2 Timoté 4:18 - Kazambale lé Sebe Sauunu 1979

¹⁸ Mizan é dan an si lɛ wenaanénu faa wuo, yé é dan an béli lɛ, yé é dan go lɛ an nya élé lagi fuatɛrɛ la. ’Wa tɔ bɔ lɛɛfaama ma. Amɛɛn.

2 Timoté 4:18 ပူးပေါင်းရင်းမြစ်များ

Wepélisiananu 48:16

’é valé lanje lé é an si wenaané faa gi, ’wo né ’konu drɔɔ vo ma. ’Wo wo laa an tɔ nya ma, ’é valé an tinu Abraam valé Izak tɔ nya ma. Yé ’wo fan, yé ’wo kɛlɛ di tɛrɛ ’ko la ma.

Minwiinzannu lé Wezuofe Sɛbɛ 4:10

Jaébɛs bazoro Izraɛl lé Bale lɛ yé é léé: Ilé zanté, ’i an drɔɔ vo, ’i anlé tɛrɛ kɛlɛ blɛn, ’i bɛ zin pa an ta, ’i an takuun we tɔntɔn lee, té maa nyané ble lo. Fɛ lé é a laa, Kazambale a nɔ a lɛ.

Lɛrɛvɔ Sɛbɛ 121:7

Gakelebale é dan i takuun lɛ wenyané faa lee, É dan i boen takuun lɛ;

Lɛrɛvɔ Sɛbɛ 37:28

Naa, we tegele sɔ Gakelebale lɛ, Yé é ’ka sɔn vɔa élé yarapawelazannu ma lo; Éé wo tabin‐é yifaama. Naa, mi nyanénu kulu é dan ga lɛ.

Lɛrɛvɔ Sɛbɛ 73:24

I dan go lɛ an nya, ’té i we plaan an lɛ, ’Bɛ zuo i dan an bɛn si lɛ ilé fua fɛna.

Lɛrɛvɔ Sɛbɛ 92:10

Oo Gakelebale, i nyanézannu éé zamaga woo; Munu faa lé woo wenaané kɛla, wa é kinile ékema.

Wegɔnévɔlenu 14:32

Wenyanékɛlɛzan guru éé zanaan a gi alé wenyané pli zi, naa, dé mi tegele gaoo, éé yɔɔna yé.

Matio 13:43

Yé mi tegelenu é dan bi lɛ nyananyana bélé yiri zo ’wo Ti Bale lé tɛrɛ la. Mi lé we ’ma tɔné ke a ’wuo ma, ’bɛzan a ’ma ma.

Matio 25:34

Yé maa minwiinzan ’é dan a fe lɛ an bɛyilazannu lɛ léé: Ka lé an Ti ka drɔɔ vo, ’ka da; tɔnɔtɛrɛ lé é a kɛlɛ kazé nya tɛrɛ pélisia bléyi va, ’ka nyana ana.

Matio 6:13

Té i go ko nya ko gi danna lo; ’i ko si Satan lé plɛplɛ wuo. Plale mi nwiin koo, plɛplɛ koo, fuablele koo, wa izé nya lɛɛfaama. Amɛɛn.

WENÉNÉ LÉ LUK A GYE (Évangile selon Luc) 11:4

’i ko ma we vo, naa, ko é ziin, dé miomian éé wenyané kɛla ko lɛ, ko ’bɛzan ma we voo; té i go ko nya ko gi danna lo.

WENÉNÉ LÉ LUK A GYE (Évangile selon Luc) 12:32

’Bla palu kiéné, té ka kana monomono lo, fuatɛrɛ nɔle ka lɛ sɔ ka Ti lɛ é baba.

WENÉNÉ LÉ LUK A GYE (Évangile selon Luc) 22:29

amalé maa fuatɛrɛ bɛ pa ka lee, bélé fɛan zo lé an Ti a bɛ pa an lee, a zo,

WENÉNÉ LE JAN A GYE (Évangile selon Jean) 17:15

Maa ’ka a fena i lɛ léé, ’i wo si tɛrɛ la lo, naa, maa a fena i lɛ léé, ’i yuɛ pa wo va Nyanézan lé we ma.

