2 Timoté 1:8 - Kazambale lé Sebe Sauunu 1979

⁸ Bɛwemalé té yara i gyɛ Kaazan lé we fele ma monomono lo; té yara i gyɛ maa alé bokɔngizan lé we ma lo. Naa, ’i nyané ble an va Wenéné lé we ma Kazambale lé plɛplɛ nya ma.

2 Timoté 1:8 ပူးပေါင်းရင်းမြစ်များ

Lɛrɛvɔ Sɛbɛ 119:46

An dan ilé wepladérenu zuo fe lɛ minwiinzannu ’lɛ, ’Té yara ’ka an gya lo.

Lɛrɛvɔ Sɛbɛ 19:7

Éé nwaan la glɛ do sina, Yé élé vlanburule ’wuo plaan a glɛ koɛzan ta; Yé fɛan a bile plɛplɛ ’ka ’naan ’bɛ ma lo, ’bɛ fɛ ’ka lo.

Ézai 51:7

Ka lé ka wetegele dɔɔ, ’ka tɔné dɔ an lɛ; ’Kaa munu lé anlé bélidɔwe ke ka bli gi, ’ka tɔné dɔ an lɛ. Dé munu serele bo ka ma, té ’bɛ é kana zén ka gi lo, Dé wo ka sɔnɔ, té ’bɛ é gligli zén ka gi lo.

Ézai 8:20

’Ka go bélidɔwe valé wenayedére va, dé ’bɛ ’ka a fe lɛ a zo lo, ’té munu ’ko va ’ka é kinile lo.

Maak 8:38

Naa, mian éé yara gya maa valé an dérenu lé we ma, bléyi ’ko vamunu lé wo ke pɛnpɛnnégyɛzannu valé wenyanékɛlɛzannu nya, wo méléna, dé maa blami Be da an Ti lé fuasan nya, é valé lanje sauunnu nya an va, yara é dan an gyɛ lɛ ’bɛzan lé we ma é ziin.

WENÉNÉ LÉ LUK A GYE (Évangile selon Luc) 9:26

Naa, mian é yara gya maa valé an dérenu lé we ma, yara é dan maa blami Be gyɛ lɛ ’bɛzan lé we ma, yian nya lé an dan da lɛ, maabozen koo, an Ti koo, lanje sauunnu koo, wolé fua gi, a yi nya.

WENÉNÉ LE JAN A GYE (Évangile selon Jean) 15:27

é sia a pélisiana ka a an va, bɛwemalé ka é ziin, ka dan anlé we fe lɛ.

WENÉNÉ LE JAN A GYE (Évangile selon Jean) 19:35

Maa lé maa ana ye, maa ɛ fe, yé we lé maa a fe, é a webozen nya. Yé maabozen a gi dɔɔ léé, maa a fe webozen nya, ka dɔle a ta we ma é ziin.

Kelewenu 5:41

Nwunvɔzannu si webolikinimunu va yé wo gi nana léé, Kazambale a ye léé, wo dɔle nyané blele wuo Jézu tɔ ma yara lé.

Rom munu 1:16

Naa, yara ’ka an gya Wenéné ma lo. É a Kazambale lé plɛplɛ do nya blipaalɛmunu faa bélifɛ nya, Juifinu zé lé é vinin, ’bɛ zuo é a Grɛkinu zé nya.

Rom munu 16:25

Mi lé éé bɔa ka dɔle lɛ gligli anlé Wenéné valé Jézu Krist lé wefele yɛrama, we lé é ke é yɔɔle Bale bli gi, a bɔrale yɛrama bɛ, wa tɔ zin fe ma. We ’ko a é yɔɔle é li,

Rom munu 8:36

Fɛan zo lé é a é gyɛle Kazambale lé sɛbɛ gi, a zo; wo léé: Ilé we ma lé woo ko gya bladi nyanadi, Yé woo ko yé bélé ’blanu lé wo dan go lɛ wo nya wi gyɛna, wo zo.

Rom munu 9:33

we lé é ke é gyɛle Bale lé sɛbɛ gi, a yɛrama; wo léé: Ka ye, maa misaangɔlɛ plaan Siɔn gɔ nwiin; Yee lé ke midiéragɔlɛ nya; Naa, mian é bli vo a lɛ, yara ’ka dan a gyɛ lɛ lo.

2 Korɛnt Munu 6:7

webozen dére koo, Kazambale lé plɛplɛ koo, we tegele lé é ke gulidanfɛnu valé mi botakuunfɛnu nya, ’bɛ koo, wo nya.

Éfez munu 3:1

Bɛwemalé, maa Pɔl lé an ke Jézu Krist lé bokɔngizan nya ’kaa bɛnnu lé we ma, maa bazoroan.

Éfez munu 3:13

Yé é ziin, maa lé ka lɛ léé, té ka fuu é si ka ta klenu lé maa ke a blena kalé we ma, a ma lo; wa kalé tɔ nya.

Éfez munu 4:1

Bɛwemalé, maa, Mizan lé bokɔngizan, maa we plaan ka lɛ léé, we lé wo ka laa a ma, ’ka tawo a yɛrama;

Éfez munu 4:17

We lé maa a fé, ’té maa a plaan ka lɛ Mizan tɔ nya, yee lé é ke ’ko: Yolémunu lé woo tawoo boblɛn ’wuogibɔrɔlenu yɛrama bɛ, té ka tawo é dɛrɛ wo zo lo.

