Abaku 2:16 - Kazambale lé Sebe Sauunu 1979

¹⁶ Yara lé i gyɛle é dan mini lɛ i tɔbɔle ta; bii é ziin, ’bé mini, yé ’ibo poro. ’Yiminikana lé é ke Gakelebale bɛyi lee bɛ, a minile é dan bɔ lɛ i ta, yé yaragyɛwe é dan ilé tɔbɔwe gi tiri dɔ lɛ.

Abaku 2:16 ပူးပေါင်းရင်းမြစ်များ

Lɛrɛvɔ Sɛbɛ 75:8

Naa, ’bɛ éé sié Bale ɛ va; Yee ɛ mi do tuaan, yé yee ɛ mi koɛ nwaan.

Wegɔnévɔlenu 3:35

wedɔɔzannu é dan tɔ ye lɛ wozé nya, naa, yaragyɛwe é dan kɛlɛ lɛ ’tugyɛzannu zé nya.

Ézai 20:4

a zo duo lé Asiri munu nwiinzan é dan go lɛ Éjipiti munu valé Étiopi munu nya luu gi, yé wo kɛlɛ lulazannu nya, yé miboronénu valé mi segelenu wo dan tawo lɛ é porole, ’té sawala ’ka wo gane ma lo, ’té wo péli la a é pla, yé yara é dan Éjipiti munu gyɛ lɛ.

Ézai 47:3

Wo dan i porole ye lɛ, Yé yara é dan i gyɛ lɛ gɔrɔ la. Maa dan anlé we lɛgi pa lɛ munu ma, Maa ’ka dan mi do kpen vo lɛ lo.

Ézai 49:26

Maa dan yaaitazannu bozen wi nɔ lɛ wo lɛ wo blefɛ nya; Wo dan wobo nyɛ mini lɛ yé é dan wo gyɛ lɛ bélé dɔrɔ dɛrɛ zo; Yé mi faa é dan a gi dɔɔ lɛ léé, maa lé ke i siéwegizan Gakelebale nya, Maa a i tabozan nya, Jakɔb lé mi plɛplɛ nya.

Jérémi 25:15

Naa, Gakelebale Izraɛl lé Bale we fe an lɛ yé é léma: Kana lé é ke é fanle anlé bliflile nya bélé dɔrɔ zo, bé si an lee, yé bɛnnu faa lé maa i nwunvɔ wo va, bé nɔ wo lɛ ’wa mini.

Jérémi 25:17

Yé an kana si Gakelebale lee, yé bɛnnu faa lé Gakelebale an nwunvɔ wo va, maa a nɔ wo lɛ yé wa mini.

Jérémi 51:57

A nwiinzannu koo, alé wedɔɔzannu koo, Alé gbɔrɔnamanu koo, alé flazannu valé alé sunyanu koo, Maa dan wo gyɛ lɛ nwɛ nya, Maa dan wo ta pla lɛ yi nya, ’bɛ glɛ ’ka lo, ’té wo ’ka dan vuo lɛ é dɛrɛ lo; A zo lé minwiinzan blɛn lé, wa tɔ laama lai sunyanu lé Gakelebale, é a fe.

Jérémi 51:7

Babilɔn a Gakelebale lee bélé ’yiminigi kyankana zo; éé tɛrɛlamunu faa gya bélé nwɛ lé mi gyɛle zo. Bɛnnu alé dɔrɔ mini, bɛwemalé wo kɛlɛ bélé gwegyɛzannu zo.

Jérémi Lé Wuvɔ Sɛbɛ 4:21

Édom munu, Usi tɛrɛ lamunu, Ka gi ’é nana é bléyi, ka a ka tanyila, Yee we duo é dan bɔ lɛ ka ma, Ka dan kle ble lɛ a gi, yé wo dan ka poro lɛ.

Ézékiɛl 23:33

A gi nwɛ é dan i gyɛ lɛ yé i dan kle ble lɛ; I buru Samari lé ’yiminikana A tɛrɛlalɔrɔ nyaa mi ma kana valé mi sɛrɛ tata kana nya.

OZÉ (Osée) 4:7

Dé woo Balebanzannu go fanle nya ’té wolé wenyané gi éé goo gyɛle nya; maa dan wo tɔbɔle nɔla lɛ yaragyɛwe nya.

OZÉ (Osée) 7:5

Ko nwiinzan lé fɛti kɛlɛyi la gyɛ vɔ mi blɛnblɛnnu ma wolé dɔrɔ kiɛre minile we ma; minwiinzan blɛn gi nana wenanamimazannu nya ékeva.

Abaku 2:10

Migɔnɔ kiɛre kulu gale ma lé ilé kɔn kɛlɛ serelebomafɛ nya, yé biibozen lɛ lé i wenyané ’ko kɛlɛ.

Abaku 2:15

Mi lé éé dɔrɔ no é bɔluzan lɛ, bii lé i dɔrɔ tɔa mi gyɛle dɔrɔ nya we ma, léé, ’é a porole ye, we tɔntɔn ’é bɔ i ma ma.

Filip munu 3:19

Wozé nyaana é dan kɛlɛ lɛ wo sanle nya; wolé Bale lé ke wo bɔn nya, yé we lé é ke yaragyɛwenu nya, a gi lé woo baama; yé tɛrɛlawenu saa ma lé woo bɔn‐in bɔrɔan.

Wegɔɔnle 18:6

’Ka a banwo bélé fɛan zo lé éé mi banwoo, a zo, yé ’ka a nɔ a lɛ gɔnɔ fié a kɛlɛwenu yɛrama. Kana lé, é fɛ zén a gi, ’ka azé zén a gi gɔnɔ fié.