2 Timoté 3:2 - Kazambale lé Sebe Sauunu 1979

² Naa, munu é dan kɛlɛ lɛ wobosɔlɛzannu koo, gɔɔlisɔlɛzannu koo, weblɛnblɛn fezannu koo, boblɛnzannu koo, Bale sɔnɔzannu koo, tɔnégiplɛplɛzannu nya wo tinu valé wo bunu ma koo, zindɔɔalozannu koo, Bale lé zi sɔnɔzannu koo, wo nya;

2 Timoté 3:2 ပူးပေါင်းရင်းမြစ်များ

Lɛrɛvɔ Sɛbɛ 10:3

Naa, mi nyanénu woo ’wobo tɔ bɔa wolé blibɔmawe nya, Yé kyeenwozannu lé woo mi gya, woo Gakelebale sɔnɔan, ’té woo nyé yélié a ma.

Lɛrɛvɔ Sɛbɛ 49:6

We tɔntɔn bɔyinu nya, dé an mazannu lé weple kɛlɛle an zi lɛ sɔɔ, Mɛmalé an kanaan?

Lɛrɛvɔ Sɛbɛ 52:1

David lɛrɛ ’ko vɔle gɔɔn lɛrɛvɔzannu zilɛzan lɛ,

Wegɔnévɔlenu 6:17

mi gini é yuɛ zuozannu koo, viéwo nɛnɛ koo, munu lé woo weanwiinlozan nyɛ nwɛɛn‐an koo,

Ézai 10:15

Zaa ébo tɔ bɔa, mi lé éé nyanama paan a nya, a lɛɛ? Sii éé dére blɛnblɛn fé, mi lé éé nyanama paan a nya, a lɛɛ? ’Bɛ a bélé fɛan zo lé vlewɔlɛ ’é nwazan nyunu léé, ’bɛ ’é nwa, bélé yili ’é duunzan nwa, a zo.

Daniɛl 11:36

Wean é sɔ minwiinzan blɛn ’ko lɛ, yee lé é dan a kɛlɛ lɛ. É dan nwa lɛ, é dan ébo tɔ pla lɛ balenu faa tɔ nwiin, yé é dan sɔnɔ dére fe lɛ balenu lé Bale ma; a bɛ ma é dan kɛlɛ lɛ néné fɔɔ yé bliflile lɛ é sɔɔ. Naa, wean wa kɛlɛle béli dɔ, a lɛ é dan sɔɔ lɛ.

Daniɛl 7:25

É dan dére naanénu fe lɛ Loruzan ma; é dan kele pa lɛ Loruzan lé munu ta, yé é a a gi léé, é dan bléyinu valé bélidɔwenu nɔla lɛ, yé wo dan Loruzan lé munu pa lɛ a lee lɛɛ yaa é buu.

Matio 15:6

Amalé ka Kazambale dére kɛlɛ we pla nya gɔnɔlawe lé ka dɔ bɛ, alé we ma.

WENÉNÉ LÉ LUK A GYE (Évangile selon Luc) 12:15

A zuo é lé wo lɛ léé: ’Ka yuɛ pa kabozen va é zima blibɔle fɛnu ma lé we ma. Dé mi lé fɛnu a dioo, a vole é yuɛma ’ka sié ’bɛ va lo.

WENÉNÉ LÉ LUK A GYE (Évangile selon Luc) 16:14

Gɔɔli sɔ Farizimunu lɛ é baba, amalé wo ’bɛ we ’ko faa ’ma aan wo, wo Jézu ma we nana.

WENÉNÉ LÉ LUK A GYE (Évangile selon Luc) 6:35

Naa, ka nyanézannu ’é sɔ ka lɛ ma, yé ’ka wezin kɛlɛ ma; ’ka drɔn pa mi ma, yé té ka bli é vo a lɛgi yele lɛ lo ma. Ka gooli é dan kɛlɛ lɛ blɛn, yé ka dan kɛlɛ lɛ Loruzan benu nya; naa, éé wezin kɛla bɔvɔalozannu valé wenyanékɛlɛzannu lɛ.

