2 Timoté 3:16 - Kazambale lé Sebe Sauunu 1979

¹⁶ Kazambale lé sɛbɛ faa si Kazambale va yé a tɔnɔ a; éé we paan mi gi yé éé mi gya we nya; éé mi drɔan, yé éé kɛlɛle tegele lé we paan munu gi,

2 Timoté 3:16 ပူးပေါင်းရင်းမြစ်များ

2 Samuɛl 23:2

Gakelebale léli éé we fé an lɔlu nya, A dére a an nɛnɛ la.

Néémi 9:20

I léli zin nɔ wo lɛ wo kɛlɛle wedɔɔzannu nya we gi. I ’ka sɔn vɔ lɛ mana nɔle ma wo lɛ lo, yé i ’yi nɔ wo lɛ ’yiminilɔrɔ lé we ma.

Lɛrɛvɔ Sɛbɛ 119:11

Maa i dére paan an bli gi, Té an wenyané kɛlɛ i ma lo we gi.

Lɛrɛvɔ Sɛbɛ 119:130

I dére gi ’male éé mi va kinié. Munuan wo gi ’ka é kinile tegele lo, éé wo gi kinié.

Lɛrɛvɔ Sɛbɛ 119:9

Pɛniɛ a kɛla ka yé alé tawobɛ é kɛlɛ tegelee? ’É tawo i dére yɛrama ma.

Wegɔnévɔlenu 15:10

Mi lé é si zi drɔle ta, we lɛdɔle a gi plɛplɛ a a lɛbɛnna; mi lé éé weplale ’é lɛ za paan, é dan ga lɛ.

Wegɔnévɔlenu 15:31

Wepladére lé éé goo mi nya bélile va, mi lé éé tɔné dɔa ’bɛ lɛ, é dan nyana lɛ wedɔɔmunu va.

Wegɔnévɔlenu 6:23

Naa, weplale a kyɛbɔ nya, yé wepaale a kyɛsan nya, yé mi drɔ dérenu a mibélizi nya.

Misé 2:7

Jakɔb lé munu, é sɔ ka lɛ léé, ka we fe ’bɛ zoo? Gakelebale bli éé flian é kelee? Alé we kɛlɛbɛ lé ke bɛɛ? Dé mi lé we a é drɔle, an dére ’ka néné azé nya loo?

Sofoni 3:2

É ’ka é tɔné dɔa dére do kpen lɛ lo; é ’ka a nyi sié léé, wo ’é drɔ lo; é ’ka paan Gakelebale ta lo; é ’ka biéan élé Bale sɔnɔ lo.

Matio 13:52

É lé wo lɛ léma: Bɛwemalé, sɛbɛ?-?gifezannu faa lé wo Kazambale plale mi nwiin lé we dɔɔ, wa bélé kɔnzan lé éé fɛ dɛrɛnu valé fɛ kwanu sié élé fɛwezannu va, a zo.

Matio 21:42

Jézu lé wo lɛ léé: Dére lé wa gyɛ Kazambale lé sɛbɛ gi, ka ’ka tan a ta fe lɛ monomono loo? Wo léé: Gɔlɛ lé kɔndɔmunu sɔn vɔ a ma, É kɛlɛ kɔnsungɔlɛ nya. We ’ko si Mizambale va, Yé é a givuruwe nya ko yuɛ gi.

Matio 22:43

Jézu lé wo lɛ léé: É kɛlɛ kaa yé Kazambale Léli David nyunu yé é a laa ézaan? Naa, David léé:

Matio 26:54

Naa, dé maa kɛlɛ ’bɛ zo, Kazambale lé sɛbɛnu lé wo we ’konu fe wo gi, wo lɛ é dan sɔɔ lɛ kaa?

Matio 26:56

Naa, we ’konu faa bɔ, we lé balelayemunu a gyɛ Kazambale lé sɛbɛ gi, a lɛsɔɔle we ma. ’Bɛ zuo Jézu zuomunu si ’é zi vlan nya.

Maak 12:24

Jézu a zi pa wo lɛ léé: Ka ’ka Kazambale lé sɛbɛnu dɔɔa lo, yé ka ’ka Kazambale lé plɛplɛ dɔɔa lo, ’té ka ’ka saan loo?

Maak 12:36

David bozen a fe Léli Sauun nya léé: Mizambale lé anzan lɛ léé: ’I nyana an bɛyila Fɔɔ yé maa i nyanézannu pla i wuo.

