2 Timoté 2:19 - Kazambale lé Sebe Sauunu 1979

¹⁹ Kazambale lé wegane a é vɔle gligli duowo; naa, a dɔgligli dérenu lé ke ’ko: munu lé wo ke Mizan zé nya, é wo dɔɔ; yé mian éé Mizan tɔ laan, ’é daan weple ma ma.

2 Timoté 2:19 ပူးပေါင်းရင်းမြစ်များ

JOB (Job) 28:28

Yé é lé blami lɛ léé: I a yé loo? Kanale Mizan lee lé ke wedɔɔle nya, Sile wenaané ma baa ɛ ke gikinile nya.

Lɛrɛvɔ Sɛbɛ 1:6

Naa, Gakelebale mi tegelenu lé zi dɔɔ, Yé wenyanékɛlɛzannu lé zi éé goo mi sɛrɛna.

Lɛrɛvɔ Sɛbɛ 112:6

É ’ka dan saan lɛ monomono lo, Naa, mi tegele sele a munu gi yifaama;

Lɛrɛvɔ Sɛbɛ 34:14

’I yuɛ pa ibo va wenyané fele ma; Yé ’i yuɛ pa i lɔlu va dabli dérenu fele ma;

Lɛrɛvɔ Sɛbɛ 37:18

Munu lé wolé we ke tegele, Gakelebale wozé yinu dɔɔ, Yé wolé fua éé voo ana yifaama.

Lɛrɛvɔ Sɛbɛ 97:10

Ka‐an, Gakelebale sɔ ka lɛ, ’ka wenaané za pa ma. Éé yuɛ paan élé yarapawetazannu boen va, Éé wo sié minyanénu lee.

Wegɔnévɔlenu 10:25

Barikoko éé giéan fɛan zo, a zo duo lé mi nyané ta éé saan; naa, mi tegelenu lé wegane a é vɔle yifaama.

Wegɔnévɔlenu 3:7

Té ibozen ye wedɔɔzan nya lo; ’i kana Gakelebale lee, yé ’i yara si wenyané ta;

Ézai 14:32

Munu lé wo wo nwunvɔ, wo dan a zi pa lɛ wo lɛ nɔɔ? Wo dan a fe lɛ wo lɛ léé: Gakelebale Siɔn gane vɔ, yé alé munu lé wenaané bɔ wo ma, woo yɔɔna yé ’bɛna.

Ézai 28:16

Bɛwemalé, Mizan Gakelebale léé: Ka ye, maa Siɔn gane vɔ gɔlɛ do nya. Wo gɔlɛ ’ko nagini, yé wa ye kɔnsungɔlɛ zin nya yé é a é vɔle gligli. Mi lé é gɔlɛ ’ko si ’é dɔlafɛ nya, é ’ka dan fwi lɛ lo.

Ézai 63:19

Ana mɔn, ko kɛlɛ bélé munu lé i ’ka plale wo nwiin lo, ’té wo ’ka wo laan i tɔ nya lo, wo zo. Oo, dé é a kɔɔn lé i la fee gyɛ yé i zun, gɔnu ma é dan nyɔɔn lɛ i ’lɛ,

Ézai 65:15

Ka tɔ é dan vo lɛ bale pa mi ma tɔ nya anlé munu lé maa wo si a va, wo lɛ. Mizan Gakelebale é dan ka gyɛ lɛ yé é dan tɔ dɛrɛ pa lɛ é wuozannu ma.

Ézékiɛl 9:4

Gakelebale lé a lɛ léma: ’I gié Jérusalɛm woro dii yé munu lé woo bakinima flin woo, ’té munu lé bozowenu kɛlɛle éé wu vɔa wo ma bɛ, ’i tɔmase gyɛ wo yarapɛla.

Naum 1:7

Gakelebale a é zin, É a mivɔzizan nya klebleyi la; Munu lé woo paan a ta, é wo dɔɔ.