Kelewenu 5:36

Todas bɔrana ’ka tan mɔn lɛ lo. É ’ébo kɛlɛ mi blɛn nya yé dé mi wuru fié léé? wo zén a zuo. Wo mi ’ko gyɛ yé a zuomunu faa kini ékema yé azé we nyaa é pla.

Rom munu 11:18

té ibo fila vɔ yilibɛnu va lo. Dé i a ibo fila vɔna, ’i we ’ko dɔɔ ma: biian i suni kɛla lo, suni ɛ bii kɛla.

2 Korɛnt Munu 5:15

yé é ga mi faa lé we ma léé, wo lé wo ke é yuɛma, té wo vo é yuɛma wobo zé nya é dɛrɛ lo, naa, ’wo vo é yuɛma mi lé é ga yé é nwa gamunu va wolé we ma bɛ, azé nya.

Filip munu 2:21

Munu faa a ’wobozen lé tɔnɔ naginina, wo ’ka Jézu Krist zé ginina lo.

Kolɔs munu 3:5

Bɛwemalé, we lé ke ka gi tɛrɛlawe nya, ’ka wo yi ga, ’bɛ gi léé, leginile koo, pɛnpɛnnégyɛle koo, bli bɔle fɛ ma koo, bli bɔle weple ma koo, bli bɔle gɔɔli ma lé é ke miyili bɔle nya, ’bɛ koo, ’ka wo yi ga.

2 Tɛsalɔnik munu 2:4

É a mi nyanézan nya. É léé, fɛ faa lé wa laama Bale, é valé fɛ faa lé munu a bɔa, ’é a wo nwiin, fɔɔ yé é nyana Balebangikɔn gi, ’té é ébozen laama Bale.

1 Timoté 1:20

Iméné valé Alézandre a wo va mi fié nya. Maa wo nɔ Satan lɛ, we paale wo gi we ma léé, té wo Bale sɔnɔ lo.

1 Timoté 1:9

’té dé mi a gi dɔɔ léé, wo ’ka a kɛlɛ lɛ mi tegele lé we ma lo, naa, wa kɛlɛ wenyanékɛlɛzannu lé we ma. Mi lɛrɛlɛrɛnu koo, mi lɛgamazannu koo, Kazambale lé zi ma wenyané fezannu koo, wenyanékɛlɛzannu koo, munu lé wo ’ka bazoroan lo koo, munu lé wo Kazambale lé we yé boawe nya koo, ti valé bu gyɛmunu koo, migyɛmunu koo,

1 Timoté 3:3

Té é kɛlɛ nwɛminizan nya lo, té é kɛlɛ ’wiiéwelazan nya lo; ’é kɛlɛ bli zimazan nya; ’é kɛlɛ bli drɔɔzan nya; té é kɛlɛ gɔɔli sɔlɛzan nya lo.

1 Timoté 6:10

Naa, bli bɔle gɔɔli ma a wenyanénu gɔnɔ faa suni do nya, yé mi kenu si Kazambale lé we gi bli bɔle gɔɔli ma we ma, yé wo ’wobozen vɔ nyané plɛplɛnu gi.

1 Timoté 6:4

’té é a é fanle boblɛn nya; ’té é ’ka we do kpen dɔɔa lo; we planu laale valé zavɔdérenu fele ɛ ke a ’wuo gi gwe nya. Maawole koo, zɔdɔle koo, mi tɔ sɛrɛwenu koo, ’wuo gi nyané bɔrɔle mi ma koo, yee ɛ ’wuo gi lé woo sié;

2 Timoté 3:4

wo dan mi liwo lɛ; wo dan ’wii lɛ we la; wo dan blii lɛ boblɛn nya; wobozen ginanawe ɛ dan sɔ lɛ wo lɛ yé ’bɛ é mini Bale sɔle wo lɛ ta;

SEBE LÉ JAK A GYE (Épitre de Jacques) 2:8

Fuaneé lé bélidɔwe lé wa gyɛ Kazambale lé sɛbɛ gi léé, ’i bɔluzan lɔrɔ pa bélé biibozen zo, dé ka a ’bɛ ta tawona, ’té ka a kɛlɛna é zima.

