2 Timoté 2:12 - Kazambale lé Sebe Sauunu 1979

¹² dé ko yara pa alé we kɛlɛle ta, ko dan pla lɛ munu nwiin a va; dé ko sɔn vɔ a ma, yee é ziin, é dan sɔn vɔ lɛ ko ma.

2 Timoté 2:12 ပူးပေါင်းရင်းမြစ်များ

Wegɔnévɔlenu 30:9

dé an da fɛ kiɛre ye, yé maa sɔn vɔ i ma yé maa léé, de ɛ ke Gakelebale nyaa? Taa, dé nyané é da an gyɛ yé maa kyeen wo yé maa anlé Bale tɔ sɛrɛ.

Matio 10:33

naa, mian éé an tɔ yɔɔan munu va, maa dan ’bɛzan tɔ yɔɔ lɛ é ziin, an Ti lé é ke la gi, a va.

Matio 26:35

Piɛri lé a lɛ léé: Dé é a gale i va nyaoo, maa ’ka dan a fe lɛ léé, an ’ka i dɔɔa lo lo. Yé Jézu zuomunu pɔnénu faa yee we duo ɛ fe.

Matio 26:75

Yé dére lé Jézu a fe léé: Dé manegɔné ’ka tan we lɛ lo, i dan a fe lɛ gɔnɔ yaa léé, ’é ’ka an dɔɔa lo, a sele dɔ Piɛri gi. Yé é bɔra yé é vo wuvɔna kaii.

Maak 10:33

Ka ye, kaa a gona Jérusalɛm yé wo dan maa blami Be pa lɛ Balebanmunu segelenu valé sɛbɛgifemunu lee. Wo dan ga dɔ lɛ an nwiin, yé wo dan an nɔ lɛ bɛn bɛnu lɛ,

Maak 8:38

Naa, mian éé yara gya maa valé an dérenu lé we ma, bléyi ’ko vamunu lé wo ke pɛnpɛnnégyɛzannu valé wenyanékɛlɛzannu nya, wo méléna, dé maa blami Be da an Ti lé fuasan nya, é valé lanje sauunnu nya an va, yara é dan an gyɛ lɛ ’bɛzan lé we ma é ziin.

WENÉNÉ LÉ LUK A GYE (Évangile selon Luc) 12:9

naa, mi lé é an tɔ yɔɔan munu va, maa dan ’bɛzan tɔ yɔɔ lɛ Kazambale lé lanjenu va.

WENÉNÉ LÉ LUK A GYE (Évangile selon Luc) 22:29

amalé maa fuatɛrɛ bɛ pa ka lee, bélé fɛan zo lé an Ti a bɛ pa an lee, a zo,

WENÉNÉ LÉ LUK A GYE (Évangile selon Luc) 22:30

yé ka dan fɛ ble lɛ anlé tablé ta anlé fuatɛrɛ la, yé ka dan nyana lɛ webleblinnu ta Izraɛl lé bɛn vu ta fié lé we blele we ma.

WENÉNÉ LÉ LUK A GYE (Évangile selon Luc) 9:26

Naa, mian é yara gya maa valé an dérenu lé we ma, yara é dan maa blami Be gyɛ lɛ ’bɛzan lé we ma, yian nya lé an dan da lɛ, maabozen koo, an Ti koo, lanje sauunnu koo, wolé fua gi, a yi nya.

Kelewenu 14:22

Yé wo zuomunu bli ta dɔ plɛplɛ, yé wo we pla wo lɛ léé, ’wo dɔ Bale lé we gi gligli, yé wo léé, é a lé ko wɔra nyané kiɛre blele nya Kazambale lé fuatɛrɛ la.

Rom munu 5:17

Mi do kpen lé we sɛrɛle ma lé ga a é dɔle munu faa nwiin yee mi do lé we ma, naa, munu lé Bale zin kɛlɛ wo lɛ kiɛre, yé é wo kɛlɛ tegele blɛ nya, wo dan vo lɛ é yuɛma yé wo dan pla lɛ munu nwiin Jézu Krist do kpen lé we ma. ’Bɛ néné ’ka mini lɛ loo?

Rom munu 8:17

Dé kaa a alé nénu nya, ’té kaa a é ziin tɔnɔblezannu nya, Kazambale lé tɔnɔblezannu nya, tɔnɔblezannu nya Krist va, ’té dé kaa nyané ble a va, lagifua blele a va we gi.

