Abaku 1:16 - Kazambale lé Sebe Sauunu 1979

¹⁶ Amalé éé saraka boo élé séli lɛ, yé éé lasikɔrɔ kyɛ blé élé duɛnu lɛ. Naa, wolé we ma lé éé fɛ nyɔnɔzan blé, ’té alé fɛ a néné.

Abaku 1:16 ပူးပေါင်းရင်းမြစ်များ

Lɛrɛvɔ Sɛbɛ 22:29

Naa, plale mi nwiin a Gakelebale zé nya; Éé plaan bɛnnu nwiin.

Ézai 37:24

I wuozannu dére nya lé i Mizan sɔnɔ Yé bii léé: Anlé goro kiɛre nya lé Maa gɔnu gié Yé an bɔ Liban gɔnu nwiin; Alé sɛdrɛyili grɔgrɔnu koo, Alé siprɛyili nɔnɔmi koo, maa dan wo vɔ lɛ, An dan bɔ lɛ a gɔ voélazan nwiin, An dan bɔ lɛ alé pɔrɔ wɔlɛ gi;

Jérémi 44:17

Naa, dé ko wean fe, ko kɛla; é sɔ ko lɛ léé, ko lasikɔrɔpo kyɛ ble lagi fuale lɛ yé ko ’yi zana a lɛ, ko valé ko tranu koo, ko nwiinzan blɛnnu valé ko nwiinzannu koo, ko kɛla turu fɛan zo Juda tɛrɛ la flanu valé Jérusalɛm zinu ta, a zo. ’Bɛ bléyi va ko fɛ blé yé ko kaan, ko gi éé nanaan, ’té wenaané do kpen ’ka bɔa ko ma lo.

Jérémi 44:8

Mɛmalé ka an bli fli ka bɛ panyanama nyaa? Ka da nyana lɛ Éjipiti tɛrɛ la yé ka lasikɔrɔpo kyɛ ble ’bɛna bale bɛnu lɛ. Mɛmalé ka kabo bɔra kulu gale lɛ yé wo bale pa ka ma yé wo ka kɛlɛ serele bomazannu nya tɛrɛ la bɛnnu faa mélénaa?

Ézékiɛl 28:3

Bé ye, i we dɔɔ é mini Daniɛl ta, we do kpen ’ka é yɔɔle i lee lo;

Ézékiɛl 29:3

Bé fe wo lɛ léma: Mizan Gakelebale léma: Bii yuéi blɛn lé i yiaan ilé yuunu va yé i léé: Anlé yuu a anzé nya, maa ɛ a kɛlɛ, bii Éjipiti munu nwiinzan blɛn Faraɔn, ko kee i nya kyɔ.

Daniɛl 4:30

minwiinzan blɛn we fe yé é léé: Babilɔn blɛn lé maa a pa yé maa anlé fuakɔn dɔ ana anlé gla valé anlé plɛplɛ nya, anlé fua zevɔle we ma, yeean ke ’ko loo?

Daniɛl 5:23

I nwa lanu Nwiinzan ma. Wo da alé kɔn gi kananu nya i lɛ, yé ka wo si dɔrɔminikananu nya, yé bii koo, ilé mi blɛnnu koo, i nanu valé i bwɛnu koo, ka dɔrɔ mini wo gi; balenu lé wo wo kɛlɛ gɔɔlifu koo, kyan koo, foliɛwɔlɛ koo, yili koo, gɔlɛ koo, wo nya, ’té wo ’ka yɛrɛ yé lo, yé wo ’ka we maan lo, yé ’té wo ’ka we do dɔɔa lo bɛ, wo lé i vo wo tɔ zin fena, yé Bale lé ilé flinle valé ilé tawobɛ faa ke a lee, i ’ka ’bɛ tɔ nwa lɛ lo.

Abaku 1:11

Woo fuu taa éé dɔa wo ta; woo tawoo ’wo ’lɛzia yé wobo kɛla wegyɛzannu nya. Wolé plɛplɛ ɛ ke ’wolé bale nya.

Bélidɔwesɛbɛ Fiézan 8:17

Té ka fe ka bli gi léé, ’wolé plɛplɛ valé ’wo bɛ plɛplɛ ma lé ’wo fua ’ko ble lo.