wo dan a fe lɛ léé: Fɛan zo lé Babilɔn nwiinzan blɛn Sédésias valé Akab vɔ kyɛ va é yuɛma, Gakelebale ’é izé kɛlɛ a zo ma.

Jérémi 50:13

Gakelebale bli flile we ma, mi ’ka dan kɛlɛ lɛ ana é dɛrɛ lo. É dan kɛlɛ lɛ fɛna pla nya é wo. Munu faa lé wo dan gié lɛ Babilɔn sɔnɔ, wo gi é dan vuru lɛ wo ma, yé wo dan ’furu fɛn lɛ we faa lé é bɔ a ma, a we ma.

Ézékiɛl 32:21

Nyanazan plɛplɛnu é dan we fe lɛ a lɛ gamunu nyanana, yee valé munu lé wo ke a bɔavazannu nya, wo nya. Wo ganedɔlomunu gyɛ gwɔun nya, yé wo go gamunu nyanana yé wo yia.

Misé 2:4

’Bɛ yi la, wo dan kalé we fe lɛ gi la; wo dan ka tɔ vɔ lɛ wu lɛrɛ nya, yé wo dan a fe lɛ léé, ko sɛrɛ tata. Wo kolé munu zé nɔ mi bɛnu lɛ. Yiba, wa si an lee. É kolé féinu guli ko nyanézannu ma.

Abaku 1:15

Wo nyanézan éé wo faa gya kɔ nya; éé wo ganaan élé séli nya. Éé wo zén‐é ékeva élé duɛ gi, ’té a gi éé nanaan, ’té a gi a drɔɔ.

Abaku 2:12

Mi lé éé fla paan mi nyɛ zanale nya, ’té éé fla yuɛ vɔa weple nya bɛ, we tɔntɔn ’é bɔ ’bɛzan ma ma.

Abaku 2:13

Bé ye, dé é a lai sunyanu lé Gakelebale bligiwe nya, ’té migɔnɔnu a nyanama pana kyɛ zé nya, ’té bɛngɔnɔnu a ’wo wɔlɛgi nyaana é pla.

Mi Nɔnɔle 23:18

Balaam élé balelawe fe, yé é léé: Balak, ’i nwa, ’i tɔné dɔ. Sipɔɔ be, ’i an ban i tɔné nya.

Mi Nɔnɔle 23:7

Balaam ’élé balelawe fe yé é léé: Balak a kɛlɛ léé, an si Aram tɛrɛ la, Moab nwiinzan blɛn a kɛlɛ léé, an si yirinwanazia gɔnu nwiin; É léé: ’I da, ’i bale pa an lɛ Jakɔb ma. ’I da, ’i bli fli Izraɛlnu ma.

WENÉNÉ LÉ LUK A GYE (Évangile selon Luc) 12:20

Naa, Kazambale lé a lɛ léé: ’Tugyɛzan, kyɔ é béli ’ko, maa dan i laa lɛ; yé fɛnu lé i wo tadɔ bɛ, wo dan kɛlɛ lɛ de ɛ zé nyaa?

1 Piɛri 4:7

Fɛnu faa bɔ nyaana. ’Ka kɛlɛ ’wuoatazannu nya yé ’kabo kun, yé ’ka bazoro.