Abaku 2:5 - Kazambale lé Sebe Sauunu 1979

⁵ Boblɛnzan ’ka nyanaan flee lo; é a bélé mi lé nwɛ a gyɛ, ’té éé dére blɛnblɛnnu fé, a zo. Éé ’léé siélaan bélé mivun lɛ sole zo. É a bélé gale zo, é ’ka kaan pelo. Éé bɛngɔnɔnu faa ganaan ’é va, éé migɔnɔ faa zén‐é ékeva é punma.

Abaku 2:5 ပူးပေါင်းရင်းမြစ်များ

2 Minwiinzannu 14:10

I Édom munu kele aan wo bɛ, amalé i ibo kɛlɛ blɛn ibo zevɔle nyaa? Sin, i gi ’é nana i tɔ gi yé ’i vo i va. Boawe lé é dan bii valé Juda munu sɛrɛ lɛ ’naan, mɛmalé i kun ’bɛ kɛlɛle maa?

Lɛrɛvɔ Sɛbɛ 138:6

Gakelebale a loru, ’té éé bokiénémunu yé, Naa, éé boblɛnzannu ma kunna yé, ’té wa baa.

Wegɔnévɔlenu 20:1

Nwɛ a wenanazan nya yé dɔrɔ éé mi bɔ gya; dé miomian wo mini é baba é ’ka we dɔɔa lo.

Wegɔnévɔlenu 21:24

Boblɛnzan valé mi gini é yuɛzuozan, wa laama mi ma we nanazan; éé we kɛla élé boblɛn lé é siale ana nya.

Wegɔnévɔlenu 27:20

Gamunu nyanana valé guru ’ka faan lo, a zo duo lé mi yuɛ ’ka kaan yɛrɛ yele nya lo.

Bale Lé We Gifezan 5:10

Dé mi lé zin a kiɛre, ’té a blemunu a kiɛre; dé é ’ka a yuɛ dɔle a ma nya lo ’naan, mɛ tɔnɔ bɛ lé azan a yé a maa?

Ézai 14:6

Mi lé éé munu blaan é wɛwɛ nya, ’té é ’ka daan fɛ duunle ma wo lɛ lo, mi lé é bɛnnu pla é wuo élé bliflile nya, sin, wa zuo binna, ’té wo nyanai ’ka zén a ta lo.

Ézai 16:6

Ko Moab munu lé boblɛn dɔɔ, boblɛn lé é mini a lɛ, yee lé; abo bɔle koo, abo nwale koo, alé mi naginile é yuɛ zuo koo, alé boadérenu koo, ko wo dɔɔ.

Ézai 2:17

Boblɛnzan é dan kɛlɛ lɛ kiéné yé mi gini é yuɛzuozan ta é dan zana lɛ. ’Bɛ yi la Gakelebale do kpen ɛ dan kɛlɛ lɛ blɛn.

Ézai 21:5

Wo fɛ dɔra, mitabin sunyanu a é dɔle, wa fɛ blena, ’té woo fɛ minian. Sunyanu nwiinzannu, ’ka nwa, ’ka nyɔnɔ gié ka botakuunfɛnu ma.

Ézai 5:14

Bɛwemalé gamunu nyanana é dan é lɛ so lɛ, ’té éé ’léé blé; yé Siɔn lé we blɛnblɛnnu valé alé fuafɛnu koo, mi gu lé wo vun ke wena, ’té wo gi éé nanaan, wo koo, wo dan zun lɛ a gi.

Ézai 5:8

Munu lé woo voo kɔn dɔna saawo, ’té woo féinu lɔa fɔɔ yé mi nyanana ’ka kɛla é dɛrɛ lo, yé woo nyanaan wo saa tɛrɛ méléna, we tɔntɔn ’é bɔ wo ma ma.

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 50:29

’Ka savulizannu faa laa, léé, ’wo nwa Babilɔn ma, wo lé wo savulile dɔɔ, wo lé. ’Ka diri a zi, té mi do é so a ta lo. ’Ka a lɛgi pa a kɛlɛwenu yɛrama. ’Ka kɛlɛ a lɛ fɛan zo lé é a kɛlɛ, a zo ’té. Naa, é nwa boblɛn nya Gakelebale ma, Izraɛl lé Mi Sauun ma,

Jérémi 51:39

Dé nwɛ gié wo yuɛ ma, maa dan nwɛ taa nɔ lɛ wo lɛ, yé maa wo gyɛ a nya wobo nɔle ginanale lɛ we ma. ’Bɛ zuo yé wo dan yi gyɛ lɛ fɔɔ ’bɛ glɛ ’ka dɔa lo, yé wo ’ka vuoan é dɛrɛ lo. Maa Gakelebale ɛ ke a fena.

Abaku 1:15

Wo nyanézan éé wo faa gya kɔ nya; éé wo ganaan élé séli nya. Éé wo zén‐é ékeva élé duɛ gi, ’té a gi éé nanaan, ’té a gi a drɔɔ.

Abaku 1:17

Bɛwemalé é dan élé séli vo lɛ é koro nyaa? ’Té éé bɛngɔnɔnu bɔrɔ boo yifaama, ’té a nyanai ’ka zén‐é wo ta loo?

Abaku 2:4

Bé ye, é blii boblɛn nya; a bli ’ka tegele lo. Naa, mi tegele éé voo é yuɛma élé blipale ma.

1 Tɛsalɔnik munu 4:11

yé ka bli ’é bɔ we ’konu ma ma: ’ka vo drɔɔ, ’ka yara pa kabozen lé we ɛ ta, ’ka nyanama pa kabo bɛ nya, ko fe ka lɛ fɛan zo é kyɛn bɛ, a zo.

SEBE LÉ JAK A GYE (Épitre de Jacques) 4:6

Naa, Kazambale éé zin taa kɛla kaa lɛ, bɛwemalé Kazambale lé sɛbɛ léé: Kazambale éé dɔa boblɛnmunu ma plɛplɛ; Naa, éé zin kɛla bokiénémunu lɛ.