Filip munu 1:28

’té di ’ka kinié ka gi ka nyanézannu lé we ma monomono lo. We ’ko, Bale a nɔ tɔmase nya ka nyanézannu lɛ léé, wa é sanle; naa, é a tɔmase nya léé, ka a é sile we gi.

1 Timoté 5:8

Dé mian é ’ka é gɔnɔlamunu mawe kɛla lo, dé é ’ka élé kɔngimunu zé kɛla yé é mini mi bɛnu zé ta lo, ’té éé sɔn vɔa Bale lé we ma, ’té alé we naané mini yolémunu zé ta.

SEBE LÉ JUD A GYE (Épitre de Jude) 1:4

Naa, mi kenu wɔra ka méléna ka ma blaané pale nya; Bale lé zi ma wenyané fezannu lé wo nya; woo kolé Bale lé zin nɔlaan we vɔnle nya, ’té woo sɔn vɔa Kaazan do kpen lé é ke Mizan Jézu Krist nya, a ma. Ga lé sɛbɛ a fe é kyɛn, é a é dɔle wo nwiin.

Wegɔɔnle 1:6

yé é kaa kɛlɛ bɛngɔnɔ do nya, é Ti Bale banzannu nya bɛ, fua valé plale mi nwiin ’é kɛlɛ azé nya lɛɛfaama ma. Amɛɛn.

Wegɔɔnle 1:9

Maa Jan, maa a ka bwe nya. Nyanéblele valé plale mi nwiin valé yara pale we la lé ko ye Jézu lé we ma, é a kaazé nya. Maa a Kazambale dére valé Jézu lé we fena, amalé wo an si yé wo an zun wɛyi worona tɛrɛ lé wa laama Patimɔ, a ta.

Wegɔɔnle 2:13

Maa i nyanana dɔɔ, yé maa a gi dɔɔ léé, ana lé Satan lé blin ke. An tɔ a i ’léé, yé yian nya lé wo anlé yarapawela wenayezan Antipas gyɛ ka va, fɛana lé Satan nyanana ke, ana, ’bɛ yinu nyaoo, i bli ’ka si lɛ anlé we lɛ duowo lo.

Wegɔɔnle 20:4

Yé maa webleblinnu ye, yé Bale weblele se kɛlɛ wotazannu lɛ. Yé munu lé wo wo ’wuo kini Jézu lé we fele valé Kazambale dére lé we ma koo, munu lé wo ’ka dia lɛ ’wo bli la wi valé é yili ’lɛ lo, ’té wo ’ka wi lé tɔmase gyɛ lɛ, dé wo yarapɛla léé, dé wo bɛ la léé, ana lo, maa wo boennu ye. Wo nwa é yuɛma é ziin yé wo pla munu nwiin Krist va lɛɛ wuru soru.

Wegɔɔnle 20:6

Munu lé wozé ke migale nwale vininzan va, wa mi sauunnu nya yé wozé a néné. Wo gulii ’ka dan ga lɛ lo, naa, wa Kazambale valé Krist banzannu nya yé wo dan pla lɛ munu nwiin a va lɛɛ wuru soru.

Wegɔɔnle 3:10

I tawo an dére ta yarapalale nya, amalé maa é ziin, bléyi tɔntɔn lé é dan bɔ lɛ tɛrɛ faa la, tɛrɛlamunu gi danle we gi bɛ, maa dan ka tabin lɛ ’bɛ bléyi va.

Wegɔɔnle 3:21

Mian we ’ko ’wuo vo a lɛ, ko dan nyana lɛ a nya anlé webleblin ta, bélé fɛan zo lé a ’wuo vo an lɛ yé an Ti an nyana ’é va élé webleblin ta, a zo.

Wegɔɔnle 3:8

Maa i kɛlɛwenu dɔɔ. Bé ye, plɛplɛ kiéné a i lee, i tawo an dére ta, yé i ’ka an tɔ yɔɔ lɛ lo, amalé an zi lɛ so i lɛ, yé mi do kpen ’ka bɔa a lɛ tanle lɛ lo.

Wegɔɔnle 5:10

yé i wo kɛlɛ bɛngɔnɔ do nya, kolé Bale banzannu nya, yé wo dan pla lɛ tɛrɛ nwiin, amalé ilé sɛbɛ sile valé zɔrɔkaanyɔɔ bɔi yara lé.