Abaku 2:4 - Kazambale lé Sebe Sauunu 1979

⁴ Bé ye, é blii boblɛn nya; a bli ’ka tegele lo. Naa, mi tegele éé voo é yuɛma élé blipale ma.

Abaku 2:4 ပူးပေါင်းရင်းမြစ်များ

Lɛrɛvɔ Sɛbɛ 49:18

Naa, dé é ga, é ’ka dan go lɛ fɛ do kpen nya é lee lo, Alé fɛwezannu ’ka dan go lɛ a zuo lo.

Ézai 13:11

Maa dan we lɛdɔ lɛ tɛrɛlamunu gi, an blifliwe lé wa kɛlɛ, a we ma. Maa dan we lɛdɔ lɛ mi naanénu gi wolé weple lé we ma. Maa dan boblɛnzannu lé boblɛn nyaa lɛ; maa dan yaamitazannu lé mi naginile wo yuɛ zuo lé we nyaa lɛ.

Ézékiɛl 18:9

’té éé tawoo anlé bélidɔwenu valé an déretawenu ta yarapalale nya, ’bɛzan a tegele, é dan vo lɛ é yuɛma; yee lé Mizan Gakelebale a fe.

Daniɛl 11:12

Mi gu blɛn ’ko a boblɛnzannu nya, yé wo nwiinzan blɛn é dan blii lɛ boblɛn nya. É dan mi wuru é wuru gyɛ lɛ, naa, guliwuo ’ka dan vo lɛ a lɛ lo.

Daniɛl 4:30

minwiinzan blɛn we fe yé é léé: Babilɔn blɛn lé maa a pa yé maa anlé fuakɔn dɔ ana anlé gla valé anlé plɛplɛ nya, anlé fua zevɔle we ma, yeean ke ’ko loo?

Daniɛl 4:37

Yé sin, maa Nébukanɛsaa, an lanu Nwiinzan blɛn tɔ zin fé, maa a tɔ biéan, maa a tɔ nwaan. A panyanamanu faa a webozen nya, yé alé wekɛlɛbɛ faa a tegele. Yé munu lé woo tawoo boblɛn nya, éé wo zunwo.

WENÉNÉ LÉ LUK A GYE (Évangile selon Luc) 18:14

Maa lé ka lɛ léé, mi ’ko go élé kɔn ’léé mi tegele nya, é mini é bɔluzan ta. Naa, dé mian ébo nwaan blɛn wo dan a tua lɛ, yé mi lé ébo tuaan wo dan a nwa lɛ blɛn.

WENÉNÉ LE JAN A GYE (Évangile selon Jean) 3:36

Mi lé éé bli voo Be lɛ, é dan vo lɛ é yuɛma lɛɛfaama, ’bɛ glɛ ’ka lo, naa, mi lé éé Be lɛgaanma, é ’ka dan vo lɛ é yuɛma lo, naa, Kazambale bli é dan vo lɛ flina a ma. A zo lé Jan a fe wo lɛ.

Rom munu 1:17

Kazambale éé mi kɛla tegele fɛan zo, a na a é gɔɔnle Wenéné ’ko nya, kɛlɛle tegele lé mi a yé blipale ma, ’té éé blipale no munu lɛ bɛ, yee lé, fɛan zo lé é a é gyɛle sɛbɛ gi, a zo, léé: Mi lé é kɛlɛ tegele blipale ma, é dan béli lɛ.

Galasi munu 2:16

Naa, ko a gi dɔɔ léé, mi do kpen ’ka kɛla tegele bélidɔwe kɛlɛle nya lo. Bli vole Jézu Krist lɛ nya lé mi éé kɛla tegele. Ko é ziin, ko bli kɛlɛ Jézu Krist lɛ ko kɛlɛle tegele bli vole Jézu Krist lɛ we ma. Ko ’ka ko kɛlɛle tegele naginian bélidɔwe va lo. Mi do kpen ’ka dan kɛlɛ lɛ tegele bélidɔwe kɛlɛle nya lo, azama.

2 Tɛsalɔnik munu 2:4

É a mi nyanézan nya. É léé, fɛ faa lé wa laama Bale, é valé fɛ faa lé munu a bɔa, ’é a wo nwiin, fɔɔ yé é nyana Balebangikɔn gi, ’té é ébozen laama Bale.

Ébrunu 10:38

Yé anlé mi tegele é dan béli lɛ blipale ma, naa, dé é diéra, an gi ’ka dan nana lɛ alé we ma lo.

1 Piɛri 5:5

É ziin, ’kaa mi boronénu, ’ka pla mi segelenu wuo. Yé ’kaa faa, ’ka ka ke kun é zima we faa gi, bo kɛlɛle kiéné nya, naa, Kazambale éé dɔa boblɛnmunu ma, Yé éé zin kɛla bokiénémunu lɛ.