Agajé 2:23

Lai sunyanu lé Gakelebale léma: ’Bɛ yi la, bii an wuozan Séaltiɛl be Zorobabɛl, maa dan i si lɛ, maa dan yuɛ pa lɛ i va bélé minwiinzan lé bɛmakyan zo; maa i si a va, azama. A zo lé lai sunyanu lé Gakelebale a fe.

Zakari 3:9

Bé ye, gɔlɛ lé maa pla Jozué ’lɛ, yuɛ sɔrafié a gɔlɛ do ’ko ma; lai sunyanu lé Gakelebale léma: Guru lé é a lé wa vɔ a ma, maa dan guru ’ko vɔ lɛ a ma anboan; maa dan tɛrɛ ’ko lé wenyané si lɛ é ma yi do kpen.

Mi Nɔnɔle 16:5

É lé Koré valé é vamunu lɛ léma: Tɛlɛ, mi lé é ke Gakelebale zé nya, yé mi lé é ke mi segele nya, Gakelebale é dan a gɔɔn lɛ, yé é dan ’bɛzan bié lɛ ’é ma; mian é a si ’ézé nya, é dan ’bɛzan bié lɛ ’é ma.

Mi Nɔnɔle 6:27

’Ko zo lé wo dan an tɔ pa lɛ Izraɛlnu ta yé maa wo drɔɔ vo.

Matio 24:24

Dabli Kristnu valé viébalelayemunu é dan nwa lɛ yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

Matio 28:19

’Ka go, ’ka bɛnnu faa kɛlɛ an zuomunu nya, yé ’ka wo batizéwo Ti koo, Be koo, Léli Sauun koo, wo tɔ gi,

Matio 7:23

Naa, an dan a fe lɛ wo lɛ kpaklaa léé: Maa ’ka ka dɔɔ lɛ monomono lo. Ka lé ka weple kɛla, ’ka si an ma.

Matio 7:25

Lɛɛ da, yé ’yi fan; fu gié plɛplɛ yé é zén kɔn ’ko ma. É a é dɔle gɔlɛ ta, bɛwemalé é ’ka zana lɛ monomono lo.

Maak 12:16

Wo da a do nya a lɛ yé Jézu a laa wo lee léé: Foto ’ko valé sɛbɛgyɛle ’ko, de zé léé? Yé wa zi pa léé: Sézaa zé lé.

Maak 13:22

Dabli Kristnu valé viébalelayezannu é dan nwa lɛ, yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

WENÉNÉ LÉ LUK A GYE (Évangile selon Luc) 13:27

yé é dan a fe lɛ ka lɛ léé, ’é lé ka lɛ léé, ’é ’ka ka sina dɔɔa lo. ’Kaa lé ka weple kɛla, ka faa ’é si ’é ma.

WENÉNÉ LÉ LUK A GYE (Évangile selon Luc) 6:48

É a bélé mi lé é ke kɔn dɔna, yé é kɔngane vɔna guru bo baa, yé é kɔngane vɔ gɔlɛ ta, a zo. ’Yi fan yé ’yiyoro plɛplɛ zén kɔn ’ko ma yé é ’ka zana lɛ lo; wa dɔ é zima, azama.

WENÉNÉ LE JAN A GYE (Évangile selon Jean) 10:14

Maa a ’blatabinzan zima nya. Maa anlé ’blanu dɔɔ yé wo an dɔɔ,

WENÉNÉ LE JAN A GYE (Évangile selon Jean) 13:18

Maa ’ka we ’ko fena ka faa lé we ma lo; munu lé maa wo si a va, maa wo dɔɔ. Kazambale lé sɛbɛ gi we lé é a fe léé, Mi lé éé buru blé an va, Yee ɛ é ganetɛn nwa an ma, é a lé a lɛ é sɔɔ.

WENÉNÉ LE JAN A GYE (Évangile selon Jean) 3:33

Mi lé é ’wuo dɔ a dére wuo, ’bɛzan léé: Kazambale a webozen nya.

