2 Timoté 4:2 - Kazambale lé Sebe Sauunu 1979

² ’i Kazambale dére fe; ’i dɔ a ta plɛplɛ bléyi faa va, dé é a bléyi zin nyaoo, dé é ’ka a nya looo, ’i dɔ a ta plɛplɛ; ’i we vɔ munu lɛ, ’i we pla wo lɛ, ’i kwa kuli wo ma. ’Bé kɛlɛ bli tiéé nya, ’té i we paan wo gi yifaama.

2 Timoté 4:2 ပူးပေါင်းရင်းမြစ်များ

Lɛrɛvɔ Sɛbɛ 40:9

Anzé Bale, é sɔ an lɛ léé, maa ilé blibɔmawe kɛlɛ. Ilé bélidɔwenu a an bli wɔlɛ ma.

Jonas 3:2

’I nwa, yé ’i go fla blɛn Ninive ta. Yé we lé maa a fe i lɛ, bé zana dɔɔ ana.

WENÉNÉ LÉ LUK A GYE (Évangile selon Luc) 7:23

Mi lé maa ’ka kɛla a saanzan nya lo, ’bɛzan zé a néné.

WENÉNÉ LÉ LUK A GYE (Évangile selon Luc) 7:4

Wo bɔ Jézu va yé wa tunu a fele nya léé:

WENÉNÉ LÉ LUK A GYE (Évangile selon Luc) 9:60

Jézu a zi pa a lɛ léé: ’I mi galenu vo yé wo ’wozé migalenu pa, yé bii, ’i go Kazambale plale mi nwiin lé we fe.

Kelewenu 13:5

Wo bɔ Salamine, yé wo Kazambale dére fe Juifinu lé bazorokɔn gi. Jan a wo va wo bɔavazan nya.

Kelewenu 16:13

Flinyi nya, ko si fla yé ko go yuu ba gi. É a ko gi léé, bazorona do ana ’bɛna. Ko nyana, yé ko we fe lomu lé wo ke é zénle ékeva ana, wo lɛ.

Kelewenu 20:7

Flɛyi yi vinin nya, ko zén ékeva Taboyi lé buru blele we ma. Pɔl léé, dé tu kini é dan go lɛ yé é vo we fena zuomunu lɛ, yé é mɔn élé we fena fɔɔ yé tu la pa.

Kelewenu 28:16

Ko bɔ aan wo Rom, yé wo zi nɔ Pɔl lɛ léé, yee valé é tabin sunya, ’wo nyana kɔn do gi é yɛrama.

Rom munu 10:15

Yé dé wo ’ka mi pa lɛ zia lo, wefezan éé kɛla ana kaa? We lé ke é gyɛle sɛbɛ gi, é a ’bɛ zo; wo léé: Munu lé woo vole drɔɔ we fé, ’Té woo wenéné fé, Wo ganenu a é nɔnɔmi.

Rom munu 12:12

Ka gi ’é nana bli kɛlɛle fɛ lɛ lé we ma ma. ’Ka kɛlɛ bli tiéézannu nya nyanéblele gi. ’Kabo nɔ bazorole lɛ.

Galasi munu 6:6

Mian woo we paan a gi, ’é é leefɛnu faa guli mian éé we paan a gi, yee valé ’bɛ ma ma.

Kolɔs munu 1:25

An kɛlɛ léglizi wuozan nya, we lé Kazambale a bɛ pa an lee kazé nya, a we ma; é léé, maa Kazambale dére faa fe ka lɛ.

Kolɔs munu 4:3

’Ka bazoro é ziin ko tɔ ma léé, Kazambale ’é zi nɔ ko lɛ, ko alé we fe, yé maa Krist lé weyɔɔle gi fe; we ’ko ma lé maa ke bokɔn gi ’ko.

1 Tɛsalɔnik munu 1:6

Yé ka kinin ko valé Mizan zuosonazannu nya. Ka Bale dére nyi si, yé ka nyané ble é baba alé we ma, ’té Léli Sauun éé ka gi nanaan duowo.

1 Tɛsalɔnik munu 5:14

Bwenu, kalé zanté. Munu lé wo ’ka we tegele kɛla lo, ’ka we pla wo lɛ. Munu lé wo fuu si wo ta, ’ka wo tɔrɔ paa. Munu lé wo ’ka plɛplɛ Kazambale lé we gi lo, ’ka bɔ wo va. Ka bli ’é kɛlɛ tiéé munu faa ma.

1 Tɛsalɔnik munu 5:20

Té ka balelawefelenu ye boawe nya lo.

1 Timoté 4:13

Sɛbɛtafele koo, we plale mi lɛ koo, we paale mi gi koo, ’i yara pa wo kɛlɛle ta fɔɔ yé an da.

1 Timoté 5:20

Munu lé woo wenyané kɛla, ’i wo saanna gɔɔn wo lɛ mi faa yuɛ va, kana zénle mi pɔnénu gi we ma.

2 Timoté 2:21

Bɛwemalé, wenaanénu lé maa wo zuo fe bɛ, dé mian é wo si é gi yé a gi bɔ, é dan kɛlɛ lɛ bélé tɔbɔbɔ sauun zo, yé azan é dan tɔnɔ ye lɛ a ma, ’té é bɔalɛ léé, é nyanama zin faa pa a nya.

2 Timoté 2:25

Munu lé woo za vɔa a lɔ ma, é a lé é we pla wo lɛ bli drɔɔ nya, ’té a bli a a lɛ léé, Kazambale é dan wo bli nɔla lɛ yé wo webozen dɔɔ,

2 Timoté 3:10

Naa, anlé wepaale koo, an giébɛ koo, an yuɛgi do koo, anlé blipale koo, an bli tiéé koo, anlé sɔlɛle koo, an yara pale we ta koo, anlé kleblelenu valé anlé nyanéblelenu koo, bii ɛ gi dɔɔ é zima. Nyané kyɛn lé maa ’ka a ble lɛ Antiɔs koo, Ikonium koo, Lisitre koo, wona loo? Kle kyɛn lé an ’ka an ’wuo dɔ lɛ a wuo loo? Naa, Mizan an si wo faa gi.

Tite 1:13

Webozen lé é a fe. Bɛwemalé ’i we vɔ wo lɛ yara plɛplɛ nya, wolé blipale kɛlɛle tegele we ma.

Tite 2:15

Wenu lé é a lé bé fe munu lɛ, wo lé ke bɛ. ’I we pla munu lɛ, ’i wo saanna gɔɔn wo lɛ. A se a i lɛ. Té mi do kpen i ye boami nya lo.

Ébrunu 13:22

Bwenu, kalé zanté, we lé maa pla ka lɛ ’ko, ’ka ’ma ma; naa, sɛbɛ lé maa a gyɛ ka lɛ, sɛbɛ tégéléné lé.

Wegɔɔnle 3:19

Munu faa lé wo sɔ an lɛ, maa we plaan wo lɛ plɛplɛ yé maa we lɛdɔa wo gi. Amalé i fuu ’é dɔ i ta yé ’i bli nɔla ma.