2 Timoté 2:14 - Kazambale lé Sebe Sauunu 1979

¹⁴ ’I we ’ko sele dɔ munu gi, we plale wo lɛ plɛplɛ nya Kazambale yara léé, té wo zavɔ dére gɔ do do ta lo. A tɔnɔ ’ka lo, yé munu lé wa maan, éé wo ’wuo sɛra.

2 Timoté 2:14 ပူးပေါင်းရင်းမြစ်များ

Jérémi 16:19

Gakelebale, anlé plɛplɛ, an tɛngizan, bii a an yɔɔna nya klebleyi nya. Bɛnnu é dan si lɛ tɛrɛ glɛ sina yé wo da i va, yé wo dan a fe lɛ léé: Viéfɛnu saa lé ko tranu a ye tɔnɔfɛ nya, yee valé miyili boanu lé wo tɔnɔ ’ka lo, wo nya.

Jérémi 2:11

Bɛn lé é ézé balenu tavɔɔan Dɔlé ’té wo ’ka bale bozennu nya lo, ’bɛ bɛn a kyɛɛn? Naa, anlé munu wozé Fuabale tavɔɔ yonu lé wo ’ka bɔa mi va lo, wo nya.

Jérémi 2:8

Balebanmunu ’ka maa Gakelebale ta laan boenwo lo. Munu lé woo bélidɔwe paan munu gi, wo ’ka an dɔɔ lɛ lo. Bale lé munu tabinzannu ’ka kɛlɛ lɛ yarapawelamunu nya an ’lɛ lo. Balelayezannu balelawe fe Baal tɔ gi, Yé fɛnu lé wo ’ka bɔa mi va lo, wo go ’bɛnu zuo.

Jérémi 23:32

Gakelebale léma: Ka ye, munu lé woo vié nyɛ gi fé balelawe fele nya, ’té woo wo gi fé, ’té woo anlé munu saan wolé viéwole valé wo yara plɛplɛ nya, maa a wo ma. Maa ’ka wo pa lɛ zia lo, maa ’ka we fe lɛ wo lɛ lo, wo ’ka we zin do kpen nyian wo anlé munu ma lo. Maa Gakelebale ɛ ke a fena.

Jérémi 23:36

Naa, té ka fe é dɛrɛ léé, Gakelebale lé wevɔmilɛdére, lo. Naa, dé mian é a fe a zo, Bale é dan we gɔɔn lɛ ’bɛzan lɛ. Ka Bale yuɛmale, lai sunyanu lé Gakelebale, kolé Bale dére plɛn‐an.

Jérémi 7:8

Naa, ka ye, ka kabo no dablikɛlɛ?-?dérenu lé wo ’ka we do kpen kɛla mi lɛ lo, wo lɛ.

Abaku 2:18

Miyili nyaale tɔnɔ a mɛ fɛ nya yé nyanamapazan a nyaan? Yé fɛfoto selele lé éé viéwe paan mi gi, ’bɛ é mɛ we nyian wo mi ma, yé nyanamapazan lé é a sele bɛ, yé éé paan a taa? dɔlé ’té é a bobogyɛ miyilinu ɛ kɛlɛna bɛ.

Matio 16:26

Yé dé mi tɛrɛlafɛ faa ye, dé ébozen san, ’bɛ tɔnɔ lé ke mɛ fɛ nyaa? yé mi éé mɛ fɛ no ébozen pa gii?

Kelewenu 13:10

Dabli gɔnɔ faa kɛlɛ gɔné, misaangɔné, yosɔlɛgɔné, we tegelenu faa nyanézan. I ’ka dan daan lɛ Mizambale lé we tegelenu gi sɛrɛle ma loo?

Kelewenu 15:24

Ko a ’ma léé, mi kenu lé wo si ko va, ’té ko ’ka wo nwunvɔ lɛ lo, wo gi bɔrɔ pa ka ma wo dérenu nya yé wo ka gi vuru ka ma.

Rom munu 14:1

Mi lé a bli ’ka é pale tegele lo, ’ka ’bɛzan si é zima, naa, mi do léé, ’ézé kɛla ’ko zo, yé a do léé, ’ézé kɛla ’ko zo, naa, té ka zavɔ ’bɛ wenu ta lo.

Galasi munu 1:7

É ’ka kɛlɛ lɛ léé, wenéné bɛ a lo, naa, mi kenu ana, é sɔ wo lɛ léé, ’wo Krist lé Wenéné nɔla yé ’bɛ gi bɔrɔ pa ka ma.

