Abaku 2:3 - Kazambale lé Sebe Sauunu 1979

³ Naa, é a balelawe lé a lɛsɔɔbléyi ke é dɔle é kyɛn, a nya; é a bɔna a ’wuoplana sɔnɔ, yé é ’ka dan vié wo lɛ lo. Dé é a mɔnna, bé tabɛn, naa, a lɛ é dan sɔɔ lɛ weboen nya.

Abaku 2:3 ပူးပေါင်းရင်းမြစ်များ

2 Minwiinzannu 6:33

É a tan we fena wo lɛ tɔɔn, nwunvɔzan da a vazia, yé é léé: Bé ye, we tɔntɔn ’ko si Gakelebale va; mɛmalé an bli vo Gakelebale lɛ é dɛrɛɛ?

Lɛrɛvɔ Sɛbɛ 102:13

Naa, bii Gakelebale, ilé plale mi nwiin glɛ ’ka lo, Yé i tɔ sele a mi kulu faa gi.

Lɛrɛvɔ Sɛbɛ 27:14

’I bli vo Gakelebale lɛ. ’I dɔ gligli, yé ’i bli ta dɔ plɛplɛ ma. ’I bli vo Gakelebale lɛ.

Fwile 12:41

Lɛɛ wuru fié yɔ do wɔlɛ vu lɛ sɔɔ aan wo, a lɛsɔɔyi nya ’té lé, Gakelebale munu si Éjipiti tɛrɛ la bélé sunyanu palunu zo;

Ézai 30:18

Duowo, Gakelebale a a va léé, é zin kɛlɛ ka lɛ, yé é dan nwa lɛ nyanai zénle ka ta we gi. Naa, Gakelebale a Bale lé éé we tegele kɛla, a nya. Munu faa lé wo bli ke a lɛ, wo gi a é nanale.

Ézai 7:4

Bé fe a lɛ léma: ’I dɔ flee, té i kana we do kpen lee lo. Té nyɛ é ’wii i zuru va kyɛ pééné fié lé wo goi éé bɔa é pla, wo lee lo; ’bɛ gi léé, Rɛsɛn koo, Sirinu koo, Rémalia be koo, té nyɛ é ’wii i zuru va ’bɛnu lee lo.

Ézai 8:17

Gakelebale lé éé yara yɔɔan Jakɔb lé munu ma, an bli a yee ɛ lɛ; an pale a yee ɛ ta.

Jérémi 27:7

Bɛnnu faa é dan pla lɛ a wuo, yee koo, a be koo, a néné koo, wo dan pla lɛ wo wuo fɔɔ yé wozé bléyi é nyaa, ’bɛ zuo yee Babilɔn tɛrɛ é dan pla lɛ bɛn plɛplɛ bɛnu valé minwiinzan blɛn bɛnu wuo.

Ézékiɛl 12:25

Naa, maa Gakelebale, maa dan we fe lɛ yé we lé maa dan a fe lɛ, a lɛ é dan sɔɔ lɛ. Ana ’ka dan mɔn lɛ é dɛrɛ lo; iin, tɔnégiplɛplɛzannu, kazé yinu nya maa dan dére do fe lɛ yé maa dan a lɛ sɔɔ lɛ. Yee lé Mizan Gakelebale a fe.

Ézékiɛl 30:9

Étiopi munu a wobo ma duaa bléyian va, an dan munu nwunvɔ lɛ wo va, kana vɔle wo gi we ma, yé di é dan kini lɛ wo gi Éjipiti zé bléyi va. Naa, bé ye, we ’konu bɔ é pu.

Daniɛl 10:14

Wean é dan bɔ lɛ ilé munu ma é voéla, an dan a zuo fe lɛ i lɛ sin, naa, yuɛziwe ’ko a ’bɛ bléyi zé nya.

Daniɛl 11:27

Minwiinzan blɛn fié ’ko wo dan wo ’wuoi bɔrɔ lɛ wenaané kɛlɛle ma, yé wo dan viéwo lɛ wo ke lɛ fɛble pala do zi. Naa, ’bɛ nyian ’ka dan wo lɛ wo lɛ lo. Naa, a nyaabléyi lé Bale a dɔ, é ’ka dan nyaa lɛ ’bɛ bléyi ’lɛ lo.

