2 Timoté 4:3 - Kazambale lé Sebe Sauunu 1979

³ Naa, bléyi do é dan bɔ lɛ yé munu ’ka dan a nyi si lɛ léé, wo we tegele paa ’wo gi lo. Wo dan go lɛ ’wo sɔlɛwe zuo, yé wo dan mi kiɛre kiɛre si lɛ we paa ’wogizannu nya, wo sɔlɛ wenéné fele wo lɛ we gi.

2 Timoté 4:3 ပူးပေါင်းရင်းမြစ်များ

1 Minwiinzannu 18:22

Yé Éli lé munu lɛ léé: Maa do kpen ɛ vo Gakelebale lé balelayezannu pa gi, yé Baal lé balelayezannu a wuru fié yɔ fié wɔlɛ vu.

1 Minwiinzannu 22:18

Izraɛl nwiinzan lé Jozafat lɛ léé: Maa ’ka a fe lɛ i lɛ loo? É ’ka balelawe néné fé an lɛ lo, é balelawe naané saa ɛ fé.

1 Minwiinzannu 22:8

Izraɛl nwiinzan a zi pa Jozafat lɛ léé: Mi do ana é ziin yé ko bɔa we laale lɛ Gakelebale lee ’bɛ nya; naa, a za a an gi, é ’ka balelawe zin fé an lɛ monomono lo, é balelawe naané saa ɛ fé, azama. Jimla be Misé lé. Yé Jozafat léé: Té minwiinzan é we fe ’bɛ zo lo ma.

Fwile 32:33

Gakelebale lé Moizi lɛ léé: Mian é wenyané kɛlɛ an ma, ’bɛzan tɔ lé maa fwian anlé sɛbɛ gi.

Ézai 28:12

Gakelebale a fe wo lɛ léé: Flinle lo; mi lé a wɔlɛ gi nyaa, ’bé vo, ’é flin; flinna lé ke ’ko. Naa, é ’ka sɔ lɛ wo lɛ léé, ’wo tɔné dɔ lo.

Ézai 30:10

Wa fé fɛnayezannu lɛ léé, té ka fɛna ye lo. Yé wo lé balelayezannu lɛ léé, té ka balelawe bozen fe ko lɛ lo; ’ka ko ginanawenu ɛ fe, ’ka balelawe fe ka ’wuoi é pla.

Jérémi 18:18

Yé wo léé: ’Ka da, kaa gi pa Jérémi ma. Bélidɔwe ’ka dan si lɛ Balebanzannu lee lo; weplale ’ka dan si lɛ wedɔɔzannu lee lo; dére ’ka dan nyaa lɛ balelayemunu ’léé lo. ’Ka da, kaa Jérémi gyɛ kaa dére nya, té kaa tɔné dɔ a dére do kpen lɛ lo.

Jérémi 27:9

Yé kalé balelayezannu koo, kalé ’monédɔzannu koo, kalé nyɛgyɛzannu koo, kalé monénénu va ’monédɔzannu koo, kalé yokɛlɛzannu koo, we lé wa fena ka lɛ léé, ka ’ka dan pla lɛ Babilɔn nwiinzan blɛn wuo lo, té ka tɔné dɔ wo lɛ lo.

Jérémi 29:8

Naa, lai sunyanu lé Gakelebale, Izraɛl lé Bale léma: Kalé balelayezannu lé wo ke ka va koo, kalé ’monédɔzannu koo, té ka zi nɔ wo lɛ léé, wo dabli kɛlɛ ka lɛ lo, yé nyɛgyɛzannu lé woo nyɛ gya kalé we nya, té ka tɔné dɔ wo lɛ lo.

Jérémi 5:31

balelayemunu éé balelawe fé vié nya, yé Balebanmunu éé dɔa wo dére zuo, yé ’bɛ sɔ anlé munu lɛ. Ka dan kɛlɛ lɛ kaa a ’wuoplanaa?

Misé 2:11

Dé mi do vlan buru é pla, ’té éé a fé vié nya léé: Maa dan balelawe fe lɛ ka lɛ nwɛ valé dɔrɔ ’lɛ plɛplɛ lé we nya, ’bɛzan ɛ kɛla munu ’ko lé balelawefezan nya.

WENÉNÉ LÉ LUK A GYE (Évangile selon Luc) 20:19

Balebanmunu segelenu valé sɛbɛgifemunu a kwa kulina léé, wa kun a bléyi duo nya, naa, wa kanana munu lee. Wa ’ma léé, ’wo ma gɔné lé Jézu ke a vɔna, azama.

WENÉNÉ LÉ LUK A GYE (Évangile selon Luc) 6:26

Dé munu faa ka ma we zin fe, ’té wenaané ɛ kɛlɛ ka lɛ bɛ, naa, ’bɛ zo lé wo tranu a kɛlɛ viébalelayemunu lɛ.

WENÉNÉ LE JAN A GYE (Évangile selon Jean) 8:45

Yé maa a wezen fena, amalé ka ’ka dɔna an dére ta lo.

Kelewenu 17:21

We dɛrɛ fele valé we dɛrɛ ’male ɛ ke Atɛne munu faa valé wolé fla bɛnnu panyanama nya yifaama.

1 Korent munu 2:1

An bwenu, dé é a maa nya, dé an go ka va Kazambale lé weyɔɔle fe lɛ ka lɛ, maa ’ka a fe lɛ dére zinnu valé wedɔɔdérenu nya lo.

1 Korent munu 2:4

Maa ’ka we paa lɛ ka gi yé an Bale dére fe ka lɛ blami lé wedɔɔdére nya lo, naa, maa ka bɔn‐in kini Léli Sauun lé plɛplɛ nagɔɔnle nya,

Galasi munu 4:16

Webozen fele ka lɛ ma lé an kɛlɛ ka nyanézan nyaa?

1 Timoté 1:10

pɛnpɛnnégyɛzannu koo, wizowe kɛlɛmunu koo, miyaawozannu koo, viéwozannu koo, munu lé woo bale ’nyɔɔn‐an vié nya koo, munu faa lé woo dɔa wepaale tegele ma koo, wo bélidɔwe kɛlɛ wo ɛ lé we ma.

2 Timoté 1:13

Wezinnu lé maa wo paa i gi bɛ, ’i yara pa wo ta tawole ta blipale valé sɔlɛle lé i wo ye Jézu Krist va, a nya.

SEBE LÉ JUD A GYE (Épitre de Jude) 1:18

Wo lé ka lɛ léé, bléyi voéla gi, mi ma we nana munu lé, woo tawoo ’wobo lé sɔlɛwe yɛrama, ’té woo Bale lé zi ma wenyané fé, wo dan kɛlɛ lɛ ana.