Éfez munu 4:17

We lé maa a fé, ’té maa a plaan ka lɛ Mizan tɔ nya, yee lé é ke ’ko: Yolémunu lé woo tawoo boblɛn ’wuogibɔrɔlenu yɛrama bɛ, té ka tawo é dɛrɛ wo zo lo.

1 Tɛsalɔnik munu 4:1

É ziin, bwenu, é a lé kalé tawogane é kɛlɛ fɛan zo yé kalé we é sɔ Kazambale lɛ, ko a fe ka lɛ. Yé ka a tawona ko dére ta. Ko a zanté vɔna ka lɛ, ’té ko we plaan ka lɛ Mizan Jézu tɔ nya léé, ’ka a kɛlɛle gi gyɛ.

2 Tɛsalɔnik munu 3:6

Bwenu, ko we plaan ka lɛ Kaazan Jézu Krist tɔ nya léé, Krétiɛn faa lé wolé tawobɛ ke é vɔɔle, ’té wo ’ka tawoo kolé wepaale yɛrama lo, ’ka kini wo nya ékema.

1 Timoté 1:4

té wobo pa fiinvɔle ma lo, té wobo pa ’wo tranu dɔgɔnɔ gɔɔnle lé é ’ka nyaan lo, ’té éé dan zavɔlenu nya bɛ, wo ma lo. Mi mawe lé Kazambale a bɛ pa ékema é kyɛn, we ’konu ’ka ’bɛ gɔɔn‐an mi lɛ lo; blipale nya lé mi éé ’bɛ gi maan.

1 Timoté 1:6

Mi kenu yara si we ’konu ta, ’té woo ’wobo saan zavɔle planu nya.

1 Timoté 4:8

Kazambale lé zi ta tawole ’é i kun ma. Mi kɔlɛ lé we kɛlɛle yé é a kun, a tɔnɔ a sɛ, naa, Kazambale lé zi ta tawole ɛ tɔnɔ ke yifaama; a ma blivolɛdére lé ke léé, éé mi bélié tɛrɛ la ’ko, yé gale zuo éé mi bélié é ziin.

1 Timoté 5:21

Kazambale koo, Jézu Krist koo, lanjenu lé Bale wo si a va koo, ko a wo faa ’lɛ; maa lé i lɛ léé, ’i tawo dére ’ko ta; té i we do kpen ble é voro va lo; té i we do kpen kɛlɛ lele valé béé ma lo.

1 Timoté 6:13

Kazambale lé éé flinle no fɛ faa lɛ, é valé Jézu Krist lé é blipale tɔbɔwe kɛlɛ Pɔns Pilat yara, ko a wo fiénu ’lɛ ’ko; maa lé i lɛ léé,

2 Timoté 1:6

Bɛwemalé an we plaan i lɛ léé, Kazambale lé blɛ lé é a kɛlɛ i lɛ an bɛnu plale i ta nya bɛ, bé kyɛ dɔ é ziin.

2 Timoté 2:16

’I paa tɛrɛla boawenu fele ma, naa, munu lé woo wo fé, wolé Kazambale lé zi sɔnɔwe gi é dan gyɛ lɛ yifaama,

2 Timoté 2:23

Zavɔwe planu lé é ke tavowenu nya bɛ, ’i sɔn vɔ wo ma. Bé gi dɔɔ léé, woo ɛ dan wesialenu nya.

2 Timoté 4:1

Kazambale valé Jézu Krist lé é dan mi galenu valé mi yuɛmalenu lé we ble lɛ bɛ, ko a wo ’lɛ; maa lé i lɛ Jézu dale valé a plale mi nwiin tɔ gi léé,

Tite 3:1

’Bé sele dɔ munu gi léé, ’wo pla minwiinmunu faa wuo; ’wo wo lɛdɔma; nyanama zin gɔnɔ faa pale ’é sɔ wo lɛ;

Ébrunu 13:9

Té ka we paale dɛrɛ bɛnu nyi si lo. Naa, mi bli dɔle gligli zin nya fila vɔ é mini fɛblelenu lé, wo tɔnɔ ’ka é blemunu ma lo, wo ta.

2 Piɛri 1:13

É dɔ an gi léé, é a lé maa ka vo é vuole we plale ka lɛ nya, bléyi faa lé an ke sɔkɔn ’ko gi, a bléyi va,

1 Samuɛl 12:21

té ka diéra lo; dé ’bɛ kaan lo ka dan go lɛ boafɛnu zuo, ’té wo tɔnɔ ’ka lo yé wo ’ka ka sié we gi lo; wa boafɛnu nya, azama.