Abaku 1:12 - Kazambale lé Sebe Sauunu 1979

¹² Gakelebale, anlé Bale sauun, bian i lɛɛ ’ka lɛɛnu va lo loo? Ko ’ka dan ga lɛ lo. Gakelebaleoo, Gakelebale, i bɛn ’ko dɔ i déretawe kɛlɛzannu nya ilé munu ma. Anlé Gɔlɛgɔ, i bɛn ’ko nwa wo kɛlɛle ilé we lɛdɔ migizannu nya we ma.

Abaku 1:12 ပူးပေါင်းရင်းမြစ်များ

Wepélisiananu 21:33

Abraam tamarisi yilinu suru Bɛɛ‐Sééba; yé Gakelebale lé ke lɛɛfaama Bale nya, Abraam a tɔ laa ’bɛna.

2 Minwiinzannu 19:25

I ’ka a gi dɔɔa léé, maa we ’konu ma’lɛrɛ ana mɔn Yé maa wo dɔ an bli gi é kwakwa loo? Sin, an bɔngiwe lɛ sɔɔ Amalé i fla plɛplɛnu guru zana a gi.

Lɛrɛvɔ Sɛbɛ 102:24

É anlé plɛplɛ si an lee zia, É anlé tɛrɛla yi kenu si a ta.

Lɛrɛvɔ Sɛbɛ 118:17

Maa ’ka dan ga lɛ lo, maa dan vo lɛ é yuɛma, Yé an dan Gakelebale panyanamanu zuo fe lɛ.

Lɛrɛvɔ Sɛbɛ 149:2

Izraɛl munu gi ’é nana ’wo kɛlɛzan lé we ma ma. Siɔn munu gi ’é nana ’wo nwiinzan lé we ma fɔɔ té a glɛ é dɔ lo.

Lɛrɛvɔ Sɛbɛ 17:13

Gakelebale, ’i nwa, ka kee wo nya yé ’i wo guru zana a gi. ’I an si mi nyanénu lee ilé gwɔun nya.

Lɛrɛvɔ Sɛbɛ 18:1

Gakelebale wuozan David lɛrɛ ’ko vɔle gɔɔn lɛrɛvɔmunu ’lɛzan lɛ. É lɛrɛ ’ko vɔ Gakelebale lɛ bléyian va lé Gakelebale a si a nyanézannu faa valé Saul lee. É léé:

Lɛrɛvɔ Sɛbɛ 74:12

Bale a an nwiinzan blɛn nya é li é kwakwa, Yee ɛ mi sié we gi tɛrɛ la.

Lɛrɛvɔ Sɛbɛ 90:1

Bale lé mi Moizi lé bazorole lé. Mizan, i a ko vɔzizan nya, Ko kulu é kulunu zé nya.

Lɛrɛvɔ Sɛbɛ 90:2

Gɔblɛnnu bɔrale ’lɛ, ’Té i ’ka tan tɛrɛ valé é tafɛnu kɛlɛ lɛ lo, Lɛɛfaama a glɛ ’ka lo, ’té bii a Bale nya.

Lɛrɛvɔ Sɛbɛ 93:2

Ilé webleblin a é dɔle gligli é kyɛn; I pélisiana ’ka lo, i ana yifaama.

Ézai 31:1

Munu lé woo goo Éjipiti tɛrɛ la, bɔ ’wo vazannu gini lɛ, ’té wo pale a wisoonu ta, ’té wo bli a gulidangoronu kiɛre valé wisootazannu kiɛre lɛ yé wo yuɛ ’ka Izraɛl lé Mi Sauun lɛ lo, yé wo ’ka Gakelebale naginian lo, we tɔntɔn ’é kɛlɛ wo lɛ ma.

Ézai 37:23

Mi kyɛn lé bé sɔnɔ yé i bɔrɔ yéli a maa? Mi kyɛn ta lé i siaan? I yuɛ fuoan plɛplɛ Izraɛl lé Mi Sauun ma.

