Abaku 2:18 - Kazambale lé Sebe Sauunu 1979

¹⁸ Miyili nyaale tɔnɔ a mɛ fɛ nya yé nyanamapazan a nyaan? Yé fɛfoto selele lé éé viéwe paan mi gi, ’bɛ é mɛ we nyian wo mi ma, yé nyanamapazan lé é a sele bɛ, yé éé paan a taa? dɔlé ’té é a bobogyɛ miyilinu ɛ kɛlɛna bɛ.

Abaku 2:18 ပူးပေါင်းရင်းမြစ်များ

Lɛrɛvɔ Sɛbɛ 97:7

Munu faa lé woo miyilinu bɔa, ’Té woo miyilinu tɔ bɔa, yara wo gyɛ. Balenu faa éé diaan a ’lɛ.

Ézai 1:31

Mi plɛplɛ é dan kɛlɛ lɛ bélé ’sapɛɛ zo, yé alé nyanama é dan kɛlɛ lɛ bélé kyɛ flɛnné zo. Wo fiénu kyɛ é dan ble lɛ ékeva yé a dirizan ’ka dan kɛlɛ lɛ ana lo.

Ézai 37:38

Naa, bléyian va lé é ke é yiale é bli la élé bale Nisrɔk lé kɔn gi, a benu Adramélɛk valé Sarɛsɛ a gyɛ gwɔun nya yé wo vɔ fli gi Ararat tɛrɛ la. Yé a be Ézaa‐Adɔn pla munu nwiin a pa gi.

Ézai 40:19

Nyanamapazan ɛ miyili kɛla, Yé gɔɔlifu folizan éé kyan giéan a ma, Yé é a nyɔɔ gya gɔɔlifu gɔgɔbale kénénénu nya.

Ézai 41:26

De ɛ ’bɛ fe é vinin yé ko a gi dɔɔ? De ɛ ’bɛ fe ana mɔn yé ko fé léé, weboen léé? Ka do kpen ’ka a fe lɛ lo, ka do kpen ’ka a lɛ kini lɛ ko lɛ lo, Mi do kpen ’ka ka dére ’ma lɛ lo.

Ézai 42:17

Wo dan gyɛ lɛ ’wo zuo, yaragyɛwe é dan bɔ lɛ wo ma, Munu lé woo paan miyilinu ta, Munu lé wa fé miyili selelenu lɛ léé, ka a kolé bale nya, woo lé.

Ézai 44:12

Folibozan éé foliɛwɔlɛ sié yé éé a vɔa kyɛ va. Éé a gya maato nya, ’té éé a folima é bɛ plɛplɛ nya; dé lɔrɔ kun a ma tɔɔn, ’té plɛplɛ ’ka a lee lo; dé é ’ka ’yi minina lo tɔɔn, ’té a wɔlɛgi do kpen ’ka a ma lo.

Ézai 45:16

Yaragyɛwe é dan bɔ lɛ miyilinyaazannu ma, Yé yara é dan wo gyɛ lɛ, ’Té woo goo yowuli yowuli.

Ézai 45:20

Ka lé ka so bɛnnu lee, ’Ka zén ékeva yé ’ka da, ’Ka bié ékeva. Munu lé woo ’wolé miyili kɔné sié Yé bale lé é ’ka bɔa wo sile lɛ we gi lo, ’té wa tɔ laan bɛ, ’Wuo ’ka wo ta lo.

Jérémi 10:8

Wo faa a ékeva tanyilazannu valé tavozannu nya; Wolé wedɔɔle a boawe nya, wa yili nya é pla.

Jérémi 16:19

Gakelebale, anlé plɛplɛ, an tɛngizan, bii a an yɔɔna nya klebleyi nya. Bɛnnu é dan si lɛ tɛrɛ glɛ sina yé wo da i va, yé wo dan a fe lɛ léé: Viéfɛnu saa lé ko tranu a ye tɔnɔfɛ nya, yee valé miyili boanu lé wo tɔnɔ ’ka lo, wo nya.

Jérémi 2:8

Balebanmunu ’ka maa Gakelebale ta laan boenwo lo. Munu lé woo bélidɔwe paan munu gi, wo ’ka an dɔɔ lɛ lo. Bale lé munu tabinzannu ’ka kɛlɛ lɛ yarapawelamunu nya an ’lɛ lo. Balelayezannu balelawe fe Baal tɔ gi, Yé fɛnu lé wo ’ka bɔa mi va lo, wo go ’bɛnu zuo.