Rom munu 11:36

A va lé fɛnu faa éé sié; alé we ma lé fɛnu faa ke; yé fɛnu faa a azé nya. ’Wa tɔ bɔ lɛɛfaama, té a glɛ é dɔ lo ma. Amɛɛn.

Rom munu 16:27

Bale lé é ke wedɔɔzan nya é do kpen bɛ, ’wa tɔ zin bɔ Jézu Krist lé we ma lɛɛfaama, té a glɛ é dɔ lo. Amɛɛn.

1 Korent munu 1:21

Kazambale lé wedɔɔle gi, é a kɛlɛ léé, té tɛrɛlamunu ’é dɔɔ ’wolé wedɔɔle nya lo; é sɔ Kazambale lɛ léé, munu lé wo bli vo ’é lɛ, ’é wo si we gi wenéné lé ke ’tugyɛwe nya, alé we fele nya.

1 Korent munu 10:13

Wenu lé wo bɔ ka ma ka gidanwenu nya bɛ, woo bɔa munu faa ma. Kazambale a yarapawelazan nya, yé é ’ka dan a nyi si lɛ léé, ka gidanwe é ka kele lo, naa, dé gidanwe bɔ ka ma, é dan bɔ lɛ ka va, yé ka a kele.

1 Korent munu 15:50

Bwenu, we lé maa a fé, yee lé ke ’ko: mi ’ka bɔa lagi tɔnɔ blele lɛ tɛrɛlakɔlɛ ’ko nya é ta lo; yé vɔnfɛ ’ka bɔa vole lɛ é yuɛma lɛɛfaama lo.

2 Korɛnt Munu 1:10

Kazambale ko si ga ’ko lee, yé ko bli a a lɛ léé, é dan ko si lɛ a lee é ziin; iin, é dan ko si lɛ a lee yifaama,

Galasi munu 1:5

’Wo Bale tɔ bɔ lɛɛfaama, té a glɛ é dɔ lo ma. Amɛɛn.

1 Tɛsalɔnik munu 5:23

Mi vo drɔɔ Bale bozen ’é ka kɛlɛle sauun lɛ sɔɔ; ka léli koo, kabozen koo, ka kɔlɛ koo, wo faa ’é vo é tadɔle, ’té gun ’ka a ma lo fɔɔ yé Kaazan Jézu Krist dayi é bɔ.

2 Tɛsalɔnik munu 3:3

Mizambale a yarapawelazan nya, é dan ka dɔ lɛ gligli, yé é dan ka ta kuun lɛ Satan lee.

1 Timoté 1:17

’Mi lé é ke minwiinzan nya lɛɛfaama, ’té é ’ka gaan lilo, ’té wo ’ka a yé lo, ’té yee do kpen ɛ ke Kazambale nya, ’wa tɔ bɔ yé ’wo fua nɔ a lɛ lɛɛfaama, té a glɛ é dɔ lo. Amɛɛn.

1 Timoté 6:16

’té vole é yuɛma lé a glɛ ’ka lo é a yee do kpen ɛ lee bɛ, ’té é ke é nyanale san lé mi do kpen ’ka bɔa biéle lɛ a sɔnɔ lo, a gi bɛ, ’té mi do kpen ’ka tan é yuɛ vɔ lɛ a ta lo yé wo ’ka bɔa yuɛ vɔle lɛ a ta boenwo lo bɛ, yee ɛ dan Jézu gɔɔn lɛ. Tɔbɔle valé plɛplɛ a azé nya lɛɛfaama, a glɛ ’ka lo. Amɛɛn.

2 Timoté 1:12

Amalé maa a nyané ’konu blena, naa, yara ’ka an gyɛna lo. Mi lé an bli ke a lɛ, maa azan dɔɔ, yé maa a gi dɔɔ léé, we lé maa a bɛ pa a lee, é bɔalɛ léé, é yuɛ pa a va fɔɔ yé ’bɛ yi é bɔ. Bɛwemalé yara ’ka an gya lo.