Ézai 37:26

I ’ka a gi dɔɔa léé, maa we ’konu ma’lɛrɛ ana mɔn Yé maa wo dɔ an bli gi é kwakwa loo? Sin, an bɔngiwe lɛ sɔɔ Amalé i fla plɛplɛnu guru zana a gi.

Ézai 40:28

I ’ka a gi dɔɔa loo? I ’ka a gi ’ma lɛ loo? Bale lé ke ana lɛɛfaama, Gakelebale, Yee ɛ fɛnu faa kɛlɛ fɔɔ tɛrɛ glɛ sina; A wɔlɛi ’ka nyaan a ma lo, yé koi ’ka a gya lo; Wo ’ka a gikinile gi maan lo.

Ézai 43:15

Maa a Gakelebale, kalé Mi Sauun nya, Izraɛl kɛlɛzan, ka nwiinzan blɛn lé maa nya.

Ézai 49:7

Mi lé woo serele boo a ma, ’té munu a yé naaninvɔmafɛ nya, ’Té é ke mi plɛplɛnu lé luu nya bɛ, Mitabozan Gakelebale, Izraɛl lé Mi Sauun lé a lɛ léma: Munu nwiinzannu é dan i ye lɛ yé wo dan dɔ lɛ loru, Mi segelenu é dan i ye lɛ yé wo dan dia lɛ wo bli la i ’lɛ, Gakelebale lé é ke yarapawelazan nya, Izraɛl lé Mi Sauun lé é i si a va, alé we ma.

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Jérémi 30:11

Gakelebale léma: Naa, maa a bii va, i sile we lee we ma; Yé bɛnnu lé maa ka sɔɔla wo va, maa dan wo faa sɛrɛ lɛ tata, Naa, bii, maa ’ka dan i sɛrɛ lɛ tata lo, Maa dan we lɛdɔ lɛ i gi we tegele nya, Maa ’ka bɔa i vole lɛ é pla lo, é a lé maa we lɛdɔ i gi.

Jérémi 4:27

Naa, Gakelebale léma: Tɛrɛ ’ko faa é dan sɛrɛ lɛ; Naa, maa ’ka dan a sɛrɛ lɛ tata lo.

Jérémi 46:28

Gakelebale léma: Bii, an wuozan Jakɔb, té i kana lo, Maa a i va. Bɛnnu faa lé maa ka sɔɔla wo méléna bɛ, maa dan wo kulu ga lɛ, Naa, bii, maa ’ka dan i kulu ga lɛ lo; Maa dan we lɛdɔ lɛ i gi i kɛlɛwe yɛrama, Maa ’ka bɔa i vole lɛ é pla lo, an dan we lɛdɔ lɛ i gi.

Jérémi 5:18

Gakelebale léé: Naa, ’bɛ yinu la, maa ’ka dan ka kulu ga lɛ tata lo.

Jérémi Lé Wuvɔ Sɛbɛ 5:19

Bii Gakelebale, bii a é plale munu nwiin lɛɛfaama; Ilé webleblin a é dɔrale mi kulu é kulu zé nya.

Ézékiɛl 30:25

Maa dan Babilɔn nwiinzan blɛn bɛnu dɔ lɛ plɛplɛ yé Faraɔn bɛnu é dan ga lɛ ’é ma. Dé maa anlé gwɔun pa Babilɔn nwiinzan blɛn lee yé é yara dɔ Éjipiti munu ta, wo dan a gi dɔɔ lɛ léé, maa ɛ ke Gakelebale nya.

Misé 5:2

Bɛwemalé Bale é dan élé munu pa lɛ munu lee, fɔɔ yé lezan lé néyaabléyi ’é bɔ, yé a bwe pɔnénu é da Izraɛlnu va.

