2 Timoté 2:22 - Kazambale lé Sebe Sauunu 1979

²² Wenu lé a lɔrɔ éé pɛniɛnu gya kaii bɛ, té wo lɔrɔ i gyɛ lo. Kɛlɛle tegele koo, blipale koo, sɔlɛle koo, vole drɔɔ koo, munu lé woo Mizan tɔ laan wo bɔn gi fu nya, wa kwa kulina wo yele we ma. ’I pa wo va yé ’ka kwa kuli wo nya.

2 Timoté 2:22 ပူးပေါင်းရင်းမြစ်များ

Lɛrɛvɔ Sɛbɛ 119:9

Pɛniɛ a kɛla ka yé alé tawobɛ é kɛlɛ tegelee? ’É tawo i dére yɛrama ma.

Lɛrɛvɔ Sɛbɛ 17:1

David lé bazorole. Gakelebale, ’i tɔné dɔ we tegele lɛ, ’i an siaalenu ’ma, Anlé bazorodére lé maa a fe an lɔlu nya, ’té dabliwe ’ka a va lo bɛ, ’bé ban i tɔné nya.

Wegɔnévɔlenu 15:8

Mi nyanénu lé saraka a lɛrɛlɛrɛ Gakelebale yuɛ gi, naa, mi drɔlenu lé bazorole éé sɔa a lɛ.

Wegɔnévɔlenu 6:5

’I si we ’ko gi, bélé gan éé vlan buruwo lupazan lee fɛan zo, a zo; bélé miané éé sié é gyɛzan lee fɛan zo, a zo.

Wegɔnévɔlenu 7:8

É a giéna kɔn méléna zinu ta, zi blan do lé bɛn le do ke é dɔle a ta, ana, yé é gié a sɔnɔ, yé é go alé kɔn ’léé;

Lévinu 15:18

Dé gɔné valé le yii, wo fiénu é dan zuru lɛ, ’té wa é naané duowo fɔɔ yé nyanadi é pa.

Kelewenu 7:59

Bléyian va lé wa Étiɛne gyɛna gɔlɛ nya, ’té éé bazoroan a fele nya léé: Mizan Jézu, ’i an si.

Kelewenu 9:14

Balebanmunu segelenu a se kɛlɛ a lɛ léé, munu faa lé wo ke i tɔ laana fɛkona, é bale vɔ ’bɛnu ma.

Rom munu 14:17

Naa, Kazambale plale mi nwiin ’ka fɛblele valé fɛminile lé we nya lo; naa, kɛlɛle tegele koo, vole drɔɔ koo, gi nanale koo, wo nya lé é ke Léli Sauun gi.

Rom munu 14:19

Bɛwemalé, wenu lé wo mi vo drɔɔ, ’té woo mi faa dɔa gligli, ’ka wo ɛ kɛlɛ ma.

1 Korent munu 1:10

Bwenu, maa we plaan ka lɛ Kaazan Jézu Krist tɔ gi, ka dére ’é kɛlɛ do. Té ka gɔnɔ kini monomono lo, naa, ka faa ’é vo ékeva tegele bli do valé gibɔrɔle do nya.

1 Korent munu 1:2

’Kaa Kazambale lé léglizigimunu lé ka ke Korɛnt, ’té Kazambale ka pa é yɛrama Jézu Krist gi, yé é ka laa ka kɛlɛle alé munu nya we gi bɛ, ko we ka va. ’Kaa faa lé ka Kaazan Jézu Krist tɔ laan, dé ka a fɛofɛana, ko we ka va. Sɛbɛ ’ko a kazé nya é ziin.

1 Korent munu 10:14

Bɛwemalé, an blibɔmazannu, ’ka sɔn vɔ miyili bɔle ma.

1 Korent munu 14:1

’Ka kwa kuli yé sɔlɛle ’é kɛlɛ ka gi. ’Bɛ zuo ka bli ’é bɔ Kazambale Léli lé blɛnu ma, naa, blɛ bɛnu faa ta loru, ka bli ’é bɔ balelawefe blɛ ma.

1 Korent munu 6:18

’Ka so pɛnpɛnnégyɛle lee vlan nya. Wenyané bɛnu lé mi éé ’bɛnu kɛla, ’bɛ ’ka mi kɔlɛ gi lo, naa, mian é ébo no pɛnpɛnnégyɛle lɛ, ’té ’bɛzan ɛ wenyané kɛla ébozen kɔlɛ ma.

1 Timoté 1:14

Yé Kaazan élé zin kiɛre kɛlɛ an lɛ yé blipale valé sɔlɛle lé é ke Jézu Krist gi, é wo vɔ an bli gi blɛn.

1 Timoté 1:5

Wean ma lé maa a fe, yee lé ke ’ko: é a lé sɔlɛle é kɛlɛ ka gi; sɔlɛle lé éé sié bli gibɔle koo, wevasibli zima koo, blipale bozen koo, wo va, yee lé.

1 Timoté 2:8

Bɛwemalé é sɔ an lɛ léé, munu ’é bazoro fɛfaana, wo bɛ sauun nwale nya, ’té bliflile valé zavɔbli ’ka wo gi lo.

1 Timoté 4:12

Té mi do kpen i ye kiéné i boroné we ma lo, naa, ’i kɛlɛ blipamunu lé wekɛlɛmazan nya dére koo, giébɛ koo, sɔlɛle koo, blipale koo, kɛlɛle sauun koo, wo gi.

1 Timoté 6:11

Naa, bii Kazambale lé mi, ’i vlan buru we ’konu lee, yé we tegele koo, Kazambale lé zi sɔlɛle koo, blipale koo, sɔlɛle koo, bli tiéé koo, bli drɔɔ koo, ’i kwa kuli léé, wo vɔ i bli gi.

Ébrunu 12:14

’Ka kwa kuli yé ka vo mi faa va drɔɔ, yé ’ka kɛlɛ sauun. Dé mi ’ka kɛlɛ lɛ sauun lo, é ’ka dan Mizambale ye lɛ lo.

1 Piɛri 2:11

’Kaa lé ka sɔ an lɛ, ka a bɛnnu valé giézannu nya, amalé maa we plaan ka lɛ léé, mi dɔbɛ kyɛn lé blibɔmawenu lé woo guli daan mi boen va, ’ka daan wo ma.

1 Piɛri 3:11

’É si wenyané ma baa yé ’é wezin kɛlɛ ma, ’É vole drɔɔ nagini yé ’é go a zuo ma,

3 Jan 1:11

An béé zin, té i wenyané zuosona lo, naa, ’i wezin ɛ zuosona ma. Mian éé wezin kɛla, é a Kazambale zé nya; mian éé wenaané kɛla, é ’ka Kazambale ye lɛ lo.