Filip munu 1:7

An pale a ta yara lé; ka sɔ an lɛ, dé maa a bokɔngi gɔgɔbale nya an maoo, dé an lɔlu dɔ Wenéné gi plɛplɛoo, dé maa a Wenéné suni wɔranaoo, zin lé Bale a kɛlɛ an lɛ nyanama ’konu pale nya, yee zin duo lé Bale a kɛlɛ ka lɛ, amalé an pale a ta yara lé.

Filip munu 3:10

Maa a a va léé, maa Krist dɔɔ, yé plɛplɛ lé é Krist nwa gale va koo, nanale a va alé nyanéblelenu gi koo, maa a wo va. É sɔ an lɛ léé, an ga, bélé fɛan zo lé é ga, a zo,

Filip munu 4:13

Krist lé é an dɔ plɛplɛ, an bɔa we faa kɛlɛle lɛ alé plɛplɛ nya.

Kolɔs munu 1:11

yé ’ka dɔ plɛplɛ we faa gi alé plɛplɛ tɔbɔle nya, yé ’ka kɛlɛ yifaama yarapawelazannu valé bli tiéézannu nya, ’té ka gi éé nanaan.

Kolɔs munu 1:24

Kle lé maa a blena kalé we ma, éé an gi nanaan. Krist kɔlɛ lé ke léglizigimunu nya, a ma kleblele lé wo vo, maa a a lɛ sɔɔna an kɔlɛ nya.

1 Tɛsalɔnik munu 3:4

Bléyian va lé ko ke ka va, ko we ’ko lɛ kini ka lɛ. Yé ka a gi dɔɔ léé, é bɔ a zo.

1 Timoté 2:6

’té ébozen nɔ mi faa tabozan nya bɛ, yee lé. Yee we lé wa gɔɔn alé we nya bléyi lé Bale a dɔ, a nya.

2 Timoté 1:10

Zin lé é a kɛlɛ ko lɛ, wa ye sin ko Siéwegizan Jézu Krist dale nya. Yee ɛ ga kulu ga, yé bélile valé vole é yuɛma lé a glɛ ’ka lo, é wo gɔɔn munu lɛ Wenéné nya.

2 Timoté 1:12

Amalé maa a nyané ’konu blena, naa, yara ’ka an gyɛna lo. Mi lé an bli ke a lɛ, maa azan dɔɔ, yé maa a gi dɔɔ léé, we lé maa a bɛ pa a lee, é bɔalɛ léé, é yuɛ pa a va fɔɔ yé ’bɛ yi é bɔ. Bɛwemalé yara ’ka an gya lo.

2 Timoté 1:16

Mizan nyanai ’é zén Onézifɔɔ lé kɔngimunu ta ma; é an tɔrɔ paa gɔnɔ kiɛre nya, yé yara ’ka a gyɛ lɛ an yeregɔgɔbalenu lé we ma lo, azama.

2 Timoté 2:3

’I nyané ble an va bélé Jézu Krist lé sunya zin zo.

2 Timoté 2:8

Jézu Krist lé wa yaa David kululazan nya, yé é nwa gamunu va Wenéné lé maa alé we fé, a yɛrama, a sele ’é dɔ i gi ma.

2 Timoté 2:9

An nyané ble alé we ma fɔɔ yé wo an yere bélé wenyanékɛlɛzan zo. Naa, Kazambale dére ’ka é yerele lo.

2 Timoté 4:17

Mizan ɛ bɔ an va, yé é an dɔ plɛplɛ anlé wefele lɛsɔɔle we ma, bɛnnu faa lé a ’male we gi. Yé Bale an si golizra lɔ ma.

2 Timoté 4:5

Naa, Timoté, é a lé ibo kun we faa gi; ’i dɔ kleblelenu wuo; ’i wenéné fe, ’ilé nyanama pale lɛ sɔɔ é zima ma.

1 Piɛri 1:5

Ka bli a Kazambale lɛ amalé alé plɛplɛ éé ka tabin‐é fɔɔ yé ka béliwe lé Kazambale a ma’lɛrɛle nyaa, yé ’é a nagɔɔn bléyi voéla nya.

1 Jan 4:14

Ti é Be pa zia tɛrɛlamunu siéwegizan nya, yé ko ’bɛ ye ’té ko ana we fé.

SEBE LÉ JUD A GYE (Épitre de Jude) 1:24

Bale lé, éé bɔa ’é yuɛ pale lɛ ka va yé ka ’ka saan monomono lo, ’té éé bɔa ka kɛlɛle lɛ sauun yé é da ka nya élé fua tɔbɔle va, ’té ka gi nanale a blɛɛn,

Wegɔɔnle 1:2

Bale dére koo, Jézu Krist lé wefele koo, we faa lé maa a ye koo, maa wo fe.

Wegɔɔnle 1:9

Maa Jan, maa a ka bwe nya. Nyanéblele valé plale mi nwiin valé yara pale we la lé ko ye Jézu lé we ma, é a kaazé nya. Maa a Kazambale dére valé Jézu lé we fena, amalé wo an si yé wo an zun wɛyi worona tɛrɛ lé wa laama Patimɔ, a ta.

Wegɔɔnle 12:11

Wa kele ’Blané nyɛ valé wolé wenayedére fele nya, yé wo bli si wobo lɛ léé, ’wo ga.

Wegɔɔnle 19:10

Yé maa dia a gane ma a bɔle we gi, naa, é lé an lɛ léé: Té bé kɛlɛ lo. Bii valé i bwenu lé woo Jézu lé we fé, maa a ka vazan do nya. ’I Kazambale ɛ bɔ. Jézu lé we a balelawefele pun nya.