WENÉNÉ LE JAN A GYE (Évangile selon Jean) 10:35

Munu lé wo Kazambale lé we fe wo lɛ, dé Kazambale lé sɛbɛ wo laa balenu, yé dé sɛbɛgiwe ’ka bɔaléé, é kɛlɛ we pla nya lo,

WENÉNÉ LE JAN A GYE (Évangile selon Jean) 3:20

Miomian éé wenyané kɛla, san za a a gi yé é ’ka dan san va monomono lo, dé wo da é kɛlɛwenu ye;

Kelewenu 1:16

An bwenu, we lé wa gyɛ Kazambale lé sɛbɛ gi, ’té Léli Sauun a fe é kyɛn David lɔlu nya Judas lé we ma, ’té é ke zi gɔɔnzan nya Jézu kunmunu lɛ bɛ, é a lé a lɛ é sɔɔ.

Kelewenu 18:25

Wo Mizan lé zi ta wenu paa a gi é kyɛn, yé é Jézu lé we fe munu lɛ é fuu nya é ta, yé é Jézu lé we paa wo gi tegele, dɔlé té é Jan lé batizé saa ɛ dɔɔ.

Kelewenu 20:20

Ka a gi dɔɔ léé, wenu lé wo ka ma we nyian wo, an ’ka a gɔ do kpen yɔɔ lɛ ka ma lo. An we fe ka lɛ yé an we paa ka gi gɔrɔ la valé kɔnnu gi, té kana ’ka an gi lo,

Kelewenu 28:25

Wo kini aan wo ékema ’té woo za vɔa, Pɔl we sɛné fe é ziin yé é lé wo lɛ léé: Wezen lé Léli Sauun a fe ka tranu lɛ balelayezan Ézai lɔlu nya; é léé:

Rom munu 15:4

Yé we faa lé wa gyɛ é kyɛn sɛbɛ gi, wa gyɛ we paale kaa gi we ma, léé, kaa bli ’é kɛlɛ we lɛ. Dé kaa bli kɛlɛ tiéé, ’té Kazambale lé sɛbɛ éé kaa tɔrɔ paan, ’bɛna lé kaa bli é dan kɛlɛ lɛ we lɛ.

Rom munu 3:2

É a blɛn bɛ faa ma; a vininzan lé ke ’ko: Kazambale é dérenu bɛ pa Juifinu lee.

Rom munu 4:23

Naa, yee do kpen lé we ma‐an wa gyɛ sɛbɛ gi léé, ’bɛ nɔla a ma we tegele nya lo;

1 Korent munu 12:7

Kazambale éé blɛ gulian mi faa do do ma é Léli nya, munu faa lé a gi tɔnɔ yele we ma.

Galasi munu 3:8

É ziin, Kazambale lé sɛbɛ a fale vɔ é kyɛn léé, Kazambale é dan bɛn bɛnu kɛlɛ lɛ tegele blipale nya; yé é wenéné ’ko fe Abraam lɛ a bléyi ’lɛ yé é léé: Bɛnnu faa drɔɔ é dan vo lɛ i gi.

Bélidɔwesɛbɛ Fiézan 29:29

Weyɔɔlenu a Gakelebale, kolé Bale zé nya; wenagɔɔnlenu a ko valé kolé nénu zé nya, yifaama, léé, ko tawo bélidɔwe ’konu faa ta.

Bélidɔwesɛbɛ Fiézan 4:36

Kazambale a kɛlɛ léé, ka ’é dére ’ma la gi, we paale ka gi we ma; yé é a kɛlɛ léé, ka ’élé kyɛ blɛn ye tɛrɛ la, yé ka ’é dére ’ma wefena kyɛ méléna.

2 Timoté 2:25

Munu lé woo za vɔa a lɔ ma, é a lé é we pla wo lɛ bli drɔɔ nya, ’té a bli a a lɛ léé, Kazambale é dan wo bli nɔla lɛ yé wo webozen dɔɔ,

2 Timoté 4:2

’i Kazambale dére fe; ’i dɔ a ta plɛplɛ bléyi faa va, dé é a bléyi zin nyaoo, dé é ’ka a nya looo, ’i dɔ a ta plɛplɛ; ’i we vɔ munu lɛ, ’i we pla wo lɛ, ’i kwa kuli wo ma. ’Bé kɛlɛ bli tiéé nya, ’té i we paan wo gi yifaama.

Ébrunu 11:1

Fɛnu lé mi bli ke wo lɛ, blipale ɛ wo yé; fɛnu lé mi ’ka wo yé lo, blipale ɛ ke wo nagɔɔnzan nya.

Ébrunu 3:7

Bɛwemalé Léli Sauun a fe ’ko zo, léé: Kyɔ, dé ka a dére ma,

Ébrunu 4:12

Naa, Kazambale dére a é yuɛma, yé a ’lɛ a, yé a ’lɛ mini gwɔun‐o gwɔun‐an a ’léé ke fié, a ta, yé éé wɔraan fɔɔ yé éé mi boen valé é léli kini‐é ékema, yé éé mi wɔlɛ vɔna é ke ’léénu valé mi zununu kinié ékema yé éé migiblinu lé we valé mi bɔn‐in bɔrɔlenu lé we va sié.