Jérémi 50:2

’Ka a zuo fe bɛnnu méléna, ’ka a zana dɔɔ wo lɛ, ’ka drapo do nwa loru; ’Ka zana dɔɔ wo lɛ, té ka gɔ do kpen yɔɔ wo ma lo. ’Ka fe léma: Wo Babilɔn si, wolé bale Bɛl fuu si é ta. Wo wolé bale Mérodak sɛrɛ. Wolé miyilinu ’lɛ ’ka é dɛrɛ lo, wolé miyilinu yéli.

Jérémi 51:17

Munu faa éé kɛla tavozannu nya alé wedɔɔle lee, Yara éé folibomunu faa gya wolé miyili nyaale we ma; Naa, miyili ’konu a vié nya, azama, Flinfu do kpen ’ka wo gi lo.

Daniɛl 5:23

I nwa lanu Nwiinzan ma. Wo da alé kɔn gi kananu nya i lɛ, yé ka wo si dɔrɔminikananu nya, yé bii koo, ilé mi blɛnnu koo, i nanu valé i bwɛnu koo, ka dɔrɔ mini wo gi; balenu lé wo wo kɛlɛ gɔɔlifu koo, kyan koo, foliɛwɔlɛ koo, yili koo, gɔlɛ koo, wo nya, ’té wo ’ka yɛrɛ yé lo, yé wo ’ka we maan lo, yé ’té wo ’ka we do dɔɔa lo bɛ, wo lé i vo wo tɔ zin fena, yé Bale lé ilé flinle valé ilé tawobɛ faa ke a lee, i ’ka ’bɛ tɔ nwa lɛ lo.

Amɔs 2:4

Gakelebale léma: Juda munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo. Wo serele bo Gakelebale lé bélidɔwe ma, yé wo ’ka a sɔnnénu pa lɛ lo, yé viémiyilinu lé wo tranu tawo wo zuo, ’bɛnu wo saan, ’bɛzama.

Jonas 2:8

Bléyian va lé anboen fuu si é ta, Gakelebale sele dɔ an gi, Yé anlé bazoro dére go fɔɔ i va, Ilé kɔn sauun gi.

Zakari 10:2

Naa, térafimnu dére a é pla, ’monédɔmunu éé tɛlɛ tɛlama we fé vié nya; nyɛ ginu a vié nya, yé woo mi tɔrɔ paan boawenu nya. Amalé munu a wona bwi gi bélé trubɛ palu zo. Wo pazan ’ka lo, amalé wa wenaané bɔmazannu nya.

Rom munu 6:21

’Bɛ bléyi va mɛ tɔnɔ ɛ ke ka maa? Tɔnɔ lé é ka gya yara nya sin, yee lé. Naa, we ’konu ’wuo éé plaan ga nya.

1 Korent munu 12:2

Ka a gi dɔɔ léé, dé ka a yobanmunu nya, ka nyi si léé, wo go ka nya bobogyɛ miyilinu zuo; dé wo go fɛofɛana wo go ka nya ’bɛna.

Wegɔɔnle 19:20

Wo wi kun, ’é valé viébalelayezan lé é we blɛnblɛnnu kɛlɛ wi yuɛ va, yé munu lé wo wi lé tɔmase si yé wo dia ’wo bli la a yili ’lɛ, ’té éé wo saan élé we blɛnblɛn kɛlɛle nya bɛ, wo ’bɛ kun, yé kyɛ lé ke blɛn bélé gyankyɛ zo, ’té wo povun zén a va, wo wo fiénu vuli a va, ’té wa é yuɛma.

Weblezannu 17:4

É gɔɔli nɔ é bu lɛ. A bu gɔɔlifu si sikla wuru do. É gɔɔlifu nɔ gɔɔlifufolizan lɛ, yé ’bɛ miyili do nyaa yé é miyili do foli. Yé wo wo dɔ Mika lé kɔn gi.

1 Samuɛl 12:21

té ka diéra lo; dé ’bɛ kaan lo ka dan go lɛ boafɛnu zuo, ’té wo tɔnɔ ’ka lo yé wo ’ka ka sié we gi lo; wa boafɛnu nya, azama.