Daniɛl 11:35

Wedɔɔmunu va mi kenu é dan dia lɛ léé, wo kɛlɛ wéiin, wo kɛlɛ sauun, yé wo gi é bɔ fɔɔ yé bléyi voélazan é bɔ, naa, é ’ka dan bɔ lɛ lo, fɔɔ bléyi lé Bale a dɔ, ’té é bɔ é wo.

Daniɛl 8:17

É da an va, fɛana lé an ke é é dɔle, ana. Dé é bié, di blɛn kini an gi yé an dia an bli la. Yé é lé an lɛ léé: Blami be, ’i we ’ko ’ma ma; naa, yuɛziwe ’ko a bléyi voéla we nya.

Daniɛl 8:19

’Bɛ zuo é lé an lɛ léé: We lé é dan bɔ lɛ bléyi voélazan lé ke bliflibléyi nya, a nya, maa dan a paa lɛ i gi. Naa, wo bléyi do dɔ bléyi voélazan nya.

Daniɛl 9:24

Wo flɛyi yɔ yaa wɔlɛ vu dɔ ilé munu valé ilé fla plɛplɛ lɛ; ’bɛ nyaale nya ’té wolé weple kɛlɛle valé wolé wenyané kɛlɛle nyaa; yé Bale é wolé weple ’yibofɛ nɔ, yé webozen lé éé voo ana lɛɛfaama a glɛ ’ka lo yé é da, yé yuɛziwe valé balelawefele lɛ é sɔɔ, yé wo nyɔnɔ zén mi sauunnu va Mi Sauun ta.

Misé 7:7

Dé é a anzé nya, an dan an yuɛ vo lɛ Gakelebale lɛ, yé maa dan pa lɛ an siéwegizan Bale ta. Anlé Bale é dan an dére ’ma lɛ.

Sofoni 3:8

Gakelebale léma: Yian nya lé maa dan nwa lɛ gulizarafɛ sile we ma bɛ, ’ka an lɛbɛn ’bɛ yi nya. Naa, é dɔ an gi léé, maa bɛngɔnɔnu zén ékeva, yé tɛrɛnu lé munu ke é plale wo nwiin, maa dan wo zén lɛ ékeva, an wɛwɛ dɔle wo ma we gi, an bli flile baba wo ma we gi. Naa, maa dan tɛrɛ faa kyɛ ble lɛ anlé maawole nya.

Mi Nɔnɔle 23:19

Bale ’ka mi nya yé é vié wo lo. É ’ka blami be nya yé a bli éé nɔlaan lo. É wean fe ’naan, é ’ka dan a kɛlɛ lɛ loo? É wean lɛ kini ’naan, é ’ka dan a lɛ sɔɔ lɛ loo?

WENÉNÉ LÉ LUK A GYE (Évangile selon Luc) 2:25

Yé bé ye, mi do a Jérusalɛm wa laama Siméɔn. Mi ’ko a mi tegele valé Bale bɔzan nya, yé é a Izraɛl tɔrɔpaazan lɛbɛnna, yé Léli Sauun a a ta.

Kelewenu 1:7

É a zi pa wo lɛ léé: Yinu valé bléyinu lé an Ti wo dɔ é boan, kalé we ’ka ’bɛ nya lo.

Kelewenu 17:26

Bale a kɛlɛ léé, munu faa pun sina ’é kɛlɛ do, yé ’wo nyana tɛrɛ la fɛfaana. Yé é wo lɛɛnu glɛ dɔ, yé é munu nyanana glɛnu dɔ.

Galasi munu 4:2

é a wepaamigizannu valé weyuɛgibomunu wuo fɔɔ bléyi lé a ti a dɔ, yé ’é bɔ.

2 Piɛri 2:3

Wo bli bɔle gɔɔli ma lé we ma lé wo dan fɛ si lɛ ka lee dabli dérenu nya; kleblele lé wa lɛ kini wo lɛ é kyɛn, alé kyɛ a bɔn?-?bɔn gyɛna wo tɔ ma, yé misanlenu gona a wo lɛbɛnna bli pɛpɛ nya.

2 Piɛri 3:9

Blivolɛdére lé Mizambale a fe léé, é dan a kɛlɛ lɛ, é ’ka mɔn‐o a kɛlɛle lɛsɔɔle nya bélé fɛan zo lé é dɔ mi kenu gi, a zo lo, naa, a bli a tiéé ka ma yé é ’ka sɔ lɛ a lɛ léé, mi do kpen é zamaga wo lo, naa, é sɔ a lɛ léé, munu faa ’wo bli nɔla.