Abaku 1:6 - Kazambale lé Sebe Sauunu 1979

⁶ Ka ye, maa dan Kaldé munu nwa lɛ ka ma; wa bɛn wɛwɛzan valé ’wiié we ta bɛn nya; woo tɛrɛ blɛn kinié, nyanananu lé wo ’ka ’wozé nya lo, ana sile we ma.

Abaku 1:6 ပူးပေါင်းရင်းမြစ်များ

2 Minwiinzannu 24:1

Jojakim bléyi va, Babilɔn nwiinzan Nébukanɛsaa go guli dan lɛ a va. Jojakim pla a wuo lɛɛ yaa; ’bɛ zuo Jojakim nwa a ma é ziin.

2 Minwiinzannu 24:2

Kaldénu lé sunyanu koo, Sirinu lé sunyanu koo, Moab munu lé sunyanu koo, Amɔn munu lé sunyanu koo, Gakelebale wo pa zia Jojakim ma; é wo pa zia Juda ma a sɛrɛle we gi, dére lé Gakelebale a fe é wuozannu balelayezannu lɔlu nya, a yɛrama.

2 Minwiinmunu lé Wezuofe Sɛbɛ 36:17

Yé Gakelebale Kaldé nwiinzan blɛn nwa wo ma yé ’bɛ wolé pɛniɛnu gyɛ gwɔun nya wolé Bale kɔn sauun gi. É ’ka mi do vo lɛ lo, dé é a gɔné boroné nyaoo, dé é a blɛn nyaoo, dé é a gɔné segele nyaoo, dé é a nwanabɔzan nyaoo, é wo faa pa a lee.

2 Minwiinmunu lé Wezuofe Sɛbɛ 36:6

Babilɔn nwiinzan blɛn Nébukanɛsaa nwa a ma, yé é a yere zéné gɔgɔbalenu nya yé é go a nya Babilɔn.

Ézai 23:13

Kalidénu lé wo ’ka bɛn nya é vinin lo, ’té woo nyanaan bwi gi yé Asiri mi wolé fla pa, ka ’ka wo yé loo? Wo kɔn torolenu dɔ, yé wo Tii lé fuakɔnnu zana a gi, yé wo wo kɛlɛ é ’bin nya.

Jérémi 13:20

’I yara nwa, yé munu lé wa sina yirinwana bɛbolazia, ’i wo nagini. Trubɛnu lé wa nɔ i lɛ, ’té wo ke ilé fua tɔbɔ trubɛnu nya bɛ, wa kyɛɛn?

Jérémi 21:4

Izraɛl lé Bale, Gakelebale léma: Ka ye, Babilɔn nwiinzan blɛn valé Kaldé munu lé wo ke kalé fla mabɛnna bɛ, gulidanfɛnu lé ke ka lee, ’té ka guli daan wo va a nya flagɔrɔ zi bɛ, ka dan da lɛ wo nya fla é ziin, yé maa dan wo téé lɛ ékeva fla ’ko méléna.

Jérémi 21:7

Gakelebale léé: ’Bɛ zuo, Juda nwiinzan blɛn Sédésias koo, a wuozannu koo, munu koo, fla ’ko la munu lé wo so bawurumagyɛ valé gwɔun valé lɔrɔ lee, ’bɛnu koo, maa dan wo pa lɛ Babilɔn nwiinzan blɛn Nébukanɛsaa lee; munu lé é sɔ ’bɛnu lɛ léé, ’wo wolé tɛrɛla nyaa, maa dan wo pa lɛ ’bɛnu lee, yé Nébukanɛsaa é dan wo gyɛ lɛ gwɔun nya, é ’ka dan wo vo lɛ lo; é ’ka dan nyanai zén lɛ wo ta lo; é ’ka dan wo ye lɛ mi nya lo.

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 30:5

Gakelebale léma: Ko dikiniémigi siaalenu ’ma, Nyɛ zén migiwe lé; vole drɔɔ we kaan lo.

Jérémi 4:11

’Bɛ bléyi va, wo dan a fe lɛ munu ’ko valé Jérusalɛm munu lɛ léé: Funé éé sié fɛna lorunu na nyéné saa lé fɛna yé éé giéan anlé munu lé zi ’léé. Fu zin kaan lo, fɛwɔlɛ vasi fu kaan lo,

Jérémi 4:6

’Ka drapo do dun Siɔn vazia, ’Ka vɔ fli gi, té ka dɔ lo. Naa, an dan we tɔntɔn valé dunuzénmita we si lɛ Yirinwana bɛbolazia, yé wo da.

Jérémi 4:8

Amalé, ’ka bɔlɔ zén ka ta, ’ka wuvɔ yé ’ka dunnu; Naa, Gakelebale lé bliflile blɛn ’ka dan vuru lɛ ka ma lo.

Jérémi 5:15

Gakelebale léé: Ka lé, ka ke Izraɛl munu nya, maa dan bɛn baa do nwa lɛ ka ma, yé wo dan guli dan lɛ ka va; wa bɛn plɛplɛ nya, bɛn namɔnle nya; bɛn lé ka ’ka wo dére dɔɔa lo, yé ka ’ka dan wo dére gi ’ma lɛ lo, woo lé.

Jérémi 8:10

Amalé maa dan wo nanu nɔ lɛ mi bɛnu lɛ yé maa dan wolé féinu nɔ lɛ munu lé ’bɛnu féinu si wo lee, ’bɛnu lɛ. Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn a wo ma. É sia balelayezan ma fɔɔ yé é bɔ Balebanzan ma, wo faa éé dabli kɛla.

Ézékiɛl 16:40

Wo dan da lɛ mi gu nya i va. Wo dan i gyɛ lɛ gɔlɛ nya yé wo dan i fɔn lɛ gwɔun nya.

Ézékiɛl 21:31

Mizan Gakelebale léma: Wo dan plaminwiin nɔɔn valé tɔkoro si lɛ i ’wuo ma. Wenu ta é dan vɔɔ lɛ. Fɛ lé é ke é zunle, wo dan a nwa lɛ, yé fɛ lé é ke é nwale, wo dan a zun lɛ.

Ézékiɛl 28:7

amalé, maa dan bɛnnu nwa lɛ yé wo bié i ma; munu va glazan boennu lé. Wo dan gwɔun so lɛ é kɔlɛ gi ilé wedɔɔle tɔbɔle ma, yé wo dan i nɔnɔmi tiri dɔ lɛ.

Ézékiɛl 31:12

Bɛwemalé glawe kɛlɛ bɛn baba a bɔi, yé é a vuli; a blannu dia gɔnu valé gɔ woronanu faa na, a bɛnu yéli tɛrɛ ’ko la gɔgurunu faa gi. Tɛrɛlamunu faa fwi a furɔ va, yé wo kan kini a ma.

Joɛl 2:3

Kyɛ lé éé fɛnu blé é a wo ’lɛ, Yé kyɛnɛnɛ lé éé fɛnu waan, ’bɛ a wo zuo; É vinin ’té tɛrɛ a bélé Édɛn zianféi zo, A zuo tɛrɛ la vo yuoyuo, Fɛ do kpen ’ka soo wo lee lo.