2 Timoté 1:9 - Kazambale lé Sebe Sauunu 1979

⁹ Yee ɛ ko si we gi, yé é ko laa léé, kobo nɔ é lɛ. É ’ka ko laa lɛ ko kɛlɛwenu lé we ma lo, naa, é ko laa ébozen bɔn‐inwe yɛrama, é valé zin lé é a kɛlɛ ko lɛ Jézu Krist gi bléyian va lé tɛrɛ ’ka tan é bɔrale lo, a yɛrama.

2 Timoté 1:9 ပူးပေါင်းရင်းမြစ်များ

Matio 1:21

Mari é dan négɔné do yaa lɛ, yé bé tɔ pa Jézu; yee ɛ dan élé munu lé wenyanénu si lɛ wo lee.

WENÉNÉ LÉ LUK A GYE (Évangile selon Luc) 10:21

A bléyi duo nya Léli Sauun Jézu fan gi nanale nya yé é léé: An Ti, Lazan valé Tɛrɛzan, maa i tɔ zin fé léé, i we ’konu yɔɔ wedɔɔzannu valé ’wuoatazannu ma yé i wo nagɔɔn nénu lɛ. Iin, an Ti, maa i tɔ zin fé léé, bii a a va léé, ’é kɛlɛ ’bɛ zo.

WENÉNÉ LE JAN A GYE (Évangile selon Jean) 17:24

An Ti, é sɔ an lɛ léé, fɛana lé an ke, munu lé i wo nɔ an lɛ, ’wo kɛlɛ an va ana, anlé fua tɔbɔle lé bé nɔ an lɛ, wolé a yele we ma. An sɔ i lɛ tɛrɛ bɔrale ’lɛ, ’bɛ lé we ma.

WENÉNÉ LE JAN A GYE (Évangile selon Jean) 17:9

Wo tɔ ma lé an ke bazorona. Maa ’ka bazorona tɛrɛlamunu tɔ ma lo, naa, munu lé i wo nɔ an lɛ, wo tɔ ma lé an ke bazorona. Wa izé nya, ’bɛzama.

WENÉNÉ LE JAN A GYE (Évangile selon Jean) 6:37

Munu faa lé an Ti éé wo no an lɛ, wo dan da lɛ an va, yé mi lé é da an va, an ’ka dan sɔn vɔ lɛ a ma monomono lo.

Kelewenu 15:18

Yé é wo dɔɔ a pélisia bléyi va, yee ɛ fe.

Kelewenu 2:47

Woo Kazambale tɔ zin fé, yé wolé we kɛlɛ é zima munu faa yuɛ gi. Yé munu lé wa sina we gi, Mizambale a léglizi gi munu taa pana wo nya yi faa do do ma.

Rom munu 11:14

yé dé an bɔa lɛ, yé maa an bɛnnu lé maawole nwa, wo va mi kenu sile we gi we ma.

Rom munu 11:29

Naa, Kazambale bli ’ka nɔlaan élé blɛnu kɛlɛle valé élé mi laale ma lo.

Rom munu 16:25

Mi lé éé bɔa ka dɔle lɛ gligli anlé Wenéné valé Jézu Krist lé wefele yɛrama, we lé é ke é yɔɔle Bale bli gi, a bɔrale yɛrama bɛ, wa tɔ zin fe ma. We ’ko a é yɔɔle é li,

Rom munu 3:20

Naa, mi do kpen ’ka dan kɛlɛ lɛ tegele a yuɛ gi bélidɔwe kɛlɛwenu nya lo, naa, bélidɔwe éé mi bɔn‐in kinié léé, ’é a wenyanékɛlɛzan nya.

Rom munu 9:11

Kazambale lé mi va?-?vobɛ lé ke ’ko: é ’ka mi sié a va wo kɛlɛwenu ma lo, éé wo laan é wo. ’Bɛ lé we ma lé, dé Rébéka ’ka tan nénu ’ko yaa lɛ lo, ’té nénu ’ka tan wenyané valé wezin kɛlɛ lɛ lo, Kazambale lé Rébéka lɛ léé, a vininzan é dan pla lɛ é zuané wuo. ’Bɛ a gɔɔn léé, Kazambale dɔ ézé ta tegele.

Rom munu 9:24

’Bɛ gi léé, kaanu. É sɔ a lɛ léé, élé fuasan nagɔɔn kaa ɛ lɛ. É ko laa Juifinu méléna; ’bɛ saa kaan lo, é ka laa bɛn bɛnu méléna é ziin,

1 Korent munu 1:18

Naa, munu lé wo ke zi saanle ta, yiliblan lé we fele a wo yuɛ gi ’tugyɛwe nya, naa, kaa lé kaa si we gi, kaa a yé Kazambale lé plɛplɛ do nya.

