2 Timoté 3:6 - Kazambale lé Sebe Sauunu 1979

⁶ Wo va mi kenu éé wɔraan kɔnnu gi nuu, yé tavolomu lé wo ke é fanle wenyané nya, ’té wenaané gɔnɔ faa lɔrɔ éé wo nyunuan bɛ, woo wo sian ana.

2 Timoté 3:6 ပူးပေါင်းရင်းမြစ်များ

Lɛrɛvɔ Sɛbɛ 38:4

I bliflile zama an kɔlɛ do kpen ’ka an ta lo, Anlé wenyané ma lé an wɔlɛnu ’ka plɛplɛ é dɛrɛ lo.

Ézai 1:4

Wenyanékɛlɛ bɛn, wo gale nyɔ; wa é fanle weplenu nya, wa bɛn nyané nya, wa né sɛrɛlenu nya. Wo sɔn vɔ maa, Gakelebale ma, wo nyé yéli maa, Izraɛl lé Mi Sauun ma. Wo si an ma baa.

Matio 11:28

Ka faa lé, ka wɔlɛ gi ke é nyaale ka ma, yé kɔné blɛn ke ka nwiin bɛ, ’ka da an va, yé maa flinle nɔ ka lɛ.

Matio 23:13

Sɛbɛgifemunu valé Farizimunu, bodrɔzannu, ka gale nyɔ. Ka Kazambale lé fla zi lɛ tan munu lee; kabozen, ka ’ka wɔrana lo, yé munu lé é sɔ ’bɛnu lɛ léé, ’wo wɔra, ka ’ka ’bɛnu wɔrale ana nyi sié lo.

Matio 23:14

Sɛbɛgifemunu valé Farizimunu, bodrɔzannu, ka gale nyɔ. Ka gyɛzaralomu lé kɔnnu sié, ’té ka dabli ba grɔgrɔ zoroan, bɛwemalé we lé é mini gwɛn ta, ka dan a ye lɛ.

Matio 4:24

A tɔ zin fele bɔ Siri tɛrɛ faa la, yé munu faa lé wo ma éé yaan yé wa nyané blena gyɛ gɔnɔ faa lee, wo da wo faa nya Jézu va, yé é wo béli; wo faa lé yonu ke wo gi koo, gwegyɛzannu valé furuagyɛzannu koo, woo lé.

Maak 4:19

tɛrɛla gi bɔrɔ palenu koo, dabli lé fua a kɛla munu lɛ koo, blibɔle fɛ bɛnu ma koo, woo Bale dére tunuan yé wo ma tɔnɔ ’ka kɛla lo.

1 Korent munu 12:2

Ka a gi dɔɔ léé, dé ka a yobanmunu nya, ka nyi si léé, wo go ka nya bobogyɛ miyilinu zuo; dé wo go fɛofɛana wo go ka nya ’bɛna.

1 Timoté 5:6

Naa, gyɛzarale lé éé ébozen lé sɔlɛwe kɛla, é ke aan wo é yuɛma bɛ, é a é gale.

1 Timoté 6:9

Munu lé wo bli éé bɔa fuablele ma, wo dan wo gi dan lɛ, yé wo dan vɔ lɛ mikunsan ’léé, yé wo bli é dan bɔ lɛ ’wuosɛrɛwe kiɛre kiɛre valé misɛrɛ?-?we kiɛre kiɛre lé woo mi sɛra tata ’té woo goo mi nya mi sanlenu gona, wo ma.

Tite 1:11

É a lé i mi ’konu lɔlu ga. We lé é ’ka tegele lo, wa paana munu gi gɔɔli yele we ma, yé wa mi gɔnɔ kiɛre ’wuo sɛrɛna.

Tite 3:3

Naa, é vinin, ko é ziin, ko a tavozannu koo, mi lɛgamazannu koo, mi sanlenu koo, wo nya; ko bli éé bɔa fɛ faa ma; wenaané gɔnɔ faa lɔrɔ a ko ma; ko wenyané kɛla ’té ko maawoo; ’té munu lé ko za pa yara lé, ’té ko ko ke za paan.

2 Piɛri 2:18

Boawe blɛn kiɛre fele nya lé munu lé wo si lao mi sanlenu lé zi ta, woo wo sian ana mi dɔbɛ kyɛn sɔlɛwe valé pɛnpɛnnégyɛwenu nya;

2 Piɛri 3:17

An blibɔmazannu, maa we ’konu gɔɔn ka lɛ é vinin, amalé ’ka yuɛ pa kabozen va, dé Bale lé zi ma wenyané femunu sanle é da ka sia ana yé ka dɔle gligli yi é ga.

SEBE LÉ JUD A GYE (Épitre de Jude) 1:16

Wa gungyɛzannu nya; wa mi tidiannu lé woo tawoo ’wobo lé sɔlɛwe yɛrama, wo nya; dére blɛnblɛnnu a wo ’léé; woo munu ze vɔa gi la, tɔnɔfɛ yele we ma.

SEBE LÉ JUD A GYE (Épitre de Jude) 1:18

Wo lé ka lɛ léé, bléyi voéla gi, mi ma we nana munu lé, woo tawoo ’wobo lé sɔlɛwe yɛrama, ’té woo Bale lé zi ma wenyané fé, wo dan kɛlɛ lɛ ana.

SEBE LÉ JUD A GYE (Épitre de Jude) 1:4

Naa, mi kenu wɔra ka méléna ka ma blaané pale nya; Bale lé zi ma wenyané fezannu lé wo nya; woo kolé Bale lé zin nɔlaan we vɔnle nya, ’té woo sɔn vɔa Kaazan do kpen lé é ke Mizan Jézu Krist nya, a ma. Ga lé sɛbɛ a fe é kyɛn, é a é dɔle wo nwiin.