2 Timoté 4:1 - Kazambale lé Sebe Sauunu 1979

¹ Kazambale valé Jézu Krist lé é dan mi galenu valé mi yuɛmalenu lé we ble lɛ bɛ, ko a wo ’lɛ; maa lé i lɛ Jézu dale valé a plale mi nwiin tɔ gi léé,

2 Timoté 4:1 ပူးပေါင်းရင်းမြစ်များ

Lɛrɛvɔ Sɛbɛ 50:6

Yé lanu é dan alé we tegele zana dɔɔ lɛ, Naa, Bale ɛ ke weblezan nya. Ka ye do.

Lɛrɛvɔ Sɛbɛ 96:13

Gakelebale ’lɛ ma. Naa, é a dana, É a dana tɛrɛlamunu lé we ble lɛ; É dan tɛrɛlamunu lé we ble lɛ tegele, É dan migɔnɔnu lé we ble lɛ é yara pale we ta yɛrama.

Lɛrɛvɔ Sɛbɛ 98:9

Gakelebale ’lɛ ma. É a dana tɛrɛlamunu lé we ble lɛ. Naa, é dan tɛrɛlamunu lé we ble lɛ tegele, Yé é dan migɔnɔnu lé we ble lɛ wedrɔle nya.

Matio 16:27

Maa blami Be, an dan da lɛ an Ti lé fua tɔbɔle nya, é valé alé lanjenu nya, yé maa dan mi faa gooli pa lɛ do do wo kɛlɛwenu yɛrama.

WENÉNÉ LÉ LUK A GYE (Évangile selon Luc) 19:12

Yé é léé: Mi do lé wa yaa minwiinzannu gɔnɔ gi, é a gona tɛrɛ baa do la, plale mi nwiin se ginile we gi, ’bɛ zuo yé ’é da é pa gi.

WENÉNÉ LÉ LUK A GYE (Évangile selon Luc) 19:15

Dé wo alé plale mi nwiin se kɛlɛ a lɛ faa, é da, yé a wuomunu lé é gɔɔli nɔ wo lɛ, é wo laa léé, ’wo da, yé dé tɔnɔ lé wa ye élé gɔɔli ma, ’wa ’léé fe ’é lɛ.

WENÉNÉ LÉ LUK A GYE (Évangile selon Luc) 23:42

Yé é lé Jézu lɛ léé: Dé i bɔ ilé fuatɛrɛ la, an sele ’é dɔ i gi ma.

Kelewenu 10:42

Yé Jézu a pa ko ’léé léé, ko we fe munu lɛ yé ko fe léé, ’yee lé Kazambale ’é kɛlɛ mi yuɛmalenu valé migalenu lé weblezan nya.

Rom munu 2:16

Yee ɛ dan bɔra lɛ yian nya lé Kazambale é dan munu lé kyeengiwenu ble lɛ Jézu nya anlé Wenéné yɛrama, a yi nya.

Kolɔs munu 3:4

Krist lé ke kalé vole é yuɛma nya, dé é da, ka dan da lɛ a va é ziin fua gi.

2 Tɛsalɔnik munu 2:8

’Bɛ zuo, yee Bale lé zi ma wenyané fezan é dan bɔra lɛ, mian Mizan Jézu é dan a sɛrɛ lɛ é ’léé fu nya, yé é dan a kulu ga lɛ é dale lé san nya bɛ, yee lé.

1 Timoté 5:21

Kazambale koo, Jézu Krist koo, lanjenu lé Bale wo si a va koo, ko a wo faa ’lɛ; maa lé i lɛ léé, ’i tawo dére ’ko ta; té i we do kpen ble é voro va lo; té i we do kpen kɛlɛ lele valé béé ma lo.

2 Timoté 1:10

Zin lé é a kɛlɛ ko lɛ, wa ye sin ko Siéwegizan Jézu Krist dale nya. Yee ɛ ga kulu ga, yé bélile valé vole é yuɛma lé a glɛ ’ka lo, é wo gɔɔn munu lɛ Wenéné nya.

2 Timoté 2:14

’I we ’ko sele dɔ munu gi, we plale wo lɛ plɛplɛ nya Kazambale yara léé, té wo zavɔ dére gɔ do do ta lo. A tɔnɔ ’ka lo, yé munu lé wa maan, éé wo ’wuo sɛra.

2 Timoté 4:18

Mizan é dan an si lɛ wenaanénu faa wuo, yé é dan an béli lɛ, yé é dan go lɛ an nya élé lagi fuatɛrɛ la. ’Wa tɔ bɔ lɛɛfaama ma. Amɛɛn.

2 Timoté 4:8

Yé sin, mi tegele lé tɔkoro ta a é dɔle anzé nya. Mizan, Weblezan tegele, é dan a nɔ lɛ an lɛ ’bɛ yi la. Naa, an do lɛan é dan a nɔ lɛ lo; munu faa lé, a dale sɔ wo lɛ, é dan a nɔ lɛ wo lɛ é ziin.

Tite 2:13

’té ko ginanawe lé ko bli ke a lɛ koo, kolé Bale blɛn lé é ke ko Siéwegizan Jézu Krist nya, alé fua tagɔɔnle koo, ’té woo lé ko ke wo lɛbɛnna.

1 Piɛri 1:7

Kalé blipale gidanle é dan nɔla lɛ ka ma ka tɔ zin fele koo, kalé fua koo, ka tɔbɔle koo, wo nya, Jézu Krist bɔrayi nya munu yuɛ va, amalé Bale éé ka gi daan.

1 Piɛri 4:5

Wo dan a zuo fe lɛ mi lé a ma ke é ’lɛrɛle miyuɛmalenu valé migalenu lé we blele we ma bɛ, a lɛ.

1 Piɛri 5:4

Yé dé Mipazan segele da yian ma, tɔkoro lé ke fua tɔbɔle nya, ’té é ’ka sɛra lo, ka dan a ye lɛ kazé nya.

2 Piɛri 1:11

’Ko zo lé Bale é dan a nyi si lɛ é bli faa nya léé, ka wɔra Kaazan, kaa Bélizan Jézu Krist lé fuatɛrɛ lé é ’ka nyaan lo, a ta.

2 Piɛri 1:17

Naa, é tɔbɔle valé fuasan ye Tibale va, bléyian va lé dére do si fuasan blɛn va, a bléyi va, yé é léé: Mi ’ko a an Be lé, é sɔ an lɛ é baba, a nya; anlé sɔlɛle faa a yee ɛ ta.

1 Jan 2:28

Sin, né kiénénu, ’ka vo Jézu gi, yé dé é bɔra kaa yuɛ va yé kaa bli ta dɔ plɛplɛ, yé dé a dabléyi bɔ yé yara ’ka kaa gya yé é kaa si ’é ma baa lo.

Wegɔɔnle 1:7

Bé ye, é dan latinu ta. Mi faa é dan a ye lɛ, a fɔnmunu koo é ziin; tɛrɛ la bɛnnu faa é dan wuvɔ lɛ alé we ma. Iin. Amɛɛn.