Éfez munu 1:11

Kaa a Krist gi, amalé kaa a tɔnɔblezannu nya, naa, mi lé éé we faa kɛla ébozen lé blibɔmawe yɛrama bɛ, é kaa dɔ a nya é kyɛn ’é bɔn‐in danle nya, léé,

Éfez munu 1:9

Kazambale lé blibɔmawe do lé ke é yɔɔle, nyanaizénmitafɛ lé é ke Krist nya bɛ, Bale a kɛlɛ é kyɛn, yé é a lɛ sɔɔ a lɛsɔɔbléyi nya, yé é kaa bɔn gi kini a nya. Yee lé ke ’ko: lagifɛnu faa koo, tɛrɛlafɛnu faa koo, Krist lé we ma lé wo zén ékeva yé é kɛlɛ wo nwiinzan nya.

Éfez munu 3:11

we lé Kazambale a kɛlɛ é kyɛn, ’té é a lɛ sɔɔ Kozan Jézu Krist nya bɛ, a yɛrama.

Filip munu 3:14

’té an vlanburuwo a ’wuoplana zia, a ma ban lé é ke Kazambale lé an laale loru Jézu Krist lé we ma, a yele we gi.

1 Tɛsalɔnik munu 4:7

Kazambale ’ka kaa laa lɛ pɛnpɛnnégyɛle we ma lo, naa, é kaa laa kaa kɛlɛle sauun we ma.

1 Timoté 1:1

Bii Timoté lé i ke anbozen lé né nya Kazambale lé we gi, an we i va. Tibale valé Kaazan Jézu Krist ’wo zin kɛlɛ i lɛ ma, yé wo nyanai ’é zén i ta ma, yé ’wo i vo drɔɔ ma. Maa Pɔl ɛ ke sɛbɛ ’ko gyɛna i lɛ. Kaa Siéwegizan Bale valé Jézu Krist lé, ko bli ke a lɛ, wo dére ta lé an kɛlɛ Jézu Krist lé nwunvɔzan nya.

2 Timoté 1:1

Maa Pɔl ɛ ke sɛbɛ ’ko gyɛna Timoté zé nya. Maa a Jézu Krist lé nwunvɔzan nya Kazambale lé blibɔmawe nya, we lé Bale a fe léé, mi éé bélié Jézu Krist gi, a fele we ma.

Tite 1:2

We ’konu ma lé mi bli a vole é yuɛmale lé a glɛ ’ka lo, a yele lɛ. Bléyian va lé tɛrɛ ’ka tan bɔra lɛ lo, Kazambale lé é ’ka viéwoo monomono lo, é léé, é dan vole é yuɛma nɔ lɛ munu lɛ.

Ébrunu 3:1

Bɛwemalé, ka lé ka ke an bwenu nya Kazambale va, ’té é ka laa la gi bɛ, ’ka bɔn‐in bɔrɔ Jézu ma do. Bale a pa zia léé, kaalé blipale mawe lé kaa fé, ’é kɛlɛ a gi nwunvɔzan valé Balebanmunu ’lɛzan nya.

1 Piɛri 1:20

Bale Krist kɛlɛ ’blané nya é kyɛn tɛrɛ bɔrale ’lɛ, yé é a nagɔɔn bléyi voélanu nya kalé we ma.

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.

Wegɔɔnle 13:8

Tɛrɛlamunu faa é dan dia lɛ ’wo bli la a ’lɛ; ’Blané lé wa gyɛ, tɛrɛlamunu faa lé wo tɔ ’ka é gyɛle alé mibélilenu tɔgyɛlasɛbɛ gi tɛrɛ pélisia bléyi va lo, wo dan dia lɛ yee wi ’ko ’lɛ.

Wegɔɔnle 17:8

Wi lé bé ye, é ana é kyɛn yé é ’ka ana é dɛrɛ lo. É a lé, ’é si guru lé a wɔlɛ ma nyaana ’ka lo, a gi, yé ’é go mi sanlenu gona. Yé tɛrɛlamunu lé wo ’ka wo tɔ gyɛ lɛ mi bélilenu tɔgyɛlasɛbɛ gi tɛrɛ pélisia bléyi va lo, wo gi é dan vuru lɛ wi ’ko yele ma; naa, é a é kyɛn, yé é ’ka ana é dɛrɛ lo, yé é dan bɔra lɛ é ziin, ’bɛzama.