Kelewenu 11:26

É a ye aan wo é goan Antiɔs. Wo vo ’bɛna lɛɛ do; dé léglizigimunu zén ékeva ’té wa ’bɛnu va yé wo vo we paana mi kiɛre gi. Antiɔs lé wo zuomunu tɔ pa Krétiɛn é vinin.

Kelewenu 15:17

Mi pɔnénu lé Mizambale naginile we gi, É valé bɛnnu faa lé, an tɔ ke wo ma, wo nya. Mizambale lé é we ’konu kɛlɛ,

Kelewenu 9:14

Balebanmunu segelenu a se kɛlɛ a lɛ léé, munu faa lé wo ke i tɔ laana fɛkona, é bale vɔ ’bɛnu ma.

Rom munu 11:2

Kazambale lé munu lé é wo dɔɔ é kyɛn, é ’ka sɔn vɔ lɛ wo ma lo. We lé Kazambale lé sɛbɛ a fe Éli lé we ma, ka ’ka a gi dɔɔa loo? É Izraɛl tɔ fe Kazambale lɛ fɛan zo, ka ’ka a gi dɔɔa loo?

Rom munu 12:9

Té ka mi lɔrɔ pa dabli nya lo ma. Wenyané za ’é vo ka gi ma. ’Ka kun wezin kɛlɛle ma plɛplɛ ma.

Rom munu 15:20

An giwe lé ke léé, ’maa Wenéné ’ko fe fɛana lé wo ’ka tan Krist tɔ ’ma lɛ monomono lo, wona, té maa kɔn dɔ mi bɛ lé kɔngane ta lo we gi;

Rom munu 15:9

Yé ’bɛ saa kaan lo, bɛn bɛnu é ziin, woo Kazambale tɔ bɔa alé nyanai zénle wo ta we ma. We ’ko a é gyɛle Kazambale lé sɛbɛ gi, léé, Bɛwemalé maa dan i tɔ bɔra lɛ bɛnnu va, Yé maa dan i tɔ bɔ lɛ lɛrɛvɔle nya.

Rom munu 8:28

Yé kaa gi dɔɔ léé, munu lé Kazambale éé sɔa wo lɛ, ’té Bale wo laa ’é bɔn‐in danle yɛrama bɛ, we faa lé éé bɔa wo ma, Kazambale a nɔlaan wo ma wezin nya.

Rom munu 9:11

Kazambale lé mi va?-?vobɛ lé ke ’ko: é ’ka mi sié a va wo kɛlɛwenu ma lo, éé wo laan é wo. ’Bɛ lé we ma lé, dé Rébéka ’ka tan nénu ’ko yaa lɛ lo, ’té nénu ’ka tan wenyané valé wezin kɛlɛ lɛ lo, Kazambale lé Rébéka lɛ léé, a vininzan é dan pla lɛ é zuané wuo. ’Bɛ a gɔɔn léé, Kazambale dɔ ézé ta tegele.

1 Korent munu 1:2

’Kaa Kazambale lé léglizigimunu lé ka ke Korɛnt, ’té Kazambale ka pa é yɛrama Jézu Krist gi, yé é ka laa ka kɛlɛle alé munu nya we gi bɛ, ko we ka va. ’Kaa faa lé ka Kaazan Jézu Krist tɔ laan, dé ka a fɛofɛana, ko we ka va. Sɛbɛ ’ko a kazé nya é ziin.

1 Korent munu 8:3

Naa, dé Kazambale sɔ mian lɛ, Kazambale ’bɛzan dɔɔ.

2 Korɛnt Munu 7:1

An sɔlɛzannu, blivolɛdére ’ko zonu a kaa lee, amalé kaa dɔbɛ kyɛn ma tiridɔfɛnu valé léli ma tiridɔfɛnu faa si kaa ma ma, kaa kɛlɛle sauun lɛsɔɔle we ma, kanale Kazambale lee nya.