2 Timoté 4:1

Kazambale valé Jézu Krist lé é dan mi galenu valé mi yuɛmalenu lé we ble lɛ bɛ, ko a wo ’lɛ; maa lé i lɛ Jézu dale valé a plale mi nwiin tɔ gi léé,

Ébrunu 11:16

Naa, sin, tɛrɛ zin baba do ma lé wo bli bɔ, ’bɛ ɛ ke lagi tɛrɛ nya. Bɛwemalé yara ’ka Kazambale gya ébo laale ma wolé Bale lo, naa, é fla blɛn do pa wozé nya.

Ébrunu 12:22

Naa, ka a é biéle Siɔn gɔ sɔnɔ, Bale yuɛmale lé fla lé ke lagi Jérusalɛm nya koo, lanjenu kiɛre lé wo nɔnɔ ’léé ’ka lo, ’té wa fɛti kɛlɛna bɛ, woo koo,

Ébrunu 13:21

’é ka bɛ sɔ we zinnu faa kɛlɛle nya ’é blibɔmawe lɛsɔɔle we gi ma; yé we lé é sɔ a lɛ, ’é yee ɛ kɛlɛ ka gi Jézu Krist nya ma; ’wo fua nɔ a lɛ lɛɛ faa ma, té a glɛ é dɔ lo. Amɛɛn.

SEBE LÉ JAK A GYE (Épitre de Jacques) 2:5

’Kaa an bwenu lé ka sɔ an lɛ, ’ka tɔné dɔ. Munu lé wo ke nyanégyɛzannu nya tɛrɛlamunu yuɛ gi, Kazambale ’ka wo si lɛ léé, ’wo kɛlɛ fua nya blipale gi loo? yé wo kɛlɛ tɔnɔblezannu nya fuatɛrɛ lé é a ma blivolɛdére fe munu lé é sɔ wo lɛ, wo lɛ bɛ, a ta loo?

1 Piɛri 1:5

Ka bli a Kazambale lɛ amalé alé plɛplɛ éé ka tabin‐é fɔɔ yé ka béliwe lé Kazambale a ma’lɛrɛle nyaa, yé ’é a nagɔɔn bléyi voéla nya.

1 Piɛri 5:11

Plɛplɛ a yee ɛ lee, lɛɛfaama, a glɛ ’ka lo. Amɛɛn.

2 Piɛri 1:11

’Ko zo lé Bale é dan a nyi si lɛ é bli faa nya léé, ka wɔra Kaazan, kaa Bélizan Jézu Krist lé fuatɛrɛ lé é ’ka nyaan lo, a ta.

2 Piɛri 3:18

Naa, ’ka tin Kaazan, kaa Bélizan Jézu Krist lé zin valé a dɔɔle gi ma. ’Wo fua nɔ a lɛ sin bléyi ’ko va, é valé lɛɛfaama ma. Amɛɛn.

SEBE LÉ JUD A GYE (Épitre de Jude) 1:1

’Kaanu lé Tibale ka laa, ’té ka sɔ a lɛ yé é ka tadɔ Jézu Krist zé nya bɛ, maa we ka va. Maa Jud lé an ke Jézu Krist lé luugɔnéné nya, Jak bwe nya, maa ɛ ke sɛbɛ ’ko pana ka lɛ zia.

1 Samuɛl 17:37

David lé é ziin léé: Gakelebale lé é an si golizra sɔnéwɔlɛ valé urisi bɛlaa lee, é dan an si lɛ Filisiti mi ’ko lee é ziin. Yé Saul lé David lɛ léé: ’I go, yé Gakelebale ’é kɛlɛ i va ma.

1 Samuɛl 25:39

David a ’ma léé, Nabal ga yé é léé: Gakelebale lé é dɔ an zuo, sɔnɔ lé Nabal a wo an lɛ, alé we ma, yé é wenyané kɛlɛle yi ga é wuozan lee, ’wa drɔɔ vo ma. Gakelebale Nabal lé we ple nɔla ébo nwiin. David mi pa zia Abigail va alé bwɛ we fele we ma a lɛ.