SEBE LÉ JAK A GYE (Épitre de Jacques) 4:16

Naa, sin, ka a kabo tɔ kɛlɛna blɛn ’wuogibɔrɔle blɛnnu nya. Botɔkɛlɛlɛ blɛn ’bɛ zo a we lɛrɛlɛrɛ nya.

SEBE LÉ JAK A GYE (Épitre de Jacques) 4:6

Naa, Kazambale éé zin taa kɛla kaa lɛ, bɛwemalé Kazambale lé sɛbɛ léé: Kazambale éé dɔa boblɛnmunu ma plɛplɛ; Naa, éé zin kɛla bokiénémunu lɛ.

1 Piɛri 5:5

É ziin, ’kaa mi boronénu, ’ka pla mi segelenu wuo. Yé ’kaa faa, ’ka ka ke kun é zima we faa gi, bo kɛlɛle kiéné nya, naa, Kazambale éé dɔa boblɛnmunu ma, Yé éé zin kɛla bokiénémunu lɛ.

2 Piɛri 2:10

Wonu lé, we tiridɔle lɔrɔ ke wo ma, amalé woo tawoo ’wo dɔbɛ kyɛn lé sɔlɛwe yɛrama bɛ, ’té woo sɔn vɔa mi plale wo nwiin ma bɛ, wozé é dan mini lɛ. Munu ’ko a yuɛmaplɛplɛzannu valé boblɛnzannu nya, yé wo ’ka kanaan laifuanu sɔnɔle ma lo,

2 Piɛri 2:12

Naa, wo lé wo ke bélé winu lé wo ’ka wo gi bɔrɔan lo, ’té Bale wo bɔra munu lé wo kunle yé wo wo gyɛ we ma bɛ, wo zo, wenu lé wo ’ka wo dɔɔa lo, woo wo sɔnɔan wo tanyila. Wo dan ga lɛ winu gabɛ gi.

2 Piɛri 2:18

Boawe blɛn kiɛre fele nya lé munu lé wo si lao mi sanlenu lé zi ta, woo wo sian ana mi dɔbɛ kyɛn sɔlɛwe valé pɛnpɛnnégyɛwenu nya;

2 Piɛri 2:3

Wo bli bɔle gɔɔli ma lé we ma lé wo dan fɛ si lɛ ka lee dabli dérenu nya; kleblele lé wa lɛ kini wo lɛ é kyɛn, alé kyɛ a bɔn?-?bɔn gyɛna wo tɔ ma, yé misanlenu gona a wo lɛbɛnna bli pɛpɛ nya.

SEBE LÉ JUD A GYE (Épitre de Jude) 1:16

Wa gungyɛzannu nya; wa mi tidiannu lé woo tawoo ’wobo lé sɔlɛwe yɛrama, wo nya; dére blɛnblɛnnu a wo ’léé; woo munu ze vɔa gi la, tɔnɔfɛ yele we ma.

Wegɔɔnle 13:1

A zuo, an wi do ye sina wɛyi va, a béli a vu yé a ’wuo a sɔrafié, yé kyankoro vu a a bélinu ta, yé Bale sɔnɔ tɔnu a é gyɛle a wuonu ma.

Wegɔɔnle 16:11

yé wo la gi Bale sɔnɔ wolé nyanéblelenu valé wo manɔnnu lé we ma, yé wo ’ka ’wo bli nɔla lɛ ’wo kɛlɛwenu ma lo.

Wegɔɔnle 16:21

Goowɔlɛlɛɛ blɛn si la gi yé é dia munu ta. A wɔlɛ do bɛn éé kilo sian yɔ fié. Migyɛgyɛ ’ko a blɛɛn, amalé munu Kazambale sɔnɔ mi gyɛ goowɔlɛlɛɛ lé we ma.

Wegɔɔnle 16:9

yé munu kyɛ ble kyɛ fulu plɛplɛ nya, yé Kazambale lé, migyɛgyɛ ’konu ke a lee, wa sɔnɔ, yé wo ’ka ’wo bli nɔla lɛ yé wa tɔ bɔ lo.