Galasi munu 4:9

Naa lao, ka Kazambale dɔɔ. ’Bɛ ta loru, Kazambale ɛ ka dɔɔ. Yé é kɛlɛ kaa yé ka nɔla boawe tɔɔtɔɔ vininzannu ’ko vaa? É kɛlɛ kaa yé ka kɛlɛle wolé luu nya nyi si é ziin?

Éfez munu 2:20

Ka a é dɔle kɔngane lé é ke nwunvɔmunu valé balelayezannu nya, wo ta, yé Jézu Krist bozen ɛ ke kɔnsungɔlɛ nya.

Éfez munu 3:15

lagi lele valé tɛrɛ la lele faa tɔ éé sié a va, a ’lɛ, ’té maa laan a lee léé,

Éfez munu 4:30

Té ka Kazambale Léli ’namawe kɛlɛ lo, a nya lé Kazambale fɛ dɔ ka ma taboyi zé nya.

1 Timoté 6:19

’Bɛ zo we kɛlɛle nya lé wo dan fɛwezannu zun dɔ lɛ tɛlɛ tɛlama zé nya é ta nya drɔɔ é pla, yé ’bɛ ma lé wo dan bélile bozen ye lɛ.

Ébrunu 11:10

Fla blɛn lé, a gane ke é vɔle gligli, ’té Kazambale ke a ninikinizan valé a pazan nya bɛ, ’té éé ’bɛ lɛbɛn‐é.

2 Piɛri 3:14

Bɛwemalé, an blibɔmazannu, bléyian va lé ka ke we ’konu lɛbɛnna, ’ka yara pa kabo ma’lɛrɛle ta léé, a yi ’é bɔ ka ma drɔɔ, ’té ka tiri ’ka lo, ’té ka nwiin a é pla.

1 Jan 2:19

Wo si kaa méléna, naa, wo ’ka kaazé nya lo. Dé é vo léé, kaazé lé é ke wo nya, ’té wo vo kaa va kɔɔn. We ’ko kɛlɛle ma lé munu faa a gi dɔɔ léé, wo faa ’ka kaazé nya lo.

Wegɔɔnle 17:8

Wi lé bé ye, é ana é kyɛn yé é ’ka ana é dɛrɛ lo. É a lé, ’é si guru lé a wɔlɛ ma nyaana ’ka lo, a gi, yé ’é go mi sanlenu gona. Yé tɛrɛlamunu lé wo ’ka wo tɔ gyɛ lɛ mi bélilenu tɔgyɛlasɛbɛ gi tɛrɛ pélisia bléyi va lo, wo gi é dan vuru lɛ wi ’ko yele ma; naa, é a é kyɛn, yé é ’ka ana é dɛrɛ lo, yé é dan bɔra lɛ é ziin, ’bɛzama.

Wegɔɔnle 2:13

Maa i nyanana dɔɔ, yé maa a gi dɔɔ léé, ana lé Satan lé blin ke. An tɔ a i ’léé, yé yian nya lé wo anlé yarapawela wenayezan Antipas gyɛ ka va, fɛana lé Satan nyanana ke, ana, ’bɛ yinu nyaoo, i bli ’ka si lɛ anlé we lɛ duowo lo.

Wegɔɔnle 21:14

Fla gɔrɔ gane vɔna a vu ta fié yé wo ta lé ’Blané lé nwunvɔmunu vu ta fié tɔnu ke é gyɛle do do.

Wegɔɔnle 22:4

yé wo dan a yara ye lɛ, yé a tɔ é dan kɛlɛ lɛ wo yarapɛla.

Wegɔɔnle 3:8

Maa i kɛlɛwenu dɔɔ. Bé ye, plɛplɛ kiéné a i lee, i tawo an dére ta, yé i ’ka an tɔ yɔɔ lɛ lo, amalé an zi lɛ so i lɛ, yé mi do kpen ’ka bɔa a lɛ tanle lɛ lo.