Abaku 3:2

Gakelebale, we lé bé fe, maa ’ma, yé kana blɛn zén an gi. Gakelebaleoo, Gakelebale, ’i kɛlɛwenu lɛ sɔɔ lɛɛnu faa gi, ’Bé nagɔɔn lɛɛnu faa gi; Naa, dé i bli a flina, i nyanai zénle sele ’é dɔ i gi ma.

Abaku 3:6

Éé dɔa; yé éé tɛrɛ daan é yuɛ nya, Éé bɛngɔnɔnu naginian, yé wo ma éé nyɔɔn‐an. Gɔnu lé wo lɛɛ ’ka lɛɛ va lo, woo ’wiié, Gɔpanénu lé wo namɔn, wo ta éé zanaan; Vinin la zinu éé plaan a ’lɛ.

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

Malasi 3:6

Naa, maa a Gakelebale nya, an ’ka nɔlaan lo, bɛwemalé, ’kaa Jakɔb lé nénu, maa ’ka ka kulu ga lɛ lo.

Kelewenu 3:14

Ka sɔn vɔ Mi Sauun lé é ke tegele, a ma, yé ka a laa Pilat lee léé, ’é wezin kɛlɛ ’wo lɛ migyɛzan bɔrale nya bokɔn gi ’wo lɛ.

Bélidɔwesɛbɛ Fiézan 32:4

É a bélé gɔlɛ zo; gun ’ka a kɛlɛwenu ma lo, Alé tawobɛ faa a tegele, azama; É a Bale lé éé yara paan we la, ’té weple ’ka a gi lo, a nya. É a tegele, é a é drɔle.

Bélidɔwesɛbɛ Fiézan 33:27

Bale lé a glɛ ’ka lo, é a mi vɔzizan nya, Yé woo yɔɔan a bɛ lé é ’ka nyaan lo, a wuo. É i nyanézan bin i ’lɛ, Yé é léé: ’Bé kulu ga.

1 Timoté 1:17

’Mi lé é ke minwiinzan nya lɛɛfaama, ’té é ’ka gaan lilo, ’té wo ’ka a yé lo, ’té yee do kpen ɛ ke Kazambale nya, ’wa tɔ bɔ yé ’wo fua nɔ a lɛ lɛɛfaama, té a glɛ é dɔ lo. Amɛɛn.

1 Timoté 6:16

’té vole é yuɛma lé a glɛ ’ka lo é a yee do kpen ɛ lee bɛ, ’té é ke é nyanale san lé mi do kpen ’ka bɔa biéle lɛ a sɔnɔ lo, a gi bɛ, ’té mi do kpen ’ka tan é yuɛ vɔ lɛ a ta lo yé wo ’ka bɔa yuɛ vɔle lɛ a ta boenwo lo bɛ, yee ɛ dan Jézu gɔɔn lɛ. Tɔbɔle valé plɛplɛ a azé nya lɛɛfaama, a glɛ ’ka lo. Amɛɛn.

Ébrunu 13:8

Jézu Krist a é dɔbɛ duo gi yese, kyɔ, lɛɛfaama, a glɛ ’ka lo.

Wegɔɔnle 1:11

Dé i wean ye, ’bé gyɛ sɛbɛ ta yé ’bé pa léglizi sɔrafié lé wo ke Éfɛz koo, Simii koo, Pɛɛgam koo, Tiatii koo, Saad koo, Filadɛfi koo, Laodisé koo, wona bɛ, wo lɛ zia.

Wegɔɔnle 1:8

Mi lé é ke, ’té é ke ana é kyɛn, ’té é dan bɛ, Plɛplɛfaazan, Mizambale, é léma: Maa lé é ke Alfa valé Oméga nya, ’bɛ gi léé, a vininzan valé a voélazan nya.

1 Samuɛl 2:2

Mi do kpen ’ka sauun Gakelebale zo lo; Bii do kpen ɛ ke Bale nya. Kolé Bale ɛ ke gɔlɛgɔ nya é do kpen.