2 Timoté 4:17 - Kazambale lé Sebe Sauunu 1979

¹⁷ Mizan ɛ bɔ an va, yé é an dɔ plɛplɛ anlé wefele lɛsɔɔle we ma, bɛnnu faa lé a ’male we gi. Yé Bale an si golizra lɔ ma.

2 Timoté 4:17 ပူးပေါင်းရင်းမြစ်များ

Lɛrɛvɔ Sɛbɛ 109:31

Naa, éé dɔa nyanégyɛzan bɛyila, Munu lé woo ga dɔa a nwiin, a sile ’bɛnu lee we gi.

Lɛrɛvɔ Sɛbɛ 22:21

’I an boen takuun gwɔun lee, ’I an vole é yuɛma takuun blénnu lé plɛplɛ lee.

Wegɔnévɔlenu 20:2

Kana lé minwiinzan blɛn a zén‐é mi gi é a bélé golizra gi gunule zo; mi lé éé a bli flian é wenyané kɛlɛ ébo lɛ.

Wegɔnévɔlenu 28:15

Mi naané lé éé plaan nyanégyɛmunu nwiin, é a bélé golizra lé ke wena, é valé urisi lé lɔrɔ ke a gyɛna, wo zo.

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Ézai 41:14

Jakɔb, bii lé i ’ka vo lɛ we do nya lo, ’Kaa Izraɛl sɛné lé ka vo, ’té ka ke tɔɔtɔɔ, té ka kana lo; Gakelebale léé, é dan bɔ lɛ ka va, Izraɛl lé Mi Sauun lé ke ka siéwegizan nya.

Jérémi 2:30

Maa ilé nénu bla, naa, ’bɛ tɔnɔ ’ka lo. Anlé we lɛdɔle wo gi ’ka wo yuɛ gi bɔ lɛ lo. Ka balelayezannu gyɛ gwɔun nya bélé fɛan zo lé golizra éé mi gya, a zo.

Daniɛl 6:22

Anlé Bale élé lanje pa zia yé é golizranu lɔlu lɛ tan, yé wo ’ka we tɔntɔn do kpen kɛlɛ lɛ an lɛ lo. Bale an ye nwiinplazan nya, azama. Yé bii é ziin, minwiinzan blɛn, an ’ka wenaané do kpen kɛlɛ lɛ i ma lo.

Daniɛl 6:27

Yee ɛ mi soo we lee, yé éé mi sié we gi. Yee ɛ tɔmasenu valé we blɛnnu kɛla la gi valé tɛrɛ la. Yee ɛ Daniɛl so golizranu lé plɛplɛ lee.

Matio 10:19

Naa, dé wo ka kun, kalé wefebɛ valé dérenu lé ka dan wo fe lɛ, té ka wo gi bɔrɔ pa lo; wean é a lé ka a fe, é dan dɔ lɛ ka gi ’bɛ bléyi va;

WENÉNÉ LÉ LUK A GYE (Évangile selon Luc) 1:1

Téofil, mi zin, wenu lé é kɛlɛ ko va, mi kiɛre kwa kuli léé, wa zuo fe sɛbɛ gi.

WENÉNÉ LÉ LUK A GYE (Évangile selon Luc) 21:15

naa, dére valé wedɔɔle lé ka nyanézannu ’ka bɔa dɔle lɛ a ma plɛplɛ lo, yé wo ’ka bɔa a nɔlale lɛ lo, maa dan wo nɔ lɛ ka lɛ.

Kelewenu 23:11

É béli Mizan bɔra Pɔl va, yé é léé: ’I bli ta dɔ plɛplɛ. I anlé we fe Jérusalɛm fɛan zo ’ko, a zo duo lé é a lé bé fe Rom.

Kelewenu 9:15

Mizan lé a lɛ léé: ’I go. Mi ’ko, maa a si anlé wekɛlɛfɛ nya an tɔ bɔrale we gi, bɛnnu koo, minwiinmunu koo, Izraɛlnu koo, wo va.

Rom munu 15:31

’Ka laa Kazambale lee léé, Judé munu lé wo bli ’ka é pale lo, té ’wo an kun lo, yé blɛnu lé maa a gona wo nya Jérusalɛm, ’wo sɔ Kazambale lé munu lɛ,

2 Korɛnt Munu 12:9

yé é lé an lɛ léé: Anlé plɛplɛ lɛ éé sɔɔan fɛ tɔɔtɔɔ nya, amalé anlé zin izé bɔ. Amalé maa dan anbo ze taa vɔ lɛ gi nanale nya an tɔɔtɔɔnu we ma, Krist lé plɛplɛ zénle an gi we ma.

Éfez munu 3:8

Maa lé an ke Kazambale lé munu faa va mi kiéné nya, Bale zin ’ko kɛlɛ an lɛ léé, Krist lé fuawenu lé wo ’ka wo gi ’male nyaan lo, maa wolé we fe bɛn bɛnu lɛ,

1 Timoté 1:12

Kaazan Jézu Krist lé é an dɔ plɛplɛ, maa a bɔ vɔa léé, é an ye yarapawelazan nya, yé maa lé an ke é vinin Bale sɔnɔzan koo, nyané pa mi tazan koo, ’wiiéwelazan koo, wo nya, é an kɛlɛ Bale va nyanama pazan nya. Naa, maa we ’konu kɛlɛ an tanyila, ’té an bli ’ka é pale lo, bɛwemalé é nyanai zén an ta.

2 Timoté 2:1

Bɛwemalé, bii anlé né, zin lé ke Jézu Krist gi, ’é i dɔ plɛplɛ ma.

2 Timoté 2:9

An nyané ble alé we ma fɔɔ yé wo an yere bélé wenyanékɛlɛzan zo. Naa, Kazambale dére ’ka é yerele lo.

2 Timoté 4:5

Naa, Timoté, é a lé ibo kun we faa gi; ’i dɔ kleblelenu wuo; ’i wenéné fe, ’ilé nyanama pale lɛ sɔɔ é zima ma.

Tite 1:3

Yé sin, a bléyi bɔ, vole é yuɛma lé we na a é gɔɔnle munu lɛ kpaklaa, wefele lé é a bɛ pa an lee ko Siéwegizan Bale dére ta bɛ, a nya.

Ébrunu 11:33

Blipale nya lé wo bɛntɛrɛnu kele, wo we tegele kɛlɛ, wo dɔ blivolɛdérenu ta, wo golizranu lɔlu lɛ tan;

1 Piɛri 5:8

’Ka kɛlɛ ’wuoatazannu nya ma. ’Ka vo é vuole ma. Ka nyanézan yonufaatagɔné a giéna bélé golizra lé é ke wena, a zo, mi lé é dan a ble lɛ, a mavɔɔle nya, bɛwemalé ’ka kɛlɛ ’wuoatazannu nya yé ’ka vuo.

2 Piɛri 2:9

Dé Kazambale munu ’konu lé we faa yuɛ gi bo tegele a zo ’naan, ’té Mizan ’ka bɔalɛ léé, élé zisɔlɛmunu si wo gidanle gi loo? É ’ka bɔalɛ léé, é mi plenu tadɔ welɛdɔle wo gi webleyi nya we gi loo?

1 Samuɛl 17:37

David lé é ziin léé: Gakelebale lé é an si golizra sɔnéwɔlɛ valé urisi bɛlaa lee, é dan an si lɛ Filisiti mi ’ko lee é ziin. Yé Saul lé David lɛ léé: ’I go, yé Gakelebale ’é kɛlɛ i va ma.